Əlaqə məlumatları	Mərkəz üzrə: Dövlət İmtahan Mərkəzi Ailə, Qadın və Uşaq problemləri üzrə Dövlət Komitəsi üzrə: Bakı şəhəri, Ü.Hacıbəyli 80, Hökumət Evi
Dövlət orqanı	Ailə, Qadın və Uşaq problemləri üzrə Dövlət Komitəsi
Struktur bölmə	Rəhbərlik
Vakant inzibati vəzifənin adı və vakansiya sayı	dövlət orqanı rəhbərinin köməkçisi - mətbuat katibi (1 yer)
Vakant inzibati vəzifənin təsnifatı	4
Aylıq vəzifə maaşı	1210
Qulluq funksiyaları	Komitə sədrinin struktur bölmələri və vəzifəli şəxslərlə əlaqələli fəaliyyətini təmin etmək; Cari məsələlər üzrə Komitə sədrinin informasiya təminatını həyata keçirmək; Komitə sədrinin rəsmi görüşləri, səfərləri ilə bağlı təşkilati  məsələləri həll etmək;  Komitə sədrinin çıxış və məruzələrinin tələb olunan səviyyədə hazırlanmasını və vaxtında sədrə təqdim edilməsini təmin etmək; Komitə sədrinin yanında keçirilən  iclasları və bu iclaslarda qəbul edilən qərarları, verilən tapşırıqları protokollaşdırmaq, zəruri hallarda müzakirə olunan məsələlər üzrə sənədlər hazırlamaq; Struktur bölmələrinə verilmiş tapşırıqların icrasının gedişatı barədə Komitə sədrini məlumatlandırmaq;  Komitənin fəaliyyətinin əsas istiqamətləri, qəbul etdiyi mühüm qərarlar və rəsmi tədbirlər barədə mətbuat konfransları və brifinqlər təşkil etmək, məlumatların KİV-də yerləşdirilməsi üzrə müvafiq tədbirlər görmək;  KİV  və  vətəndaş  cəmiyyəti  üzvləri  ilə  əməkdaşlığın tənzimlənməsi üçün lazımi işlər aparmaq;  Komitənin fəaliyyəti ilə bağlı  KİV-də verilən xəbərləri  araşdırmaq  və  lazım  olduğu  təqdirdə  cavab tədbirləri görmək; Aidiyyəti struktur bölmələrlə birlikdə Komitə sədri tərəfindən  vətəndaşların qəbullarını təşkil etmək;   Səlahiyyətləri çərçivəsində rəhbərliyin digər tapşırıqlarını yerinə yetirmək.
Vakant inzibati vəzifənin tutulması şərtləri	Təhsilə dair tələblər: ali təhsil İş stajına dair tələblər: 2 il dövlət qulluğu stajı və yaxud 4 il ümumi iş stajı Kompüter biliklərinə dair tələblər: MS Windows, MS Office, Internet və s. (orta səviyyədə) Xarici dil biliklərinə dair tələblər: Rus dili-B1;İngilis dili-B1;
Müsahibə elanının tarixi	07.02.2022 09:00
Sənədlərin qəbulu üçün müəyyən edilmiş son müddət	28.02.2022 18:00

Daxili müsahibədə aşağıdakı şəxslər iştirak hüququna malikdirlər:

• Vəzifənin tutulması şərtlərinə uyğun olan Azərbaycan Respublikasının vətəndaşları.

Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti.

Qeydlər:

• 1992-ci ildən sonrakı dövrlərdə xarici dövlətlərin təhsil müəssisələri tərəfindən verilmiş ali təhsil haqqında sənədlər "Xarici dövlətlərin ali təhsil sahəsində ixtisaslarının tanınması və ekvivalentliyinin müəyyən edilməsi (nostrifikasiyası) Qaydaları"na uyğun olaraq Azərbaycan Respublikasının Təhsil Nazirliyi tərəfindən müvafiq şəhadətnamə ilə təsdiq edilməlidir.
• Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:

Xarici dil bilik səviyyəsi	Açıqlama
A1	gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir yavaş və aydın formada danışan bir şəxslə ünsiyyət qura və ona kömək edə bilər
A2	gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
B1	iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir şəxsi maraq dairəsi və oxşar mövzularla əlaqəli sadə mətnlər hazırlaya bilir müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
B2	İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür Əcnəbi ilə heç bir çətinlik çəkmədən səlis və sərbəst ünsiyyət qura bilir müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
C1	müxtəlif mövzularda genişhəcimli və mürəkkəb mətnləri başa düşür lüğətdən istifadə etmədən öz fikirlərinisərbəst və birbaşa ifadə edə bilir sosial, akademik və peşəkar məqsədlər üçün müvafiq dildən çevik və effektiv istifadə edə bilir mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
C2	dinlədiyi və oxuduğu hər şeyi praktik olaraq asan şəkildə başa düşür müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir

Əlaqə məlumatları: 

Namizədin müvafiq vakant vəzifənin tutulması şərtlərinə uyğunluğunun yoxlanılması ilə əlaqədar:

Hüquqi təminat, insan resursları və dövlət qulluğu departamenti: Tel.: (012) 310 53 16 (daxili 1765); e-mail: l.qedirova@dim.gov.az

Müsahibə elanları, o cümlədən vəzifə təlimatları və müsahibə proqramları ilə əlaqədar:

Hüquqi təminat, insan resursları və dövlət qulluğu departamenti: Tel.: (012) 310 53 16 (daxili 1766); e-mail: dqqebul@dim.gov.az;

Qeydiyyatla bağlı yaranan texniki problemlərlə əlaqədar:

Elektron imtahanlar və müsahibələrin təşkili departamenti: Tel.:(012) 431 63 86 (daxili 102,111,117); e-mail: dqqeydiyyat@dim.gov.az.

Daxili müsahibədə iştirak etmək istəyən namizədlər 7 fevral 2022-ci il   28 fevral 2022-ci il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Daxili müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.

Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.

Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.