Əlaqə məlumatları	Mərkəz üzrə: Dövlət İmtahan Mərkəzi Müdafiə Sənayesi Nazirliyi üzrə: Bakı şəhəri, Mətbuat pr. 40
Dövlət orqanı	Müdafiə Sənayesi Nazirliyi
Struktur bölmə	Azərbaycan Respublikası Müdafiə Sənayesi Nazirliyi, Müdafiə Sənayesi Nazirliyinin Aparatı, Sənayenin tənzimlənməsi şöbəsi
Vakant inzibati vəzifənin adı və vakansiya sayı	dövlət orqanı aparatında şöbə müdiri (1 yer)
Vakant inzibati vəzifənin təsnifatı	4
Aylıq vəzifə maaşı	1470
Qulluq funksiyaları	şöbənin fəaliyyətini təşkil edir və ona rəhbərlik edir, şöbənin əməkdaşlarının fəaliyyətini istiqamətləndirir, əlaqələndirir və şöbəni təmsil edir şöbənin vəzifələrini yerinə yetirmək üçün səlahiyyətləri daxilində Azərbaycan Respublikası Müdafiə Sənayesi Nazirliyi (bundan sonra – MSN) Aparatının struktur bölmələrindən və qurumlardan zəruri sənədləri və məlumatları alır MSN tərəfindən fəaliyyəti tənzimlənən subyektlərə lisenziyaların (və ya icazə xarakterli sənədlərin) verilməsi, yenilənməsi, qüvvəsinin dayandırılması və ləğvi ilə bağlı prosedurların hazırlanması və tətbiqi, həmin subyektlər tərəfindən həyata keçirilən müdafiə təyinatlı məhsulların idxal və ixrac əməliyyatlarına nəzarət, müdafiə təyinatlı məhsullar üzrə satış icazələrinin verilməsi, qanunvericilikdə nəzərdə tutulan aidiyyəti güzəştlərin tətbiqini ehtiva edən təsdiqedici sənədlərin verilməsi işini təşkil edir fəaliyyəti tənzimlənən və nəzarət olunan subyektlər tərəfindən aylıq, rüblük, yarımillik və illik hesabatların təqdim olunması işini təşkil edir, həmin hesabatlar üzrə prosesləri təhlil edərək icrasına nəzarət edir, eləcə də lisenziya şərtlərinə riayət olunmasına dair planlı və plandankənar yoxlamalara metodiki rəhbərlik edir sənayenin tənzimlənməsi, lisenziyalaşdırma, idxal və ixrac əməliyyatları sahəsində fəaliyyətin daha əlçatan olması, təkmilləşdirilməsi, eləcə də qanunvericilikdəki boşluqların doldurulması və kolliziyaların aradan qaldırılması ilə əlaqədar normativ hüquqi aktların layihələrinin hazırlanması işində MSN-in aidiyyəti struktur bölməsi ilə əlaqəli fəaliyyət göstərir, həmin aktların təkmilləşdirilməsinə dair rəy və təkliflər verir sənayenin tənzimlənməsi sahəsində beynəlxalq təcrübəni öyrənir, uyğunlaşma və harmonizasiya üzrə, həmçinin elektron xidmətlər və rəqəmsal həllərin tətbiqi üzrə təkliflər hazırlayır fəaliyyətinə MSN tərəfindən nəzarət edilən subyektlər tərəfindən həyata keçirilən sənaye fəaliyyətinin təhlükəsizlik, texniki normativlər, istehsalat standartları, ekoloji tələblər və əməyin mühafizəsi üzrə tələblərlə uyğunluğuna dair təkliflərin hazırlanmasını təmin edir sənaye subyektlərinin uçotu, qeydiyyatı, təsnifatı, reyestrlərinin aparılması ilə bağlı metodik yanaşmaları formalaşdırır, müvafiq məlumat bazalarının yaradılmasını və yenilənməsini təmin edir müdafiə təyinatlı məhsulların idxal və ixracı üçün icazə və rəy verilməsi proseslərinin hüquqi və təşkilati tənzimlənməsi, müvafiq gömrük, vergi və digər dövlət orqanları ilə məlumat mübadiləsinin qurulması, birgə nəzarət tədbirlərinin əlaqələndirilməsi, eləcə də idxal-ixrac əməliyyatları üzrə statistik və analitik məlumatların toplanması, təhlili və hesabatların hazırlanması işini təşkil edir beynəlxalq müqavilələrdən irəli gələn ixrac nəzarəti, sanksiya rejimləri və öhdəliklərin icrası ilə bağlı şöbənin səlahiyyətləri çərçivəsində tədbirlərin həyata keçirilməsini təmin edir müvafiq sahədə dövlət-özəl tərəfdaşlığının inkişafına dair təkliflər verir MSN-də həyata keçirilən bütün proseslər və sənədləşdirmə işləri ilə bağlı səlahiyyətləri daxilində aidiyyəti üzrə tövsiyələrin verilməsini və qanunvericiliyin tələblərinə riayət olunmasını təmin edir müvafiq qanunvericilik aktlarında və dövlət proqramlarında MSN-ə həvalə edilmiş tədbirlərin, habelə təşkilati-sərəncamverici sənədlərdə nəzərdə tutulmuş tədbirlərin (tapşırıqların) aidiyyəti üzrə həyata keçirilməsini öz səlahiyyətləri çərçivəsində təmin edir, bununla bağlı əlaqələndirmə işlərini təşkil edir rəhbərlik tərəfindən verilən əmr, qərar, sərəncam və göstərişlərin vaxtında icrasını təmin edir rəhbərliyin tapşırığı ilə şöbənin fəaliyyət istiqamətinə aid məsələlərə dair hesabatlar, arayışlar və müvafiq məlumatları əks etdirən digər sənədləri hazırlayır şöbənin iş planının, fəaliyyəti ilə bağlı hesabatların hazırlanmasını və vaxtında icrasını təmin edir şöbənin əməkdaşları tərəfindən fəaliyyət prosesində qanunvericiliyə uyğun olaraq xidməti məlumatların, dövlət və kommersiya sirrinin qorunmasını təmin edir şöbədə işgüzar mühitin yaxşılaşdırılması və işçilərin faydalı iş əmsalının artırılması üçün müvafiq tədbirlər görür şöbənin vəzifələrini yerinə yetirmək üçün səlahiyyətləri daxilində MSN-in digər strukturlarından zəruri məlumat və sənədləri alır şöbənin istifadəsinə verilmiş inventar və avadanlıqları qoruyub saxlayır və səmərəli istifadə edir əmək və nizam-intizam qaydalarına riayət edir rəhbərlik tərəfindən MSN-in Aparatında, habelə tabeliyində olan birlik və müəssisələrdə yaradılmış işçi qrupları, komissiyalar və şuralara üzv qəbul edildikdə həmin məşvərətçi qurumlar qarşısında qoyulan vəzifələrini icra edir MSN-də qəbul edilmiş daxili qaydalara, təlimatlara və dövlət qulluqçularının etik davranış qaydalarına əməl edir, habelə şöbənin əməkdaşları tərəfindən həmin normativ tələblərə riayət edilməsinə nəzarət edir vəzifə səlahiyyətlərinə və şöbənin əsasnaməsi ilə fəaliyyət istiqamətlərinə uyğun məsələlərlə yanaşı, rəhbərlik tərəfindən verilən tapşırıqları müəyyən edilmiş müddətdə və yüksək məsuliyyətlə yerinə yetirir dövlət sirri və məxfiliyə aid sahələrdə qanunvericiliyin tələblərinə riayət edir əməyin mühafizəsi üzrə normativ aktlarda nəzərdə tutulmuş əməyin təhlükəsizliyi, əməyin gigiyenası və yanğına qarşı mühafizə tələblərini öyrənir, mənimsəyir və onlara əməl edir, habelə şöbənin əməkdaşları tərəfindən həmin normativ tələblərə riayət edilməsinə nəzarət edir Mərkəzləşdirilmiş Elektron Sənəd Dövriyyəsi Sistemini və xidməti elektron poçtu izləyir, tapşırıqların icrasını müəyyən edilmiş müddət ərzində təmin edir və icrası başa çatmış işlərin işə alınması üçün hesabat verir şöbənin əməkdaşlarına rəhbərlik edir, onların fəaliyyətini istiqamətləndirir, əlaqələndirir və hazırladıqları sənədləri yoxlayır şöbənin sektorları və işçiləri arasında iş bölgüsünü aparır şöbənin əməkdaşlarının xidməti fəaliyyətini qiymətləndirir şöbənin əməkdaşları barəsində mükafatlandırma və intizam tənbehi tədbirləri görülməsi üçün MSN-in rəhbərliyinə təqdimatlar verir şöbənin əməkdaşlarının ümumi işə davamiyyətinə nəzarət etməklə iş vaxtının və iş vaxtından artıq işlənmiş saatlarının dəqiq, dürüst uçotunu aparır.
Vakant inzibati vəzifənin tutulması şərtləri	Təhsilə dair tələblər: iqtisadiyyat və idarəetmə ixtisasları qrupu, hüquqşünaslıq ixtisası üzrə ali təhsil İş stajına dair tələblər: dövlət qulluğunda 5 il struktur bölmənin və ya vəzifənin fəaliyyət istiqamətləri üzrə iş stajı və yaxud 7 il struktur bölmənin və ya vəzifənin fəaliyyət istiqamətləri üzrə iş stajı Kompüter biliklərinə dair tələblər: MS Windows, MS Office, internetdən istifadə (yüksək səviyyədə) Xarici dil biliklərinə dair tələblər: Rus dili-B1; İngilis dili-B1;
Müsahibə elanının tarixi	23.01.2026 09:00
Sənədlərin qəbulu üçün müəyyən edilmiş son müddət	06.02.2026 18:00

Daxili müsahibədə aşağıdakı şəxslər iştirak hüququna malikdirlər:

• Vəzifənin tutulması şərtlərinə uyğun olan Azərbaycan Respublikasının vətəndaşları.

Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti.

Qeydlər:

• "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
• Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:

Xarici dil bilik səviyyəsi	Açıqlama
A1	gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir yavaş və aydın formada danışan bir şəxslə ünsiyyət qura və ona kömək edə bilər
A2	gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
B1	iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir şəxsi maraq dairəsi və oxşar mövzularla əlaqəli sadə mətnlər hazırlaya bilir müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
B2	İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür Əcnəbi ilə heç bir çətinlik çəkmədən səlis və sərbəst ünsiyyət qura bilir müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
C1	müxtəlif mövzularda genişhəcimli və mürəkkəb mətnləri başa düşür lüğətdən istifadə etmədən öz fikirlərinisərbəst və birbaşa ifadə edə bilir sosial, akademik və peşəkar məqsədlər üçün müvafiq dildən çevik və effektiv istifadə edə bilir mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
C2	dinlədiyi və oxuduğu hər şeyi praktik olaraq asan şəkildə başa düşür müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir

Əlaqə məlumatları: 

Qeydiyyatla bağlı yaranan texniki problemlərlə əlaqədar:

Elektron imtahanlar və müsahibələrin təşkili departamenti: Tel.:(012) 310 53 16 (daxili 2508, 2506); e-mail: dqqeydiyyat@dim.gov.az;

Müsahibə elanları, o cümlədən vəzifə təlimatları və müsahibə proqramları ilə əlaqədar:

Hüquqi təminat, dövlət qulluğu məsələləri və dövlət strategiyaları ilə iş departamenti: Tel.: (012) 310 53 16 (daxili 1766); e-mail: dqqebul@dim.gov.az;

Daxili müsahibədə iştirak etmək istəyən namizədlər 23 yanvar 2026-cı il   6 fevral 2026-cı il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Daxili müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.

Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.

Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.