Əlaqə məlumatları	Mərkəz üzrə: Dövlət İmtahan Mərkəzi Gənclər və İdman Nazirliyi üzrə: Bakı ş., Nərimanov r-nu, Olimpiya küç., 4
Dövlət orqanı	Gənclər və İdman Nazirliyi
Struktur bölmə	Rəhbərlik
Vakant inzibati vəzifənin adı və vakansiya sayı	dövlət orqanı rəhbərinin köməkçisi - rəhbərin köməkçisi (1 yer)
Vakant inzibati vəzifənin təsnifatı	4
Aylıq vəzifə maaşı	1210
Qulluq funksiyaları	Nazirliyin fəaliyyət sahəsinə aid olan beynəlxalq və ya ölkədaxili tədbirlərin keçirilməsi işinin təşkil edilməsində iştirak etmək; Nazirin çıxış və məruzələrinin yüksək səviyyədə hazırlanmasını və vaxtında nazirə təqdim edilməsini təmin etmək; Naziri səfərlər zamanı müşayiət etmək, səfərlə bağlı müvafiq sənədlərin, səfər proqramının hazırlanmasında iştirak; Nazirliyə həvalə olunmuş dövlət əhəmiyyətli tədbirlərin və tapşırıqların vaxtında və keyfiyyətlə yerinə yetirilməsi üçün səlahiyyətləri çərçivəsində müvafiq işlər görmək; Xüsusi tapşırıqların vaxtında və düzgün icra edilməsinə nəzarət etmək və yaranmış problemlər haqqında rəhbərliyə vaxtında məlumat vermək; Nazirliyin ümumi fəaliyyəti ilə bağlı müvafiq görüşlərdə naziri müşayət etmək; Nazirin qəbul saatlarını təşkil edərək, qəbulda iştirak etmək, qəbula gəlmiş vətəndaşların müraciətlərinə baxılması qaydalarını tənzimləyib, qüvvədə olan qanunvericiliyin tələblərini yerinə yetirmək; Nazirliyin fəaliyyəti ilə bağlı olan bütün materialların gündəlik qısa məzmunu barədə naziri məlumatlandırmaq; Nazirin iştirak edəcəyi dövlət tədbirlərinin yeri, vaxtı, proqramı və s. bu kimi ətraflı məlumatları toplayaraq diqqətinə çatdırmaq, səlahiyyətləri çərçivəsində rəhbərliyin digər tapşırıqlarını yerinə yetirmək; Nazirin əmrlərinin, sərəncamlarının, kollegiya qərarlarının hazırlanmasını təşkil etmək, nazirliyin aparatının struktur bölmələri tərəfindən onların yerinə yetirilməsinə nəzarət etmək, müvafiq sənədləri nazirə təqdim etmək, müvafiq tapşırıqlar vermək, nazirliyin fəaliyyət istiqaməti ilə bağlı şəffaflığın və hesabatlığın təmin edilməsi və bu sahədə fəaliyyətin təkmilləşdirilməsi ilə bağlı tədbirlər görmək; Dövlət əhəmiyyətli məlumatların çatdırılması və xidməti zərurətlə əlaqədar nazirlə operativ əlaqə saxlamaq və yaranmış vəziyyətlə bağlı nazirin verdiyi göstəriş və tapşırıqların yerinə yetirilməsi üçün operativ iş qurmaq; Nazirin normal iş rejimini qorumaq üçün öz vəzifə və hüquqlarından tam istifadə etmək; Bayram və müxtəlif mərasimlər münasibətilə nazir tərəfindən göndərilən təbrik və teleqramların vaxtında ünvana çatdırılmasına nəzarət etmək; Nazirliyin fəaliyyət istiqaməti ilə bağlı şəffaflığın və hesabatlığın təmin edilməsi və bu sahədə fəaliyyətin təkmilləşdirilməsi ilə bağlı tədbirlər görmək;  Nazirin qonaqlarla görüşlərini təyin və təşkil etmək; Səlahiyyətləri çərçivəsində rəhbərliyin digər tapşırıqlarını yerinə yetirmək.
Vakant inzibati vəzifənin tutulması şərtləri	Təhsilə dair tələblər: ali təhsil İş stajına dair tələblər: 2 il dövlət qulluğu stajı və yaxud 4 il ümumi iş stajı Kompüter biliklərinə dair tələblər: MS Windows, MS Office, Internetdən istifadə (orta səviyyədə) Xarici dil biliklərinə dair tələblər: İngilis dili-B1; Rus dili-B1;
Müsahibə elanının tarixi	21.01.2022 09:00
Sənədlərin qəbulu üçün müəyyən edilmiş son müddət	11.02.2022 18:00

Daxili müsahibədə aşağıdakı şəxslər iştirak hüququna malikdirlər:

• Vəzifənin tutulması şərtlərinə uyğun olan Azərbaycan Respublikasının vətəndaşları.

Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti.

Qeydlər:

• "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
• Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:

Xarici dil bilik səviyyəsi	Açıqlama
A1	gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir yavaş və aydın formada danışan bir şəxslə ünsiyyət qura və ona kömək edə bilər
A2	gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
B1	iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir şəxsi maraq dairəsi və oxşar mövzularla əlaqəli sadə mətnlər hazırlaya bilir müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
B2	İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür Əcnəbi ilə heç bir çətinlik çəkmədən səlis və sərbəst ünsiyyət qura bilir müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
C1	müxtəlif mövzularda genişhəcimli və mürəkkəb mətnləri başa düşür lüğətdən istifadə etmədən öz fikirlərinisərbəst və birbaşa ifadə edə bilir sosial, akademik və peşəkar məqsədlər üçün müvafiq dildən çevik və effektiv istifadə edə bilir mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
C2	dinlədiyi və oxuduğu hər şeyi praktik olaraq asan şəkildə başa düşür müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir

Əlaqə məlumatları: 

Qeydiyyatla bağlı yaranan texniki problemlərlə əlaqədar:

Elektron imtahanlar və müsahibələrin təşkili departamenti: Tel.:(012) 310 53 16 (daxili 2508, 2506); e-mail: dqqeydiyyat@dim.gov.az;

Müsahibə elanları, o cümlədən vəzifə təlimatları və müsahibə proqramları ilə əlaqədar:

Hüquqi təminat, dövlət qulluğu məsələləri və dövlət strategiyaları ilə iş departamenti: Tel.: (012) 310 53 16 (daxili 1766); e-mail: dqqebul@dim.gov.az;

Daxili müsahibədə iştirak etmək istəyən namizədlər 21 yanvar 2022-ci il   11 fevral 2022-ci il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Daxili müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.

Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.

Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.