Əlaqə məlumatları	Mərkəz üzrə: Dövlət İmtahan Mərkəzi Energetika Nazirliyi üzrə: Bakı şəhəri, Ü.Hacıbəyli 84, Hökumət Evi
Dövlət orqanı	Energetika Nazirliyi
Struktur bölmə	Məxfi və səfərbərlik şöbəsi
Vakant inzibati vəzifənin adı və vakansiya sayı	dövlət orqanı aparatında şöbə müdiri (1 yer)
Vakant inzibati vəzifənin təsnifatı	4
Aylıq vəzifə maaşı	1470
Qulluq funksiyaları	şöbənin fəaliyyətini təşkil edir və ona rəhbərlik edir şöbənin əməkdaşları arasında iş bölgüsünün aparılması, onların fəaliyyətinin əlaqələndirilməsi, əmək və icra intizamına riayət etmələrinə nəzarət edilməsi və davranışlarının etik davranış qaydalarına uyğunluğunu müntəzəm təhlil edir “Dövlət sirri haqqında” Azərbaycan Respublikasının Qanununa uyğun olaraq, Energetika Nazirliyində dövlət sirri təşkil edən məlumatların mühafizəsini və məxfi-rejim qaydalarına əməl olunmasını təmin edir Azərbaycan Respublikasının vəzifəli şəxslərinin və vətəndaşlarının, əcnəbilərin, vətəndaşlığı olmayan şəxslərin əsassız olaraq dövlət sirri ilə işləməyə və dövlət sirri təşkil edən məlumatlarla tanış olmağa buraxılmasının yolverilməzliyini təmin edir Nazirliyin struktur bölmələrinin fəaliyyəti prosesində dövlət sirri təşkil edən məlumatların mümkün axın kanallarının müəyyən edilməsi və məlumat axınının qarşısının alınması işlərinin təşkil edir Nazirliyin fəaliyyəti prosesində məxfilik rejiminin təşkil edilməsi məqsədilə zəruri tədbirlərin işlənib hazırlanmasını və həyata keçirilməsini təmin edir məxfi kargüzarlığın təşkilinin  “Dövlət hakimiyyəti orqanlarında, idarə, təşkilat və müəssisələrində məxfi sənədlərlə iş üzrə kargüzarlığın aparılması  Qaydası”na müvafiq surətdə aparılmasının təmin edir müvafiq qanunvericiliyə uyğun olaraq informasiya təhlükəsizliyi məqsədilə şöbənin dövlət sirrinin muhafizəsi ilə əlaqədar  daxili normativ hüquqi aktların və digər sənədlərin hazırlanmasını təmin edir hərbi vəzifəlilərin və çağırışçıların qeydiyyatı və təxsislənməsinin təşkilini, müvafiq hesabatların hazırlanmasını və tərtib olunmasını təmin edir Nazirliyin strukturuna daxil olan qurumlar və yanacaq-enerji sahəsində fəaliyyət göstərən dövlət müəssisələri, obyektlərin təhlükəsizliyinin və daxili mühafizə rejiminin təşkilinə nəzarəti təmin edir Nazirliyin strukturuna daxil olan qurumlar və müvafiq sahədə fəaliyyət göstərən dövlət müəssisələrinin məxfilik rejiminin təmin olunması, məxfi kargüzarlıq işlərinin aparılması, hərbi  vəzifəlilərin qeydiyyatı və bron edilməsi, səfərbərlik ehtiyatları, mülki müdafiə, mühüm əhəmiyyətli obyektlər üzrə təhlükəsizlik və mühafizə tədbirləri üzrə fəaliyyətlərə nəzarətin təmin olunmasını həyata keçirir Nazirliyin strukturuna daxil olan qurumlar və müvafiq sahədə fəaliyyət göstərən dövlət müəssisələrinin müvafiq hesabatlarının qəbul edilməsi və yuxarı təşkilata təqdim edilməsi, həmin hesabatlar əsasında onların fəaliyyətlərinin araşdırılması və təkmilləşdirilməsini təmin edir müvafiq struktur bölmələrinin rəhbərlərini və mütəxəssislərini cəlb etməklə Nazirliyin aparatında xüsusi əhəmiyyətli, tam məxfi və məxfi işlərə buraxılmalı olan vəzifələrin nomenklaturasının hazırlanması və təhlükəsizlik orqanı ilə razılaşdırılaraq Nazirin təsdiqinə verilməsini təmin edir təsdiq olunmuş vəzifələr nomenklaturasına uyğun olaraq, işçilərin məxfi məlumatlarla işləməyə buraxılmasını təşkil edir məxfi sənədlərin daimi və yaxud müvəqqəti saxlandığı seyflərin, dəmir şkafların və xüsusi otaqların qeydiyyatını təşkil edir Nazirliyin idarə və təşkilatlarının, onların rejimli binalarının, otaqlarının, məxfi sənədlərin saxlandığı yerlərin mühafizəsinin təşkilində, buraxılış sisteminin və rejim qaydalarının təmin olunmasında, həmçinin mühafizəçilərin xidməti vəzifələrinin yerinə yetirilməsində iştirak edir məxfi sənədlərin saxlandığı şöbə, kitabxana və arxivlərdə sənədlərin texniki çoxaltma vasitələrinin istifadə olunmasına, eləcə də məxfi sənədlərin nüsxələrinin çoxaldılmasına, qeydə alınmasına və istifadəsinə dair müəyyən edilmiş qaydalara nəzarəti təşkil edir məxfi sənədlərin qəbuluna və göndərilməsinə dair qaydalara əməl olunmasına nəzarəti təşkil edir Nazirliyin strukturuna daxil olan qurumlar və müvafiq sahədə fəaliyyət göstərən dövlət müəssisələrinin  dövlət sirrinin mühafizəsi üzrə struktur bölmələri  işçilərinin, səfərbərlik ehtiyatları, hərbi mükəlləfiyyətlilərinin qeydiyyatı və təxsislənməsi, mülki müdafiə və mühafizə üzrə mütəxəsisslərinin fəaliyyət istiqamətləri çərçivəsində təlim almasının və biliklərinin qiymətləndirilməsini təmin edir şöbənin fəaliyyət istiqamətləri üzrə vətəndaşlardan, dövlət orqanlarından, idarə, müəssisə və təşkilatlardan daxil olan müraciətlərə və sorğulara qanunvericiliyə uyğun olaraq baxılmasını təşkil edir şöbənin inzibati vəzifə tutan dövlət qulluqçularının fəaliyyətinin qiymətləndirilməsini həyata keçirir şöbənin əməkdaşları barəsində həvəsləndirmə və ya intizam tənbehi tədbirləri görülməsi barədə nazirə təqdimat verir Nazirliyin hüquqi aktları ilə müəyyən edilmiş digər funksiyaları həyata keçirir.
Vakant inzibati vəzifənin tutulması şərtləri	Təhsilə dair tələblər: ali təhsil İş stajına dair tələblər: dövlət qulluğunda 5 il struktur bölmənin və ya vəzifənin fəaliyyət istiqamətləri üzrə iş stajı və yaxud 7 il struktur bölmənin və ya vəzifənin fəaliyyət istiqamətləri üzrə iş stajı Kompüter biliklərinə dair tələblər: MS Windows, MS Office, Internetdən istifadə(orta səviyyədə) Xarici dil biliklərinə dair tələblər: Rus dili-B1; İngilis dili-B1;
Müsahibə elanının tarixi	06.12.2024 09:00
Sənədlərin qəbulu üçün müəyyən edilmiş son müddət	20.12.2024 18:00

Daxili müsahibədə aşağıdakı şəxslər iştirak hüququna malikdirlər:

• Vəzifənin tutulması şərtlərinə uyğun olan Azərbaycan Respublikasının vətəndaşları.

Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti.

Qeydlər:

• "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
• Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:

Xarici dil bilik səviyyəsi	Açıqlama
A1	gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir yavaş və aydın formada danışan bir şəxslə ünsiyyət qura və ona kömək edə bilər
A2	gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
B1	iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir şəxsi maraq dairəsi və oxşar mövzularla əlaqəli sadə mətnlər hazırlaya bilir müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
B2	İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür Əcnəbi ilə heç bir çətinlik çəkmədən səlis və sərbəst ünsiyyət qura bilir müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
C1	müxtəlif mövzularda genişhəcimli və mürəkkəb mətnləri başa düşür lüğətdən istifadə etmədən öz fikirlərinisərbəst və birbaşa ifadə edə bilir sosial, akademik və peşəkar məqsədlər üçün müvafiq dildən çevik və effektiv istifadə edə bilir mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
C2	dinlədiyi və oxuduğu hər şeyi praktik olaraq asan şəkildə başa düşür müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir

Əlaqə məlumatları: 

Qeydiyyatla bağlı yaranan texniki problemlərlə əlaqədar:

Elektron imtahanlar və müsahibələrin təşkili departamenti: Tel.:(012) 310 53 16 (daxili 2508, 2506); e-mail: dqqeydiyyat@dim.gov.az;

Müsahibə elanları, o cümlədən vəzifə təlimatları və müsahibə proqramları ilə əlaqədar:

Hüquqi təminat, dövlət qulluğu məsələləri və dövlət strategiyaları ilə iş departamenti: Tel.: (012) 310 53 16 (daxili 1766); e-mail: dqqebul@dim.gov.az;

Daxili müsahibədə iştirak etmək istəyən namizədlər 6 dekabr 2024-cü il   20 dekabr 2024-cü il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Daxili müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.

Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.

Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.