Əlaqə məlumatları	Mərkəz üzrə: Dövlət İmtahan Mərkəzi Energetika Nazirliyi üzrə: Bakı şəhəri, Ü.Hacıbəyov küç. 84 Hökümət evi
Dövlət orqanı	Energetika Nazirliyi
Struktur bölmə	İctimaiyyətlə əlaqələr və rəqəmsal idarəetmə şöbəsi
Vakant inzibati vəzifənin adı və vakansiya sayı	dövlət orqanı aparatında şöbə müdiri (1 yer)
Vakant inzibati vəzifənin təsnifatı	4
Aylıq vəzifə maaşı	1470
Qulluq funksiyaları	Nazirliyin ictimaiyyətlə və media ilə əlaqələr sahəsində işlərin təşkili, tənzimlənməsi və təkmilləşdirilməsini təmin edir; Nazirliyin fəaliyyətinin mediada işıqlandırılmasını və bununla bağlı zəruri tədbirlərin görülməsini təmin edir; Nazirliyin fəaliyyəti ilə bağlı press-relizlər hazırlayır və ictimaiyyətə çatdırir; Nazirliyin məlumat-informasiya arxivinin yaradılması və rəhbərliyi yanacaq-energetika sahəsi üzrə ölkədə və beynəlxalq aləmdə baş vermiş hadisələrlə bağlı informasiyalarla təmin edir; Nazirliyin rəhbər şəxslərinin mediada çıxışlarının, məqalələrinin, müsahibələrinin və media tədbirlərinin təşkilini təmin edir;  İnformasiya sorğularını qanunvericilikdə nəzərdə tutulmuş qaydada cavablandırır; Energetika Nazirliyinin müxtəlif illər üzrə Kommunikasiya Strategiyasının və Sosial Media Siyasəti Sənədinin icrasını təmin edir, beynəlxalq səviyyədə ölkənin nüfuzunun artırılmasına dair müxtəlif illər üzrə konsepsiya sənədinin, “Energetika Nazirliyində və tabeli qurumlarda ideoloji işin təşkilinə dair konsepsiya” sənədinin icrasında iştirak edir; Nazirliyin internet səhifəsinin idarə olunmasını və təkmilləşdirilməsini təmin edir, onun funksional imkanlarının artırılması istiqamətində təkliflər verir, bütün məlumatların internet səhifəsində Azərbaycan və ingilis dilində yerləşdirilməsində iştirak edir; İnternet səhifəsində və sosial şəbəkə səhifələrində natamam və ya qeyri-dəqiq informasiyaların yerləşdirilməsinin qarşısını alır, məlumatların düzgünlüyünü, mətnlərin qrammatik redaktəsini təmin edir; Nazirliyin sosial media sahəsində fəaliyyətini formalaşdırır və həyata keçirilməsini təmin edir, sosial şəbəkələrdəki səhifələrinin təkmilləşdirilməsi ilə bağlı təkliflər hazırlayır; Nazirliyin fəaliyyəti, yüksək səviyyəli tədbir və görüşlərlə bağlı mətbuat konfransları və müsahibələr təşkil edir; Nazirliyin informasiya və proqram təminatının fasiləsiz fəaliyyətini və təkmilləşdirilməsini təmin edir; Nazirliyin kompüter və şəbəkə infrastrukturuna texniki dəstəyin göstərilməsinə nəzarət edir; Nazirliyin rəqəmsal xidmətlərinin, portallarının və informasiya sistemlərinin inteqrasiyasını təmin edir; Yeni informasiya texnologiyalarının tətbiqi, proqram təminatının yenilənməsi və müvafiq lisenziyaların alınması üzrə təkliflər hazırlayır; Nazirliyin elektron xidmətlərinin təkmilləşdirilməsi və vətəndaşlara təqdim olunan xidmətlərin rəqəmsallaşdırılması üzrə təkliflər verir; Rəqəmsal idarəetmə istiqaməti üzrə qanunvericiliklə nəzərdə tutulmuş digər vəzifələri yerinə yetirir; Bilavasitə rəhbər tərəfindən verilən digər tapşırıqları yerinə yetirir.
Vakant inzibati vəzifənin tutulması şərtləri	Təhsilə dair tələblər: jurnalistika, beynəlxalq münasibətlər, kompüter elmləri, elektroenergetika mühəndisliyi, informasiya texnologiyaları, informasiya təhlükəsizliyi, dövlət və ictimai münasibətlər, dövlət və bələdiyyə idarəetməsi, proseslərin avtomatlaşdırılması mühəndisliyi, informasiya texnologiyaları və sistemləri mühəndisliyi, kompüter mühəndisliyi, sistem mühəndisliyi ixtisasları üzrə ali təhsil İş stajına dair tələblər: dövlət qulluğunda 5 il struktur bölmənin və ya vəzifənin fəaliyyət istiqamətləri üzrə iş stajı və yaxud 7 il struktur bölmənin və ya vəzifənin fəaliyyət istiqamətləri üzrə iş stajı Kompüter biliklərinə dair tələblər: MS Windows, MS Office, Internetdən istifadə(yüksək səviyyədə) Xarici dil biliklərinə dair tələblər: Rus dili-B2; İngilis dili-B2;
Müsahibə elanının tarixi	19.11.2025 09:00
Sənədlərin qəbulu üçün müəyyən edilmiş son müddət	03.12.2025 18:00

Daxili müsahibədə aşağıdakı şəxslər iştirak hüququna malikdirlər:

• Vəzifənin tutulması şərtlərinə uyğun olan Azərbaycan Respublikasının vətəndaşları.

Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti.

Qeydlər:

• "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
• Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:

Xarici dil bilik səviyyəsi	Açıqlama
A1	gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir yavaş və aydın formada danışan bir şəxslə ünsiyyət qura və ona kömək edə bilər
A2	gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
B1	iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir şəxsi maraq dairəsi və oxşar mövzularla əlaqəli sadə mətnlər hazırlaya bilir müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
B2	İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür Əcnəbi ilə heç bir çətinlik çəkmədən səlis və sərbəst ünsiyyət qura bilir müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
C1	müxtəlif mövzularda genişhəcimli və mürəkkəb mətnləri başa düşür lüğətdən istifadə etmədən öz fikirlərinisərbəst və birbaşa ifadə edə bilir sosial, akademik və peşəkar məqsədlər üçün müvafiq dildən çevik və effektiv istifadə edə bilir mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
C2	dinlədiyi və oxuduğu hər şeyi praktik olaraq asan şəkildə başa düşür müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir

Əlaqə məlumatları: 

Qeydiyyatla bağlı yaranan texniki problemlərlə əlaqədar:

Elektron imtahanlar və müsahibələrin təşkili departamenti: Tel.:(012) 310 53 16 (daxili 2508, 2506); e-mail: dqqeydiyyat@dim.gov.az;

Müsahibə elanları, o cümlədən vəzifə təlimatları və müsahibə proqramları ilə əlaqədar:

Hüquqi təminat, dövlət qulluğu məsələləri və dövlət strategiyaları ilə iş departamenti: Tel.: (012) 310 53 16 (daxili 1766); e-mail: dqqebul@dim.gov.az;

Daxili müsahibədə iştirak etmək istəyən namizədlər 19 noyabr 2025-ci il   3 dekabr 2025-ci il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Daxili müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.

Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.

Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.