Əlaqə məlumatları	Mərkəz üzrə: Dövlət İmtahan Mərkəzi İqtisadiyyat Nazirliyi üzrə: Heydər Əliyev prospekti 139
Dövlət orqanı	İqtisadiyyat Nazirliyi
Struktur bölmə	İqtisadiyyat Nazirliyi yanında Əmlak Məsələləri Dövlət Xidməti, Əmlak Məsələləri Dövlət Xidmətinin Aparatı, Dövlət əmlakının icarəyə verilməsi və dövlət ehtiyacları şöbəsi, İcarəyə verilmiş dövlət əmlaklarının monitorinqi və təhlili sektoru
Vakant inzibati vəzifənin adı və vakansiya sayı	sektor müdiri (1 yer)
Vakant inzibati vəzifənin təsnifatı	6
Aylıq vəzifə maaşı	745
Qulluq funksiyaları	Daşınmaz dövlət əmlakının qanunvericiliyin tələblərinə uyğun istifadə olunması məqsədi ilə monitorinqlərin aparılması və icarə müqaviləsi bağlanmadan istifadə olunan qeyri-yaşayış və torpaq sahələrinin icarəyə cəlb edilməsinə nəzarət edilməsi; İcarəyə verilmiş qeyri-yaşayış və torpaq sahələrinə dair bağlanmış icarə müqavilələri üzrə  monitorinqlərin aparılmasına nəzarət edilməsi; İcarə müqavilələri üzrə müəyyən edilmiş öhdəliklərin icrasına, icarəyə verilmiş əmlakdan səmərəli və təyinatına uyğun istifadə edilməsinə nəzarət edilməsi; Proqnoz öhdəliklərinin vaxtında və tələb edilən həcmdə yerinə yetirilməsinə nəzarət edilməsi və icarəyə verilmiş dövlət əmlaklarının sayının, icarədən daxilolmaların həcminin artırılması barədə təkliflərin verilməsi; Daşınmaz dövlət əmlakının icarə haqlarının müəyyən edilməsi ilə bağlı təkliflərin hazırlanıb aidiyyəti üzrə təqdim edilməsində iştirak edilməsi; Hüquqi, metodiki və digər sənədlərin (qərar, əmr və sərəncam layihələrinin) hazırlanmasında və bu barədə təkliflərin verilməsi;  Dövlət əmlakının icarəyə verilməsinin gedişi və nəticələrinə dair əldə olunmuş informasiyaların təhlil edilməsi, hesabatlar, analitik, müqayisəli, statistik materialların hazırlanmasına nəzarət edilməsi; Sektora daxil olan məktub, müraciət və digər sənədlərə baxılması, cavabların hazırlanması və digər müvafiq tədbirlərin görülməsinə nəzarət edilməsi; Əmək intizamına və Xidmətin müvafiq əmrləri ilə təsdiq edilmiş müəssisədaxili intizam qaydalarına  (“İşgüzar geyim qaydaları”, “İş vaxtının rejimi Qaydaları”, “Yeni işçilərin adaptasiya Qaydaları”, “Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin inzibati binasında giriş-çıxışa və təhlükəsizliyə nəzarət tədbirlərinin həyata keçirilməsinə dair Metodiki Göstəriş” və “Xidməti  telefon və elektron poçt ünvanından istifadəyə dair Təlimat” və s.) riayət edilməsi; Xidməti vəzifələrin icrası ilə bağlı şöbə rəhbərliyinin tapşırıqlarını yerinə yetirilməsi.
Vakant inzibati vəzifənin tutulması şərtləri	Təhsilə dair tələblər: iqtisadiyyat və idarəetmə ixtisasları qrupu, texniki və texnoloji ixtisaslar qrupu, torpaqşünaslıq və aqrokimya , aqronomluq, yer quruluşu, torpaq və şəhər kadastrı, aqromühəndislik, riyaziyyat və informatika müəllimliyi, riyaziyyat müəllimliyi, riyaziyyat, hüquqşünaslıq, biologiya müəllimliyi, biologiya, coğrafiya müəllimliyi, politologiya, regionşünaslıq (regionlar üzrə), beynəlxalq münasibətlər, dövlət və ictimai münasibətlər, coğrafiya, meşəçilik ixtisasları üzrə ali təhsil İş stajına dair tələblər: 3 il struktur bölmənin və ya vəzifənin fəaliyyət istiqamətləri üzrə iş stajı Kompüter biliklərinə dair tələblər: MS Windows, MS Office, Internetdən istifadə (orta səviyyədə) Xarici dil biliklərinə dair tələblər: yoxdur
Müsahibə elanının tarixi	03.07.2024 09:00
Sənədlərin qəbulu üçün müəyyən edilmiş son müddət	17.07.2024 18:00

Daxili müsahibədə aşağıdakı şəxslər iştirak hüququna malikdirlər:

• Vakant vəzifəni təqdim etmiş dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar daxili müsahibə elan edilən dövlət orqanında ehtiyat kadr kimi saxlanılan şəxslər;

Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti;

Qeydlər:

• Müsahibədə barəsində müsahibə elan edilən vəzifənin təsnifatından ən çoxu iki təsnifat aşağı inzibati vəzifələrdə qulluq keçən dövlət qulluqçuları, habelə ən çoxu iki təsnifat aşağı inzibati vəzifələrdə qulluq keçmiş ehtiyat kadrlar iştirak edə bilərlər.
• "Dövlət qulluğu haqqında" Azərbaycan Respublikası Qanununun 29.5-ci maddəsinin ikinci hissəsinə əsasən barələrində intizam tənbehi tətbiq edilmiş dövlət qulluqçuları altı ay ərzində müsahibəyə buraxılmırlar.
• "Dövlət qulluğu haqqında" Azərbaycan Respublikasının Qanununda dəyişiklik edilməsi barədə" Azərbaycan Respublikasının 2016-cı il 31 may tarixli 267-VQD nömrəli Qanunu qüvvəyə mindiyi günədək (10.08.2016-cı il tarixinədək) dövlət qulluğunda inzibati vəzifəyə qəbul olunmuş və inzibati vəzifələrdə 10 ildən az qulluq stajı olan dövlət qulluqçuları daha yüksək inzibati vəzifənin tutulması üçün müraciət etdiyi halda dövlət qulluğunda fəaliyyətin davam etdirilməsi üzrə keçirilən test imtahanından keçdiyini təsdiq edən sertifikata malik olmalıdırlar.
• "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
• Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:

Xarici dil bilik səviyyəsi	Açıqlama
A1	gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir yavaş və aydın formada danışan bir şəxslə ünsiyyət qura və ona kömək edə bilər
A2	gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
B1	iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir şəxsi maraq dairəsi və oxşar mövzularla əlaqəli sadə mətnlər hazırlaya bilir müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
B2	İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür Əcnəbi ilə heç bir çətinlik çəkmədən səlis və sərbəst ünsiyyət qura bilir müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
C1	müxtəlif mövzularda genişhəcimli və mürəkkəb mətnləri başa düşür lüğətdən istifadə etmədən öz fikirlərinisərbəst və birbaşa ifadə edə bilir sosial, akademik və peşəkar məqsədlər üçün müvafiq dildən çevik və effektiv istifadə edə bilir mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
C2	dinlədiyi və oxuduğu hər şeyi praktik olaraq asan şəkildə başa düşür müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir

Əlaqə məlumatları: 

Qeydiyyatla bağlı yaranan texniki problemlərlə əlaqədar:

Elektron imtahanlar və müsahibələrin təşkili departamenti: Tel.:(012) 310 53 16 (daxili 2504,2503); e-mail: dqqeydiyyat@dim.gov.az;

Müsahibə elanları, o cümlədən vəzifə təlimatları və müsahibə proqramları ilə əlaqədar:

Hüquqi təminat, insan resursları və dövlət qulluğu departamenti: Tel.: (012) 310 53 16 (daxili 1766); e-mail: dqqebul@dim.gov.az;

Daxili müsahibədə iştirak etmək istəyən namizədlər 3 iyul 2024-cü il tarixindən 17 iyul 2024-cü il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Daxili müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.

Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.

Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.