Əlaqə məlumatları	Mərkəz üzrə: Dövlət İmtahan Mərkəzi Elm və Təhsil Nazirliyi üzrə: Bakı şəhəri
Dövlət orqanı	Elm və Təhsil Nazirliyi
Struktur bölmə	Azərbaycan Respublikasının Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyi, Yerli bölmələr, Şərqi Zəngəzur Regional Təhsil İdarəsi, Maliyyə-iqtisadiyyat sektoru
Vakant inzibati vəzifənin adı və vakansiya sayı	sektor müdiri (1 yer)
Vakant inzibati vəzifənin təsnifatı	7
Aylıq vəzifə maaşı	510
Qulluq funksiyaları	Sektorun işinə ümumi rəhbərlik və icra intizamına nəzarət edir, qarşıya qoyulmuş vəzifələrin vaxtında və keyfiyyətlə həyata keçirilməsini təmin edir; Sektorun əməkdaşları arasında vəzifə bölgüsünün aparılmasını, onların fəaliyyətinin qiymətləndirilməsi işinin həyata keçirilməsini və tövsiyələrin verilməsini təmin edir; Regional təhsil idarəsinin büdcə layihəsinin tərtibinə rəhbərlik edir; Təhsil müəssisələrinin maliyyələşməsi ilə bağlı təkliflər hazırlayır və aidiyyəti üzrə təqdim edir; Dövlət büdcəsindən ayrılan vəsaitlərin təyinatı üzrə istifadəsinə nəzarət edir; Maliyyə sənədlərinin və hesabatların düzgün və vaxtında tərtib olunmasını təmin edir; İllik və rüblük maliyyə hesabatlarının hazırlanmasına rəhbərlik edir; Təhsil müəssisələrinin təsərrüfat fəaliyyəti və xərcləri üzrə analizlər aparır; Audit və nəzarət orqanları ilə işgüzar əməkdaşlıq qurur, onların tələblərinin icrasını təmin edir; Maliyyə intizamına nəzarət edir və maliyyə pozuntularının qarşısının alınması istiqamətində tədbirlər görür; Ümumi idarəetmədə sektor üzrə daxili sənədlərin, hesabatların və təhlillərin hazırlanmasına cavabdehlik edir; İdarə tərəfindən verilmiş digər maliyyə və iqtisadi xarakterli tapşırıqların vaxtında və dəqiq icrasını təmin edir; İdarənin maliyyə-təsərrüfat fəaliyyətinin təşkilinə nəzarət edir; Təhsil müəssisələrinin büdcə vəsaitlərinin düzgün və səmərəli istifadəsinə nəzarət edir; İllik və rüblük maliyyə planlarının hazırlanması və icrasına nəzarət edir; Mühasibat uçotu, maliyyə hesabatlarının düzgün və vaxtında tərtib olunmasına rəhbərlik edir; Dövlət satınalmaları üzrə prosedurların qanunvericiliyə uyğun təşkilinə nəzarət edir; Təhsil müəssisələrinin maddi-texniki təminatı ilə bağlı maliyyə məsələlərinin həllində iştirak edir; Aidiyyəti üzrə hesabatların müvafiq qurumlara təqdim olunmasını təmin edir; Ümumi idarəetmə sistemində səmərəliliyin artırılması məqsədilə maliyyə sahəsində təhlillərin aparılması və təkliflərin hazırlanmasını təmin edir; Sektorun fəaliyyətinə dair daxili nəzarət və təhlillərin aparılmasını təmin edir; Regional Təhsil İdarəsi üzrə mühasibat uçotunun mövcud qanunvericiliyə uyğun təşkil edilməsinə və həyata keçirilməsinə rəhbərlik edir; Regional Təhsil İdarəsi üzrə bütün ödənişlərin (əmək haqqı və müdafiə olunan, həmçinin digər xərc maddələri üzrə) vaxtında icra edilməsini təmin edir; Düzgün təhlillər aparılmaqla xərc maddələri üzrə illik proqnoz göstəricilərinin hazırlanmasını, təqdim edilməsini və dürüstləşmələrin aparılmasını həyata keçirir; Regional Təhsil İdarəsi üzrə illik satınalma planın hazırlanması və icra edilməsinə nəzarət; Anbar hesabatlarının tərtibi və vaxtında təqdim olunmasını təmin edir; Regional Təhsil İdarəsi onun struktur bölmələrinin və strukturuna daxil olmayan tabeliyindəki qurumlar üzrə aktivlər və öhdəliklərin illik inventarizasiyasının aparılmasını və bununla bağlı müvafiq tədbirlərin görülməsinə nəzarətin həyata keçirilməsini təmin edir; Direktiv orqanlardan daxil olmuş qərar, sərəncam, əmrlərin vaxtında icra edilməsini təmin edir; İdarənin aylıq rüblük, illik dövriyyə balansının tərtibi, hesabatların hazırlanması, müəssisələrlə debitor və kreditor hesablaşmaların aparılmasını təmin edir; Maliyyə qanunvericiliyi və mühasibat uçotu qaydalarına uyğun olaraq, maliyyə-təsərrüfat fəaliyyətinin mühasibat uçotunu təşkil edir, material, əmək və maliyyə resurslarından qənaətlə istifadə edilməsinə və dövlət əmlakının qorunmasına nəzarət edir Regional Təhsil İdarəsinin fəaliyyəti haqqında aylıq, rüblük, illik statistik hesabatları tərtib edir, statistika orqanlarına təqdim edilməsini təmin edir Satınalma planının hazırlanması və icrasına birbaşa rəhbərlik edir, müvafiq hesabatları rəhbərliyə və aiddiyəti qurumlara təqdim edir; Regional Təhsil İdarəsinə, onun struktur bölmələrinin və strukturuna daxil olmayan tabeliyindəki qurumlara daxil olan maliyyə vəsaitlərinin, mal-materialların, əsas vəsaitlərin uçotunun, onların hərəkəti ilə əlaqədar əməliyyatların mühasibat uçotu sənədlərində düzgün əks etdirilməsinə nəzarət edir; Regional Təhsil İdarəsinin, onun struktur bölmələrinin və strukturuna daxil olmayan tabeliyindəki qurumların işçilərinə əmək haqqının, mükafat, ezamiyyə və digər ödənişlərin verilməsini təmin edir və bu ödənişlərlə bağlı xərclərin hesablanmasını və qanunvericiliklə müəyyən edilmiş tutulmaların həyata keçirməsini təmin edir; Digər struktur bölmələrlə qarşılıqlı fəaliyyətin təşkili üçün işlərin görülməsini təmin edir;  Rəhbərlik tərəfindən verilən digər tapşırıqları yerinə yetirir.
Vakant inzibati vəzifənin tutulması şərtləri	Təhsilə dair tələblər: iqtisadiyyat və idarəetmə ixtisasları qrupu üzrə ali təhsil İş stajına dair tələblər: 2 il struktur bölmənin və ya vəzifənin fəaliyyət istiqamətləri üzrə iş stajı Kompüter biliklərinə dair tələblər: MS Windows, MS Office, İnternetdən istifadə (yüksək səviyyədə) Xarici dil biliklərinə dair tələblər: yoxdur
Müsahibə elanının tarixi	03.09.2025 09:00
Sənədlərin qəbulu üçün müəyyən edilmiş son müddət	17.09.2025 18:00

Daxili müsahibədə aşağıdakı şəxslər iştirak hüququna malikdirlər:

• Vakant vəzifəni təqdim etmiş dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar daxili müsahibə elan edilən dövlət orqanında ehtiyat kadr kimi saxlanılan şəxslər;

Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti;

Qeydlər:

• Müsahibədə barəsində müsahibə elan edilən vəzifənin təsnifatından ən çoxu iki təsnifat aşağı inzibati vəzifələrdə qulluq keçən dövlət qulluqçuları, habelə ən çoxu iki təsnifat aşağı inzibati vəzifələrdə qulluq keçmiş ehtiyat kadrlar iştirak edə bilərlər.
• "Dövlət qulluğu haqqında" Azərbaycan Respublikası Qanununun 29.5-ci maddəsinin ikinci hissəsinə əsasən barələrində intizam tənbehi tətbiq edilmiş dövlət qulluqçuları altı ay ərzində müsahibəyə buraxılmırlar.
• "Dövlət qulluğu haqqında" Azərbaycan Respublikasının Qanununda dəyişiklik edilməsi barədə" Azərbaycan Respublikasının 2016-cı il 31 may tarixli 267-VQD nömrəli Qanunu qüvvəyə mindiyi günədək (10.08.2016-cı il tarixinədək) dövlət qulluğunda inzibati vəzifəyə qəbul olunmuş və inzibati vəzifələrdə 10 ildən az qulluq stajı olan dövlət qulluqçuları daha yüksək inzibati vəzifənin tutulması üçün müraciət etdiyi halda dövlət qulluğunda fəaliyyətin davam etdirilməsi üzrə keçirilən test imtahanından keçdiyini təsdiq edən sertifikata malik olmalıdırlar.
• "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
• Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:

Xarici dil bilik səviyyəsi	Açıqlama
A1	gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir yavaş və aydın formada danışan bir şəxslə ünsiyyət qura və ona kömək edə bilər
A2	gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
B1	iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir şəxsi maraq dairəsi və oxşar mövzularla əlaqəli sadə mətnlər hazırlaya bilir müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
B2	İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür Əcnəbi ilə heç bir çətinlik çəkmədən səlis və sərbəst ünsiyyət qura bilir müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
C1	müxtəlif mövzularda genişhəcimli və mürəkkəb mətnləri başa düşür lüğətdən istifadə etmədən öz fikirlərinisərbəst və birbaşa ifadə edə bilir sosial, akademik və peşəkar məqsədlər üçün müvafiq dildən çevik və effektiv istifadə edə bilir mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
C2	dinlədiyi və oxuduğu hər şeyi praktik olaraq asan şəkildə başa düşür müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir

Əlaqə məlumatları: 

Qeydiyyatla bağlı yaranan texniki problemlərlə əlaqədar:

Elektron imtahanlar və müsahibələrin təşkili departamenti: Tel.:(012) 310 53 16 (daxili 2508, 2506); e-mail: dqqeydiyyat@dim.gov.az;

Müsahibə elanları, o cümlədən vəzifə təlimatları və müsahibə proqramları ilə əlaqədar:

Hüquqi təminat, dövlət qulluğu məsələləri və dövlət strategiyaları ilə iş departamenti: Tel.: (012) 310 53 16 (daxili 1766); e-mail: dqqebul@dim.gov.az;

Daxili müsahibədə iştirak etmək istəyən namizədlər 3 sentyabr 2025-ci il tarixindən 17 sentyabr 2025-ci il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Daxili müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.

Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.

Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.