Əlaqə məlumatları	Mərkəz üzrə: Dövlət İmtahan Mərkəzi Müdafiə Sənayesi Nazirliyi üzrə: Bakı şəhəri, Mətbuat pr. 40
Dövlət orqanı	Müdafiə Sənayesi Nazirliyi
Struktur bölmə	Azərbaycan Respublikası Müdafiə Sənayesi Nazirliyi, Müdafiə Sənayesi Nazirliyinin Aparatı, İnformasiya texnologiyaları şöbəsi
Vakant inzibati vəzifənin adı və vakansiya sayı	dövlət orqanı aparatında şöbə müdiri (1 yer)
Vakant inzibati vəzifənin təsnifatı	4
Aylıq vəzifə maaşı	1470
Qulluq funksiyaları	şöbənin fəaliyyət sahəsinə uyğun beynəlxalq və yerli səviyyəsində keçirilən konfrans, müşavirə, seminar və regional tədbirlərdə iştirak edir şöbədə işin düzgün təşkil edilməsi və işçilər arasında düzgün iş bölgüsü aparılması, qiymətləndirilməsi və şöbənin əsasnaməsi ilə müəyyən olunan və rəhbərlik tərəfindən verilən tapşırıqların vaxtında yerinə yetirilməsi işini təşkil edir şöbənin strateji və taktiki fəaliyyət planlarını tərtib edir və onların icrasını təmin edir şöbə daxilində qanunvericiliyə uyğun olaraq xidməti məlumatların qorunmasını təmin edir Azərbaycan Respublikası Müdafiə Sənayesi Nazirliyinin (bundan sonra -MSN) rəhbərliyi tərəfindən müəyyən edilmiş hüquq və vəzifələri həyata keçirir şöbənin fəaliyyət istiqamətlərinə uyğun olaraq digər vəzifələri yerinə yetirir MSN-nin fəaliyyət istiqamətlərinə uyğun olaraq həyata keçirilən layihələrin texniki sənədlərinin hazırlanması işini təşkil edir informasiya resurslarının siyahısının və təsviri sənədlərinin, məntiqi və fiziki sxemlərinin hazırlanmasını təşkil edir lokal şəbəkə, sistem, server avadanlıqlarının məntiqi və fiziki sxemlərinin hazırlanmasını təşkil edir müasir və beynəlxalq standartlara cavab verən informasiya texnologiyalarının inkişafını, informasiya sistemlərinin səmərəliliyinin artırılmasını, təkmilləşdirilməsini və onların digər sistemlərə inteqrasiyasını MSN-də təşkil edir informasiya sistemlərinin (avtomatlaşdırılmış idarəetmə sistemlərinin) planlaşdırılması, yaradılması və tətbiq edilməsi üzrə fəaliyyəti təşkil edir və ona nəzarət edir informasiya sistemlərinin yaradılması, layihələri üzrə proqram təminatlarının tətbiqi proseslərini və onların gələcəkdə etibarlı və fasiləsiz istismar olunmasını təşkil edir informasiya sistemlərinin test mühitinin yaradılması və yoxlanılması işini təşkil edir informasiya sistemlərinin ehtiyat surətlərinin idarə edilməsi işini təşkil edir informasiya sistemləri üzrə texniki dəstəyi təşkil edir informasiya sistemlərinin (avtomatlaşdırılmış idarəetmə sistemlərinin) təhlükəsiz və fasiləsiz fəaliyyətinin təşkil edilməsini idarə edir informasiya-kommunikasiya texnologiyaları infrastrukturunun yaradılması işlərini təşkil edir lokal şəbəkə, sistem, məlumat bazasının və server avadanlıqlarının təşkili, istismara verilməsi üzrə fəaliyyəti və nəzarət işlərini təşkil edir MSN-in tabeliyində olan birlik və müəssisələrə (qurumlara) informasiya-kommunikasiya texnologiyalarının tətbiqi məsələləri ilə bağlı metodiki köməklik göstərir və görülən işlərə nəzarət edir informasiya-kommunikasiya texnologiyaları infrastrukturunun yaradılması işlərini təşkil edir informasiya-kommunikasiya texnologiyaları infrastrukturunun fasiləsiz və dayanıqlı fəaliyyətini təmin etmək məqsədilə profilaktik texniki xidmətlərin həyata keçirilməsini təşkil edir informasiya-kommunikasiya texnologiyaları avadanlıqlarının (kompüterlər, printerlər, şəbəkə qurğuları və s.) satın alınması üçün texniki tapşırığı formalaşdırır, alınmış avadanlıqların yerləşdirilməsi və texniki istismarını planlaşdırır və əlaqələndirir MSN Aparatının struktur bölmələri arasında şəbəkə əlaqələrinin səmərəli və təhlükəsiz şəkildə qurulması və idarə olunmasını təşkil edir əməliyyat sistemlərinin, virtualizasiya platformalarının və idarəetmə panellərinin düzgün konfiqurasiyasının və təhlükəsizliyinin təmin edilməsini təşkil edir MSN-in elektron xidmətlərinin yaradılması, təkmilləşdirilməsi, fəaliyyətinin nəzarətdə saxlanılması işlərinin həyata keçirilməsini təşkil edir informasiya-kommunikasiya texnologiyaları infrastrukturunun təhlükəsizliyinin təmin olunması məqsədilə zəruri tədbirlərin görülməsi işlərini təşkil edir informasiya təhlükəsizliyi siyasətinin hazırlanması və tətbiqinə nəzarət edir, müvafiq normativ sənədlərə uyğunluğunu təmin edir informasiya resurslarına icazəsiz girişin qarşısının alınması üzrə tədbirləri planlaşdırır və həyata keçirir, o cümlədən şəbəkə və sistem səviyyəsində təhlükəsizlik tədbirlərinin tətbiqini təmin edir sistem və şəbəkələrdə yaranan təhlükəsizlik hallarının aşkar edilməsi, sənədləşdirilməsi və cavab tədbirləri görülməsi işlərini təşkil edir işçilərin informasiya təhlükəsizliyi ilə bağlı maarifləndirilməsi üzrə təlimlər təşkil edir və onların təhlükəsizlik qaydalarına riayət edilməsi işlərinə nəzarət edir çatışmazlıqların müəyyən edilməsi və onların aradan qaldırılması məqsədilə mütəmadi olaraq təhlükəsizlik auditləri və penetrasiya testlərinin həyata keçirilməsini təmin edir şöbədə işgüzar mühitin yaxşılaşdırılması və işçilərin faydalı iş əmsalının artırılması üçün müvafiq tədbirlər görür şöbənin vəzifələrini yerinə yetirmək üçün səlahiyyətləri daxilində MSN-in digər strukturlarından zəruri məlumat və sənədləri alır şöbənin istifadəsinə verilmiş inventar və avadanlıqları qoruyub saxlayır və səmərəli istifadə edir əmək və nizam-intizam qaydalarına riayət edir rəhbərlik tərəfindən MSN-in Aparatında, habelə tabeliyində olan birlik və müəssisələrdə yaradılmış işçi qrupları, komissiyalar və şuralara üzv qəbul edildikdə həmin məşvərətçi qurumlar qarşısında qoyulan vəzifələrini icra edir MSN-də qəbul edilmiş daxili qaydalara, təlimatlara və dövlət qulluqçularının etik davranış qaydalarına əməl edir, habelə şöbənin əməkdaşları tərəfindən həmin normativ tələblərə riayət edilməsinə nəzarət edir vəzifə səlahiyyətlərinə və şöbənin əsasnaməsi ilə fəaliyyət istiqamətlərinə uyğun məsələlərlə yanaşı, rəhbərlik tərəfindən verilən tapşırıqları müəyyən edilmiş müddətdə və yüksək məsuliyyətlə yerinə yetirir dövlət sirri və məxfiliyə aid sahələrdə qanunvericiliyin tələblərinə riayət edir əməyin mühafizəsi üzrə normativ aktlarda nəzərdə tutulmuş əməyin təhlükəsizliyi, əməyin gigiyenası və yanğına qarşı mühafizə tələblərini öyrənir, mənimsəyir və onlara əməl edir, habelə şöbənin əməkdaşları tərəfindən həmin normativ tələblərə riayət edilməsinə nəzarət edir Mərkəzləşdirilmiş Elektron Sənəd Dövriyyəsi Sistemini və xidməti elektron poçtu izləyir, tapşırıqların icrasını müəyyən edilmiş müddət ərzində təmin edir və icrası başa çatmış işlərin işə alınması üçün hesabat verir şöbənin əməkdaşlarına rəhbərlik edir, onların fəaliyyətini istiqamətləndirir, əlaqələndirir və hazırladıqları sənədləri yoxlayır şöbənin sektorları və işçiləri arasında iş bölgüsünü aparır şöbənin əməkdaşlarının xidməti fəaliyyətini qiymətləndirir şöbənin əməkdaşları barəsində mükafatlandırma və intizam tənbehi tədbirləri görülməsi üçün MSN-in rəhbərliyinə təqdimatlar verir şöbənin əməkdaşlarının ümumi işə davamiyyətinə nəzarət etməklə iş vaxtının və iş vaxtından artıq işlənmiş saatlarının dəqiq, dürüst uçotunu aparır
Vakant inzibati vəzifənin tutulması şərtləri	Təhsilə dair tələblər: riyaziyyat, kompüter elmləri, riyaziyyat və informatika müəllimliyi, riyaziyyat müəllimliyi, informatika müəllimliyi, informasiya təhlükəsizliyi, informasiya-təhlil fəaliyyəti, proseslərin avtomatlaşdırılması mühəndisliyi, kompüter mühəndisliyi, informasiya texnologiyaları və sistemləri mühəndisliyi, informasiya texnologiyaları, sistem mühəndisliyi, elektronika, telekommunikasiya və radiotexnika mühəndisliyi ixtisasları üzrə ali təhsil İş stajına dair tələblər: dövlət qulluğunda 5 il struktur bölmənin və ya vəzifənin fəaliyyət istiqamətləri üzrə iş stajı və yaxud 7 il struktur bölmənin və ya vəzifənin fəaliyyət istiqamətləri üzrə iş stajı Kompüter biliklərinə dair tələblər: Windows, Linux əməliyyat sistemlərini, MS Office, internetdən istifadə (yüksək səviyyədə) Xarici dil biliklərinə dair tələblər: yoxdur
Müsahibə elanının tarixi	23.01.2026 09:00
Sənədlərin qəbulu üçün müəyyən edilmiş son müddət	06.02.2026 18:00

Daxili müsahibədə aşağıdakı şəxslər iştirak hüququna malikdirlər:

• Vəzifənin tutulması şərtlərinə uyğun olan Azərbaycan Respublikasının vətəndaşları.

Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti.

Qeydlər:

• "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
• Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:

Xarici dil bilik səviyyəsi	Açıqlama
A1	gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir yavaş və aydın formada danışan bir şəxslə ünsiyyət qura və ona kömək edə bilər
A2	gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
B1	iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir şəxsi maraq dairəsi və oxşar mövzularla əlaqəli sadə mətnlər hazırlaya bilir müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
B2	İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür Əcnəbi ilə heç bir çətinlik çəkmədən səlis və sərbəst ünsiyyət qura bilir müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
C1	müxtəlif mövzularda genişhəcimli və mürəkkəb mətnləri başa düşür lüğətdən istifadə etmədən öz fikirlərinisərbəst və birbaşa ifadə edə bilir sosial, akademik və peşəkar məqsədlər üçün müvafiq dildən çevik və effektiv istifadə edə bilir mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
C2	dinlədiyi və oxuduğu hər şeyi praktik olaraq asan şəkildə başa düşür müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir

Əlaqə məlumatları: 

Qeydiyyatla bağlı yaranan texniki problemlərlə əlaqədar:

Elektron imtahanlar və müsahibələrin təşkili departamenti: Tel.:(012) 310 53 16 (daxili 2508, 2506); e-mail: dqqeydiyyat@dim.gov.az;

Müsahibə elanları, o cümlədən vəzifə təlimatları və müsahibə proqramları ilə əlaqədar:

Hüquqi təminat, dövlət qulluğu məsələləri və dövlət strategiyaları ilə iş departamenti: Tel.: (012) 310 53 16 (daxili 1766); e-mail: dqqebul@dim.gov.az;

Daxili müsahibədə iştirak etmək istəyən namizədlər 23 yanvar 2026-cı il   6 fevral 2026-cı il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Daxili müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.

Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.

Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.