Əlaqə məlumatları	Mərkəz üzrə: Dövlət İmtahan Mərkəzi Vətəndaşlara Xidmət və Sosial İnnovasiyalar üzrə Dövlət Agentliyi üzrə: Bakı, Zaur Nudirəliyev küçəsi 85
Dövlət orqanı	Vətəndaşlara Xidmət və Sosial İnnovasiyalar üzrə Dövlət Agentliyi
Struktur bölmə	İKT infrastrukturunun idarəedilməsi və İT xidmətlərinin təşkili şöbəsi, İKT infrastrukturunun təşkili sektoru
Vakant inzibati vəzifənin adı və vakansiya sayı	böyük məsləhətçi (1 yer)
Vakant inzibati vəzifənin təsnifatı	5
Aylıq vəzifə maaşı	855
Qulluq funksiyaları	İKT-nin təşkili üzrə icraçılar tərəfindən görülən işlər daxil olmaqla İKT infrastrukturunun mütəmadi auditini aparmaq, arayış, hesabat və təkliflər hazırlamaq; İKT sahəsi üzrə işlərin təhvil-təslimi prosesində iştirak etmək; İKT sahəsində qabaqcıl texnologiyaların tətbiq olunması, daxili şəbəkənin, sistemlərin və avadanlıqların yenilənməsi ilə bağlı təkliflər vermək; İnformasiya proseslərinin (informasiyanın yaradılması, yığılması, işlənməsi, saxlanması, axtarışı, ötürülməsi) aparılması üçün İKT resurslarını və bu sahədə inzibatçılığı təmin etmək; Dövlət Agentliyinin və tabeli qurumların keyfiyyətli və fasiləsiz internet bağlantısı ilə təmin edilməsi üçün zəruri tədbirləri görmək; İnfrastrukturun monitorinqini nəzarətdə saxlamaq və idarəetmə proseslərini təmin etmək: dəyişikliklərin, konfiqurasiyaların, loqların və proqram təminatı lisenziyalarının idarəolunması; Sistemlərin idarəolunmasında innovativ və avtomatlaşdırılmış yanaşmanın tətbiqi ilə bağlı təhlillər aparmaq və təkliflər hazırlamaq. Sistem əməliyyatları üzrə prosesləri avtomatlaşdırmaq (DevOps, CI/CD (Continuous Integration/Delivery)) və dəstəkləmək; Tərtibat, sınaq və istehsalat (Dev/Test/Prod) iş mühitlərini formalaşdırmaq və dayanıqlı fəaliyyətini təmin etmək; Yeni xidmətlər üçün İKT resurslarını təmin etmək və mövcud xidmətləri optimallaşdırmaq; Server və şəbəkə resurslarından istifadəni nəzarətdə saxlamaq; Serverlər, şəbəkələr və digər İKT avadanlıqlarına aid tənzimləmələrin səlahiyyətsiz dəyişdirməsi, silinməsi, yaxud daxilolma cəhdlərinə qarşı tədbirlər görmək. Təhlükəsiz iş mühiti formalaşdırmaq; İKT avadanlıqlarının/İT aktivlərin qeydiyyatını və inzibatçılığını aparmaq, texniki dəstək və yenilənmə işlərini təmin etmək; İKT avadanlıqları və onların proqram təminatının aktuallığını və təhlükəsizlik tələblərinə uyğun tənzimlənməsini təmin etmək; Layihələrin yerinə yetirilmə mərhələlərində icraçıların işinə və tətbiq prosesinə nəzarət etmək; İstifadəçilərin giriş və icazələrini vəzifə funksiyalarına uyğun olaraq aidiyyəti üzrə məsul şəxslərin təsdiqi əsasında təmin etmək; Server/şəbəkə avadanlığı və proqram təminatlarında edilən dəyişikliklər və nasazlıqların qeydiyyatını aparmaq; İKT infrastrukturunun (serverlər, şəbəkə avadanlıqları, kommunikasiya sistemləri, məlumat bazaları, informasiya sistemləri) yaradılması və idarə edilməsində iştirak etmək; Proqram yenilənmələrinin (patch, firmware) tətbiqi və ehtiyat nüsxələrin (backup) yaradılmasını təmin etmək; Dövlət Agentliyi və tabeli qurumların daxili rabitə sistemlərinin keyfiyyətli və fasiləsiz işini təmin etmək; Dövlət Agentliyində İT üzrə gündəlik növbətçilik prosesində iştirak etmək və növbətçilik zamanı tabe qurumlarda İKT sahəsi üzrə işlərin gedişinə nəzarət etmək; Proqram və texniki vasitələrin istismarı zamanı yaranan problemləri həll etmək və problemlərin həllində əməkdaşlara köməklik göstərmək; Əməkdaşların informasiya texnologiyaları sahəsində biliklərinin artırılması məqsədilə təşkil edilən təlimlərdə iştirak etmək; Fəaliyyət istiqaməti üzrə sektora daxil olan ərizə, təklif və şikayətləri araşdırmaq və cavablandırmaq; vəzifəsi üzrə şöbə müdiri və sektor müdiri tərəfindən verilən tapşırıqları vaxtında və keyfiyyətlə yerinə yetirmək.
Vakant inzibati vəzifənin tutulması şərtləri	Təhsilə dair tələblər: ali təhsil İş stajına dair tələblər: 2 il struktur bölmənin və ya vəzifənin fəaliyyət istiqamətləri üzrə iş stajı Kompüter biliklərinə dair tələblər: Mərkəzi idarəetmə sistemləri ilə iş təcrübəsi - Active Directory, Group policy; Əməliyyat sistemlərinin inzibatçılığı (Windows Server (2012/2016/2019), Linux (RedHat, CentOs)); Virtualizasiya texnologiyaları ilə təcrübə - VMware vSphere ; “Proxy” və “web” serverlərlə bağlı iş təcrübəsi - Haproxy, Nginx, Apache, Tomcat, IIS; Ehtiyat nüsxələrin yaradılması (Backup) sistemləri ilə iş təcrübəsi; Servislərlə iş təcrübəsi – DNS (Windows DNS, BIND, PowerDNS), Server update repository (apt-mirror, WSUS), Skype for business, DHCP, Print server, RDS, Certificate services, Volume Activation, Windows Admin Center; Yüksək əlçatanlıq (High availability) sistemləri ilə iş təcrübəsi - keepalived, pacemaker, windows failover cluster ; Yaddaş qurğuları (SAN Storage sistemləri) ilə iş təcrübəsi - HPE MSA, HPE 3PAR, Lenovo Storwise, Brocade SAN switch ; Versiya nəzarət sistemləri ilə iş bacarığı - Git; Zabbix, Wireshark, PRTG, Pfsense, İPAM v.s kimi proqramlarla işləmə bacarığı “Microsoft Office” proqramları üzrə biliklər Xarici dil biliklərinə dair tələblər: İngilis dili-A2;
Müsahibə elanının tarixi	14.11.2023 09:00
Sənədlərin qəbulu üçün müəyyən edilmiş son müddət	28.11.2023 18:00

Daxili müsahibədə aşağıdakı şəxslər iştirak hüququna malikdirlər:

• Vakant vəzifəni təqdim etmiş dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar daxili müsahibə elan edilən dövlət orqanında ehtiyat kadr kimi saxlanılan şəxslər;

Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti;

Qeydlər:

• Müsahibədə barəsində müsahibə elan edilən vəzifənin təsnifatından ən çoxu iki təsnifat aşağı inzibati vəzifələrdə qulluq keçən dövlət qulluqçuları, habelə ən çoxu iki təsnifat aşağı inzibati vəzifələrdə qulluq keçmiş ehtiyat kadrlar iştirak edə bilərlər.
• "Dövlət qulluğu haqqında" Azərbaycan Respublikası Qanununun 29.5-ci maddəsinin ikinci hissəsinə əsasən barələrində intizam tənbehi tətbiq edilmiş dövlət qulluqçuları altı ay ərzində müsahibəyə buraxılmırlar.
• "Dövlət qulluğu haqqında" Azərbaycan Respublikasının Qanununda dəyişiklik edilməsi barədə" Azərbaycan Respublikasının 2016-cı il 31 may tarixli 267-VQD nömrəli Qanunu qüvvəyə mindiyi günədək (10.08.2016-cı il tarixinədək) dövlət qulluğunda inzibati vəzifəyə qəbul olunmuş və inzibati vəzifələrdə 10 ildən az qulluq stajı olan dövlət qulluqçuları daha yüksək inzibati vəzifənin tutulması üçün müraciət etdiyi halda dövlət qulluğunda fəaliyyətin davam etdirilməsi üzrə keçirilən test imtahanından keçdiyini təsdiq edən sertifikata malik olmalıdırlar.
• "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
• Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:

Xarici dil bilik səviyyəsi	Açıqlama
A1	gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir yavaş və aydın formada danışan bir şəxslə ünsiyyət qura və ona kömək edə bilər
A2	gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
B1	iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir şəxsi maraq dairəsi və oxşar mövzularla əlaqəli sadə mətnlər hazırlaya bilir müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
B2	İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür Əcnəbi ilə heç bir çətinlik çəkmədən səlis və sərbəst ünsiyyət qura bilir müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
C1	müxtəlif mövzularda genişhəcimli və mürəkkəb mətnləri başa düşür lüğətdən istifadə etmədən öz fikirlərinisərbəst və birbaşa ifadə edə bilir sosial, akademik və peşəkar məqsədlər üçün müvafiq dildən çevik və effektiv istifadə edə bilir mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
C2	dinlədiyi və oxuduğu hər şeyi praktik olaraq asan şəkildə başa düşür müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir

Əlaqə məlumatları: 

Qeydiyyatla bağlı yaranan texniki problemlərlə əlaqədar:

Elektron imtahanlar və müsahibələrin təşkili departamenti: Tel.:(012) 310 53 16 (daxili 2504,2503); e-mail: dqqeydiyyat@dim.gov.az;

Müsahibə elanları, o cümlədən vəzifə təlimatları və müsahibə proqramları ilə əlaqədar:

Hüquqi təminat, insan resursları və dövlət qulluğu departamenti: Tel.: (012) 310 53 16 (daxili 1766); e-mail: dqqebul@dim.gov.az;

Daxili müsahibədə iştirak etmək istəyən namizədlər 14 noyabr 2023-cü il tarixindən 28 noyabr 2023-cü il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Daxili müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.

Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.

Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.