Əlaqə məlumatları	Mərkəz üzrə: Dövlət İmtahan Mərkəzi Rəqəmsal İnkişaf və Nəqliyyat Nazirliyi üzrə: Bakı şəhəri, Azadlıq prospekti, 11
Dövlət orqanı	Rəqəmsal İnkişaf və Nəqliyyat Nazirliyi
Struktur bölmə	Azərbaycan Respublikası Rəqəmsal İnkişaf və Nəqliyyat Nazirliyi yanında Dövlət Mülki Aviasiya Agentliyi, Rəhbərlik
Vakant inzibati vəzifənin adı və vakansiya sayı	mərkəzi icra hakimiyyəti orqanları yanında yaradılan dövlət agentliyi rəhbərinin müavini - direktor müavini (1 yer)
Vakant inzibati vəzifənin təsnifatı	3
Aylıq vəzifə maaşı	1480
Qulluq funksiyaları	öz fəaliyyətini Azərbaycan Respublikasının Konstitusiyasının, Azərbaycan Respublikasının tərəfdar çıxdığı beynəlxalq müqavilələrin, Azərbaycan Respublikasının qanunlarının, Azərbaycan Respublikası Prezidentinin fərman və sərəncamlarının, mülki aviasiya sahəsi üzrə Dövlət Proqramlarının, Azərbaycan Respublikası Nazirlər Kabinetinin qərar və sərəncamlarının, beynəlxalq mülki aviasiya təşkilatlarının tələblərinin, Azərbaycan Respublikasının Rəqəmsal İnkişaf və Nəqliyyat Nazirliyi (Nazirlik) haqqında Əsasnamənin, Dövlət Mülki Aviasiya Agentliyinin (DMAA) Əsasnaməsinin, Nazirliyin hüquqi aktlarının və DMAA direktorunun əmr və göstərişlərinin tələblərinə uyğun həyata keçirir; müvafiq sahəni tənzimləyən normativ hüquqi aktların layihələrinin hazırlanmasında iştirakı, onlara dair rəy və təkliflərin verilməsini təmin edir; dövlət proqramları və inkişaf konsepsiyalarının layihələrinin hazırlanmasında və həyata keçirilməsində iştirakı təmin edir;  müvafiq sahədə digər dövlət qurumlarının fəaliyyətinin əlaqələndirilməsi barədə təkliflər verir; müvafiq sahəyə aid olan beynəlxalq müqavilələrlə bağlı danışıqlarda iştirakı təmin edir;  müvafiq sahədə dövlət nəzarətinin həyata keçirilməsini təmin edir; mülki aviasiya sahəsində beynəlxalq müqavilələrə uyğun olaraq sənədlərə, habelə Azərbaycan Respublikası Nazirlər Kabinetinin müəyyən etdiyi hallarda ixrac nəzarətinə düşən mallara (işlərə, xidmətlərə, əqli fəaliyyətin nəticələrinə) icazə verilməsinə, icazə şərtlərinə əməl edilməsinə nəzarəti təmin edir; Nazirliyin müəyyən etdiyi qaydada Beynəlxalq Mülki Aviasiya Təşkilatı (ICAO) ilə və digər beynəlxalq təşkilatlarla əməkdaşlığı təmin edir, onların işində iştirak edir, həmçinin xarici ölkələrin aidiyyəti qurumları ilə qarşılıqlı əlaqədə fəaliyyətin göstərilməsini təmin edir;  müvafiq sahədə yaranan münasibətləri tənzimləyən Azərbaycan Respublikasının normativ hüquqi aktları ilə müəyyən edilmiş tələblərə, beynəlxalq standartlara və tövsiyə edilən təcrübəyə riayət olunmasına nəzarəti təmin edir, habelə müvafiq sahədə hüquqi aktlarla ICAO-nun Standartları və Tövsiyə olunan təcrübəsi arasında fərqlərin mövcudluğu barədə Nazirliyə məlumatların verilməsini təmin edir;   aviasiya texnikası və avadanlığı da daxil olmaqla, Azərbaycan Respublikasının bütün mülki aviasiya subyektlərinin milli və beynəlxalq tələblərə uyğun olaraq icbari sertifikatlaşdırılmasına, həmçinin mülki aviasiya subyektlərinə verilmiş sertifikatların şərtlərinə onların riayət etməsinə nəzarətin həyata keçirilməsini təmin edir;  hava nəqliyyatı vasitələri sərnişinlərinin fərdi qəza sığortası üzrə qanunvericiliyə uyğun olaraq icbari qaydada sığortalanmasına nəzarəti təmin edir;   hava məkanından istifadəni tənzimləyən qaydaların, Azərbaycan Respublikasının hava məkanında mülki hava gəmilərinin uçuş qaydalarının və müvafiq sahədə digər normativ hüquqi aktların aidiyyəti qurumlarla birgə hazırlanmasını təmin edir; mülki aviasiya istismarçılarına sertifikatların və bu sahədə fəaliyyət göstərən digər subyektlərə uyğunluq sertifikatlarının verilməsini, onların verilməsindən imtina edilməsini, qüvvədə olma müddətlərinin dayandırılmasını və ləğv edilməsi barədə qərarların qəbul edilməsini təmin edir;   təhlükəli yüklərin ölkənin hava məkanı üzərindən daşınması üçün hava gəmilərinə icazələr verilməsi ilə bağlı Nazirliyə təkliflərin verilməsini təmin edir;   mülki hava gəmilərinin dövlət reyestrinin, sertifikatlaşdırılmış aviasiya personalının, sertifikatlaşdırılmış aerodromların, helikopter meydançalarının və mülki aviasiya subyektlərinin reyestrlərinin aparılmasını, mülki hava gəmilərinin qeydiyyatının həyata keçirilməsini, müvafiq şəhadətnamə və vəsiqələrin verilməsini, həmçinin xarici dövlətlərin səlahiyyətli orqanlarının verdikləri analoji sənədlərin tanınmasına dair tələblərin müəyyən edilməsi ilə bağlı Nazirliyə təkliflərin təqdim edilməsini təmin edir;  ölkənin mülki aviasiya hava limanlarının və aerodromlarının imkanları, habelə aviasiya texnikasına texniki xidmət imkanları nəzərə alınmaqla, mülki aviasiya subyektlərinin əldə etdikləri aviasiya texnikasının Azərbaycan Respublikası ərazisində yerləşdirilməsi və istifadəsi məsələlərinin razılaşdırılmasını təmin edir;   ölkənin sertifikatlaşdırılmış aviaşirkətlərinin təyin edilməsini və hökumətlərarası sazişlərə əsasən, Respublika daxilində və Respublikanın hüdudlarından kənarda onların uçuş marşrutlarının təsdiq edilməsini, bu marşrutların istismarı üçün müvafiq icazələrin verilməsini, habelə xarici dövlətlərin hava gəmilərinə Azərbaycan Respublikasının mülki aviasiya hava limanlarına uçuşlar (müntəzəm uçuşlar və çarter uçuşları) yerinə yetirilməsi üçün icazələrin verilməsini təmin edir;   təşkilati-hüquqi və mülkiyyət formasından asılı olmayaraq bütün mülki aviasiya subyektləri üçün mülki hava gəmilərinin və hava limanlarının rejim zonalarının ərazisində digər nəqliyyat vasitələrinin hərəkətinin təhlükəsizliyinə və istismarına dair texniki tələblərin, qayda və təlimatların layihələrinin Nazirliyə təqdim edilməsini, onların icrasına nəzarətin həyata keçirilməsini təmin edir;  aviasiya mütəxəssislərinin ayrı-ayrı kateqoriyalarının sağlamlıq vəziyyətinə, həmçinin onların peşəkar hazırlıq səviyyəsinə və onun yoxlanmasına dair tələblərin Nazirliyə təqdim edilməsini təmin edir; müvafiq sahəyə aid beynəlxalq müqavilələrin (sazişlərin) layihələrinin  hazırlanmasını, yeni hava əlaqələri (marşrutları), beynəlxalq hava daşımaları üçün uçuş tezliklərinin və onların yerinə yetirilməsinin kommersiya şərtlərinin müəyyən edilməsini təmin edir;   beynəlxalq daşıma tariflərinin və yığımlarının qüvvədə olan beynəlxalq qaydalara uyğun hazırlanmasını və təsdiq edilməsi üçün təqdim edilməsini təmin edir;  beynəlxalq hava daşımaları ilə məşğul olan mülki hava gəmiləri ekipajlarının və DMAA personalının pasport-viza təminatı məsələlərinin həllini təmin edir;   mülki aviasiyaya dair müvafiq texnoloji, texniki, iqtisadi, maliyyə, sosial, ekoloji və digər məlumatlardan ibarət informasiya bazasının yaradılmasını təmin edir;  fövqəladə hallarda aidiyyəti dövlət qurumları ilə birgə mülki aviasiya müəssisə, idarə və təşkilatlarında səfərbərlik hazırlığının həyata keçirilməsini, mülki müdafiə tədbirlərinin görülməsini, fövqəladə halların nəticələrinin aradan qaldırılmasında iştirakı təmin edir;   mülki aviasiya obyektlərinin tikintisi, yenidən qurulması və texniki cəhətdən təkmilləşdirilməsi ilə bağlı texniki-iqtisadi göstəricilərə və layihə-smeta sənədlərinə dair rəy verilməsini təmin edir;  mülki aviasiya subyektlərinin iqtisadi və maliyyə vəziyyətinin təhlil edilməsini, onların fəaliyyətinin səmərəliliyinin artırılması ilə bağlı tədbirlərin görülməsini təmin edir;  müvafiq sahədə maliyyə-iqtisadi, investisiya və tarif-qiymət siyasətinin formalaşdırılmasında və həyata keçirilməsində iştirakı, beynəlxalq tarif siyasətinə dair Nazirliyə təkliflərin verilməsini təmin edir;  mülki aviasiya sahəsində yüklərin və poçtun aviasiya təhlükəsizliyinin təmini məqsədilə yük agentlərinin və məlum yükgöndərənlərin qeydiyyatının aparılmasını, onlara sertifikatların və fərdi kod nömrəsinin verilməsini, verilmiş sertifikatların şərtlərinə riayət olunmasına nəzarətin həyata keçirilməsini təmin edir;  DMAA-nın fəaliyyəti haqqında əhalinin məlumatlandırılmasını, malik olduğu və siyahısı qanunvericiliklə müəyyən edilmiş açıqlanmalı olan ictimai informasiyanın internet  saytında yerləşdirilməsini və bu informasiyanın daim yenilənməsini təmin edir;  müvafiq sahədə əməyin mühafizəsi tədbirlərinin həyata keçirilməsində iştirakı təmin edir;  müvafiq sahədə kadr hazırlığını, həmçinin mütəxəssislərin hazırlanmasını və əlavə təhsili üçün tədbirlərin görülməsini təmin edir;    müvafiq sahəyə aid qanunvericiliyin pozulmasına görə şəxslərin məsuliyyətə cəlb edilməsi üçün tədbirlərin görülməsini təmin edir;  Azərbaycan Respublikasının tərəfdar çıxdığı beynəlxalq müqavilələrin həyata keçirilməsini təmin edir;   qabaqcıl beynəlxalq təcrübə nəzərə alınmaqla, müvafiq sahədə elmi-texniki nailiyyətlərin tətbiqi ilə bağlı təkliflərin verilməsini təmin edir;  müvafiq sahəyə ayrılan büdcə vəsaitindən, kredit, qrant və digər maliyyə vəsaitlərindən təyinatı üzrə səmərəli istifadə olunmasını təmin edir;  dövlət sirrinin və məxfilik rejiminin qorunması üçün zəruri tədbirlərin, habelə fəaliyyət istiqamətlərinə uyğun təhlükəsizlik tədbirlərinin həyata keçirilməsini təmin edir;  DMAA-nın strukturunun və fəaliyyətinin təkmilləşdirilməsi ilə bağlı Nazirliyə təkliflərin verilməsini təmin edir;   DMAA-nın fəaliyyəti ilə bağlı daxil olan ərizə və şikayətlərə baxılmasını təmin edir;  fəaliyyət istiqamətlərinə uyğun olaraq qanunvericiliklə nəzərdə tutulmuş digər vəzifələri həyata keçirir.
Vakant inzibati vəzifənin tutulması şərtləri	Təhsilə dair tələblər: ali təhsil İş stajına dair tələblər: dövlət qulluğunda 6 il struktur bölmənin və ya vəzifənin fəaliyyət istiqamətləri üzrə iş stajı və yaxud 9 il struktur bölmənin və ya vəzifənin fəaliyyət istiqamətləri üzrə iş stajı Kompüter biliklərinə dair tələblər: MS Windows, MS Office, Internetdən istifadə(yüksək səviyyədə) Xarici dil biliklərinə dair tələblər: İngilis dili-C1; Rus dili-C1;
Müsahibə elanının tarixi	14.11.2023 09:00
Sənədlərin qəbulu üçün müəyyən edilmiş son müddət	28.11.2023 18:00

Daxili müsahibədə aşağıdakı şəxslər iştirak hüququna malikdirlər:

• Vəzifənin tutulması şərtlərinə uyğun olan Azərbaycan Respublikasının vətəndaşları.

Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti.

Qeydlər:

• "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
• Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:

Xarici dil bilik səviyyəsi	Açıqlama
A1	gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir yavaş və aydın formada danışan bir şəxslə ünsiyyət qura və ona kömək edə bilər
A2	gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
B1	iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir şəxsi maraq dairəsi və oxşar mövzularla əlaqəli sadə mətnlər hazırlaya bilir müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
B2	İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür Əcnəbi ilə heç bir çətinlik çəkmədən səlis və sərbəst ünsiyyət qura bilir müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
C1	müxtəlif mövzularda genişhəcimli və mürəkkəb mətnləri başa düşür lüğətdən istifadə etmədən öz fikirlərinisərbəst və birbaşa ifadə edə bilir sosial, akademik və peşəkar məqsədlər üçün müvafiq dildən çevik və effektiv istifadə edə bilir mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
C2	dinlədiyi və oxuduğu hər şeyi praktik olaraq asan şəkildə başa düşür müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir

Əlaqə məlumatları: 

Qeydiyyatla bağlı yaranan texniki problemlərlə əlaqədar:

Elektron imtahanlar və müsahibələrin təşkili departamenti: Tel.:(012) 310 53 16 (daxili 2504,2503); e-mail: dqqeydiyyat@dim.gov.az;

Müsahibə elanları, o cümlədən vəzifə təlimatları və müsahibə proqramları ilə əlaqədar:

Hüquqi təminat, insan resursları və dövlət qulluğu departamenti: Tel.: (012) 310 53 16 (daxili 1766); e-mail: dqqebul@dim.gov.az;

Daxili müsahibədə iştirak etmək istəyən namizədlər 14 noyabr 2023-cü il   28 noyabr 2023-cü il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Daxili müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.

Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.

Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.