Əlaqə məlumatları	Mərkəz üzrə: Dövlət İmtahan Mərkəzi İqtisadiyyat Nazirliyi üzrə: Nəsimi rayonu, Mirəli Qaşqay küçəsi 56
Dövlət orqanı	İqtisadiyyat Nazirliyi
Struktur bölmə	İqtisadiyyat Nazirliyinin Çağrı Mərkəzi, Keyfiyyətə təminat sektoru
Vakant inzibati vəzifənin adı və vakansiya sayı	baş məsləhətçi (1 yer)
Vakant inzibati vəzifənin təsnifatı	7
Aylıq vəzifə maaşı	540
Qulluq funksiyaları	Çağrı mərkəzlərinin fəaliyyətinin təşkili Qaydalarında, Mərkəzin Əsasnaməsində, iş planlarında və digər müvafiq sənədlərdə nəzərdə tutulmuş tədbirlərin vaxtında və lazımi səviyyədə icrası üçün tədbirlər görür Hər ay üzrə növbəti ayın 16-dan gec olmayaraq təmsilçilərin cavablandırdıqları müraciətlərin monitorinqini aparır və ilkin nəticələri bilavasitə tabe olduğu şəxsə təqdim edir Monitorinq nəticələri təqdim edilmiş təmsilçilərlə nəticələr təqdim edildikdən sonra 5 iş günü müddətində müzakirələr aparır, mübahisəli məqamlar olduqda bilavasitə tabe olduğu şəxsin iştirakı ilə onların birgə müzakirəsini təşkil edir və nəticələri dəqiqləşdirir Monitorinqin yekun nəticələri müəyyən edildikdən sonra 1 iş günü müddətində  monitorinq nəticələrinə əsasən arayışa əlavə ediləcək məlumatları (o cümlədən, tövsiyələri, keyfiyyətin artırılması barədə təklifləri və monitorinq üzrə yekun nəticələri) hazırlayır və bilavasitə tabe olduğu şəxsə təqdim edir Təmsilçilərin bilik və peşə hazırlığı səviyyəsinin artırılması, o cümlədən yeni təmsilçilərin ilkin hazırlığı məqsədilə təlim materiallarını hazırlayır və bilavasitə tabe olduğu şəxslə razılaşdırmaqla təlimlər keçirir Həftə ərzində, zəruri hallarda gün ərzində Çağrı Mərkəzinin təmsil etdiyi dövlət qurumlarının salahiyyətlərinə aid edilmiş qanunvericilik aktlarında baş verən, o cümlədən Nazirliyin səlahiyyətlərinə aid olan müvafiq yenilik, əlavə və dəyişikliklər barədə təmsilçiləri məlumatlandırmaq üçün təlimlər təşkil edir Çağrı Mərkəzinin təmsil etdiyi dövlət qurumlarının salahiyyətlərinə aid edilmiş qanunvericilik aktlarına aid olan məsələlərlə bağlı araşdırmalar aparır və əldə olunmuş məlumatları Çağrı Mərkəzinin təmsilçilərinə çatdırır Sual-cavab bazasının təkmilləşdirilməsi istiqamətində zəruri tədbirlər görür, o cümlədən, monitorinq zamanı aşkar edilmiş düzgün cavablandırılmamış sualları və onların standarta uyğun cavablarını Mərkəzin rəhbərliyi ilə razılaşdırmaqla mövcud bazaya əlavə edir Çağrı Mərkəzinin növbə qrafiki ilə müəyyən edilmiş hallarda təmsilçi kimi fəaliyyət göstərir Qiymətləndirmə nəticələri təqdim edildikdən sonra 5 iş günü ərzində onunla tanış olaraq qiymətləndirmə formasının özünə aid hissəsini doldurmaqla Keyfiyyətə təminat sektorunun qiymətləndirməni həyata keçirən əməkdaşına təqdim edir və müəyyən edilmiş vaxtda müzakirədə iştirak edir  Vəzifələrinin yerinə yetirilməsi üçün zəruri olan iş şəraitində çatışmazlıq olduqda dərhal müəyyən edilmiş qaydada məsul şəxsə və bilavasitə tabe olduğu şəxsə məlumat verir Qanunvericiliyə uyğun olaraq kommersiya və (və ya) vergi sirrinin və xidməti məlumatların qorunmasını təmin edir Mərkəz daxilində keçirilən sorğularda, imtahanlarda, təlimlərdə və müzakirələrdə iştirak edir Gün ərzində araşdırmaya qəbul edilən və cavablandırılan müraciətlərlə, o cümlədən Mərkəzə daxil olan digər sənədlərlə tanış olur Tabe olduğu şəxsin vəzifə səlahiyyətləri daxilində verdiyi tapşırıqları icra edir.
Vakant inzibati vəzifənin tutulması şərtləri	Təhsilə dair tələblər: iqtisadiyyat və idarəetmə ixtisasları qrupu, hüquqşünaslıq, beynəlxalq münasibətlər, dövlət və ictimai münasibətlər ixtisasları üzrə ali təhsil İş stajına dair tələblər: 1 il struktur bölmənin və ya vəzifənin fəaliyyət istiqamətləri üzrə iş stajı Kompüter biliklərinə dair tələblər: MS Office Proqramlarından və ofis texnikasından istifadə qabiliyyəti – yüksək səviyyədə Xarici dil biliklərinə dair tələblər: yoxdur
Müsahibə elanının tarixi	03.07.2024 09:00
Sənədlərin qəbulu üçün müəyyən edilmiş son müddət	17.07.2024 18:00

Daxili müsahibədə aşağıdakı şəxslər iştirak hüququna malikdirlər:

• Vakant vəzifəni təqdim etmiş dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar daxili müsahibə elan edilən dövlət orqanında ehtiyat kadr kimi saxlanılan şəxslər;

Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti;

Qeydlər:

• Müsahibədə barəsində müsahibə elan edilən vəzifənin təsnifatından ən çoxu iki təsnifat aşağı inzibati vəzifələrdə qulluq keçən dövlət qulluqçuları, habelə ən çoxu iki təsnifat aşağı inzibati vəzifələrdə qulluq keçmiş ehtiyat kadrlar iştirak edə bilərlər.
• "Dövlət qulluğu haqqında" Azərbaycan Respublikası Qanununun 29.5-ci maddəsinin ikinci hissəsinə əsasən barələrində intizam tənbehi tətbiq edilmiş dövlət qulluqçuları altı ay ərzində müsahibəyə buraxılmırlar.
• "Dövlət qulluğu haqqında" Azərbaycan Respublikasının Qanununda dəyişiklik edilməsi barədə" Azərbaycan Respublikasının 2016-cı il 31 may tarixli 267-VQD nömrəli Qanunu qüvvəyə mindiyi günədək (10.08.2016-cı il tarixinədək) dövlət qulluğunda inzibati vəzifəyə qəbul olunmuş və inzibati vəzifələrdə 10 ildən az qulluq stajı olan dövlət qulluqçuları daha yüksək inzibati vəzifənin tutulması üçün müraciət etdiyi halda dövlət qulluğunda fəaliyyətin davam etdirilməsi üzrə keçirilən test imtahanından keçdiyini təsdiq edən sertifikata malik olmalıdırlar.
• "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
• Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:

Xarici dil bilik səviyyəsi	Açıqlama
A1	gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir yavaş və aydın formada danışan bir şəxslə ünsiyyət qura və ona kömək edə bilər
A2	gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
B1	iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir şəxsi maraq dairəsi və oxşar mövzularla əlaqəli sadə mətnlər hazırlaya bilir müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
B2	İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür Əcnəbi ilə heç bir çətinlik çəkmədən səlis və sərbəst ünsiyyət qura bilir müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
C1	müxtəlif mövzularda genişhəcimli və mürəkkəb mətnləri başa düşür lüğətdən istifadə etmədən öz fikirlərinisərbəst və birbaşa ifadə edə bilir sosial, akademik və peşəkar məqsədlər üçün müvafiq dildən çevik və effektiv istifadə edə bilir mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
C2	dinlədiyi və oxuduğu hər şeyi praktik olaraq asan şəkildə başa düşür müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir

Əlaqə məlumatları: 

Qeydiyyatla bağlı yaranan texniki problemlərlə əlaqədar:

Elektron imtahanlar və müsahibələrin təşkili departamenti: Tel.:(012) 310 53 16 (daxili 2504,2503); e-mail: dqqeydiyyat@dim.gov.az;

Müsahibə elanları, o cümlədən vəzifə təlimatları və müsahibə proqramları ilə əlaqədar:

Hüquqi təminat, insan resursları və dövlət qulluğu departamenti: Tel.: (012) 310 53 16 (daxili 1766); e-mail: dqqebul@dim.gov.az;

Daxili müsahibədə iştirak etmək istəyən namizədlər 3 iyul 2024-cü il tarixindən 17 iyul 2024-cü il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Daxili müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.

Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.

Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.