Əlaqə məlumatları	Mərkəz üzrə: Dövlət İmtahan Mərkəzi Diasporla İş üzrə Dövlət Komitəsi üzrə: Səməd Vurğun 42
Dövlət orqanı	Diasporla İş üzrə Dövlət Komitəsi
Struktur bölmə	Azərbaycan Respublikasının Diasporla İş üzrə Dövlət Komitəsi, Diasporla İş üzrə Dövlət Komitəsinin Aparatı, IV Ərazi şöbəsi (Asiya, Avstraliya və Okeaniya ölkələri)
Vakant inzibati vəzifənin adı və vakansiya sayı	dövlət orqanı aparatında şöbə müdiri (1 yer)
Vakant inzibati vəzifənin təsnifatı	3
Aylıq vəzifə maaşı	6635
Qulluq funksiyaları	Şöbənin fəaliyyətinə rəhbərlik edir Şöbənin işinin tənzimlənməsinə və fəaliyyətinə nəzarət edir, şöbənin səlahiyyətlərinə aid edilmiş məsələlər üzrə rəhbərliyə təkliflərin hazırlanmasına nəzarət edir Şöbənin işçiləri arasında iş bölgüsünə və müvafiq icra fəaliyyətinə nəzarət edir Şöbənin əməkdaşlarının xidməti fəaliyyətinin qiymətləndirilməsinin təşkilinə nəzarət edir Qanunvericiliyə uyğun olaraq şöbəyə ünvanlanmış məlumat, əmr, sərəncam, göstəriş və digər sənədlərin aidiyyəti üzrə icra olunmasına nəzarət edir və şöbə üzrə sənəd layihələrinə viza verir  Şöbədaxili dövlət qulluğu vəzifələri üzrə vəzifə təlimatlarının hazırlanmasında iştirak edir Komitədə yaradılmış komissiyalarda, işçi qruplarında şöbəni təmsil edir və onların işində iştirak edir Şöbədə mövcud vakant dövlət qulluğu vəzifələrinin tutulması məqsədilə təşkil edilən müsahibələrdə iştirak edir Şöbə əməkdaşlarının təlim ehtiyaclarının müəyyən edilməsi və təlimlərə cəlb olunmasını təmin edir Rəhbərliyin xarici diaspor nümayəndələri, beynəlxalq ekspertlər və digər şəxslərlə, müvafiq dövlət qurumları və vətəndaş cəmiyyəti institutları ilə görüşlərin təşkil edilməsinə nəzarət edir Səfirliklər, diplomatik nümayəndəliklərlə əlaqələr qurur və ya mövcud əlaqələrin inkişaf etdirilməsinə nəzarət edir Xarici ölkələrin media subyektləri ilə əlaqələrin inkişaf etdirilməsinə nəzarət edir Beynəlxalq tədbirlər və Komitədə keçirilən görüşlərin protokol qaydalarına uyğun təşkilinə nəzarət edir Nümayəndə heyətinin səfərlərinin protokol təşkilati məsələlərinin həll olunmasına nəzarət edir Dövlət Komitəsinə təşrif buyuran qonaqların, diaspor nümayəndələrinin aidiyyəti üzrə əməkdaşla müşayiət olunmasına nəzarət edir Xarici ölkələrdən daxil olmuş layihə təkliflərini araşdırır, qiymətləndirir, arayışlar hazırlayır, həmçinin Komitənin fəaliyyəti və maraq dairəsi ilə bağlı analitik yazıların, materialların hazırlanmasını təmin edir Xaricdə yaşayan azərbaycanlı gənclərin beynəlxalq əlaqələrin, habelə Azərbaycan üçün prioritet kəsb edən ölkələrin gəncləri ilə əlaqələrin yaradılması və inkişaf etdirilməsini təmin edir Xaricdən gələn diaspor nümayəndələri, qonaqlarla bağlı məlumatların sistemləşdirilməsini təmin edir Şöbəyə ünvanlanmış vətəndaş məktublarına, dövlət orqanlarından, idarə və təşkilatlardan daxil olan müraciət və sorğulara qanunvericiliklə müəyyən olunmuş qaydada və müddətdə baxılmasına və müvafiq tədbirlərin görülməsinə nəzarət edir Şöbənin fəaliyyətinə dair sənədləşmə işinin təşkili və arxivləşdirilməsinə nəzarət edir Diasporla işin təşkili, təbliği və monitorinqi sahəsində beynəlxalq təcrübənin öyrənilməsi, ümumiləşdirilməsi və tətbiq edilməsi ilə bağlı təkliflərin hazırlanmasına nəzarət edir Fəaliyyət çərçivəsində daxil olmuş təkliflərin, yerli və beynəlxalq təşkilatların hesabatlarının ümumiləşdirilməsi və tətbiqi sahəsində işin təşkilinə nəzarət edir Kurasiya ölkələrində diaspor fəaliyyətinə cavabdeh qurumlar və təşkilatlarla əlaqələrin yaradılmasında iştirak edir Azərbaycanlıların yaşadığı kurasiya ölkələrində insan hüquqları sahəsində ixtisaslaşmış beynəlxalq təşkilatlarda Azərbaycanın haqq səsinin dünyaya çatdırılması istiqamətində fəaliyyətin həyata keçirilməsinə nəzarət edir Beynəlxalq hüququn qəbul edilmiş prinsip və normalarına, Azərbaycan Respublikasının tərəfdar çıxdığı beynəlxalq müqavilələrə və Azərbaycan Respublikasının qanunvericiliyinə uyğun olaraq, eləcə də müvafiq xarici dövlətlərin qanunvericiliyi nəzərə alınmaqla, xaricdə yaşayan azərbaycanlıların əsas hüquq və azadlıqlarının həyata keçirilməsi və onların öz milli varlığını yaşatması və inkişaf etdirməsi istiqamətində fəaliyyətin həyata keçirilməsinə nəzarət edir Xaricdə yaşayan azərbaycanlıların öz milli və vətəndaşlıq hüquqlarının təmin edilməsi ilə bağlı həyata keçirdikləri fəaliyyətə beynəlxalq sənədlərdə təsbit olunmuş insan haqqlarının müdafiəsi və qorunması prinsipinə uyğun olaraq dəstək verilməsinə, bu məqsədlə azərbaycanlıların sıx yaşadığı dövlətlərin aidiyyəti strukturları ilə səmərəli iş mexanizmi qurulmasına və problemlərin həllinə kömək göstərilməsi istiqamətində fəaliyyətin təşkil edilməsinə nəzarət edir Fəaliyyət istiqaməti üzrə Azərbaycan Respublikasının tərəfdar çıxdığı beynəlxalq müqavilələrin həyata keçirilməsini öz səlahiyyətləri daxilində təmin edir Şöbənin kurasiyasında olan xarici ölkələrdəki azərbaycan diaspor təşkilatlarının keçirdiyi tədbirlərdə aidiyyatı üzrə iştirak edir Şöbənin işçiləri haqqında müvafiq təqdimatın şöbə müdirinə verilməsinə nəzarət edir Komitənin fəaliyyət istiqamətinə dair qabaqcıl təcrübənin öyrənilməsi, yeni innovativ təkliflərin, layihələrin hazırlanması və tədbirlər görülməsinə nəzarət edir Komitənin fəaliyyət planları ilə müəyyən edilmiş tədbirlərin icrasının əlaqələndirilməsi və görülən işlər barədə hesabatların hazırlanmasına nəzarət edir Şöbənin fəaliyyət istiqamətləri üzrə müvafiq normativ-hüquqi, metodik və digər sənədlərin layihələrinin, təkliflərin hazırlanmasında iştirak edir və sektor üzrə müvafiq məsələlərə rəhbərlik edilməsinə nəzarət edir Şöbənin fəaliyyəti haqqında şöbə müdirinə mütəmadi olaraq hesabat və məlumatların verilməsinə nəzarət edir Şöbənin işinin təşkili ilə bağlı öz səlahiyyətləri daxilində Komitənin digər struktur bölmələri ilə müvafiq məlumat və sənədlərin mübadiləsinin təşkil edilməsinə nəzarət edir Tabeliyində olan sektorlar və əməkdaşların fəaliyyətini əlaqələndirir, əmək, icra və xidmət intizamına riayət etmələrinə nəzarət edir Qabaqcıl təcrübənin öyrənilməsi ilə bağlı beynəlxalq və yerli təşkilatlar tərəfindən xaricdə və ölkədə keçirilən forum, seminar, konfrans və digər tədbirlərdə iştirakın təmin edilməsinə nəzarət edir Şöbənin işçiləri barəsində həvəsləndirmə və intizam-tənbeh tədbirləri  haqqında rəhbərliyə təqdimatlar verir Rəhbərin tapşırığı ilə  digər işlərin həyata keçirilməsini təmin edir.
Vakant inzibati vəzifənin tutulması şərtləri	Təhsilə dair tələblər: ali təhsil İş stajına dair tələblər: dövlət qulluğunda 6 il struktur bölmənin və ya vəzifənin fəaliyyət istiqamətləri üzrə iş stajı və yaxud 9 il struktur bölmənin və ya vəzifənin fəaliyyət istiqamətləri üzrə iş stajı Kompüter biliklərinə dair tələblər: MS Windows, MS Office, Internetdən istifadə (yüksək səviyyədə) Xarici dil biliklərinə dair tələblər: Rus dili-B1; İngilis dili-B1;
Xüsusi tələblər	Türk və ərəb dillərini bilənlərə üstünlük veriləcək
Müsahibə elanının tarixi	24.06.2026 09:00
Sənədlərin qəbulu üçün müəyyən edilmiş son müddət	08.07.2026 18:00

Daxili müsahibədə aşağıdakı şəxslər iştirak hüququna malikdirlər:

• Vəzifənin tutulması şərtlərinə uyğun olan Azərbaycan Respublikasının vətəndaşları.

Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti.

Qeydlər:

• "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
• Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:

Xarici dil bilik səviyyəsi	Açıqlama
A1	gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir yavaş və aydın formada danışan bir şəxslə ünsiyyət qura və ona kömək edə bilər
A2	gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
B1	iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir şəxsi maraq dairəsi və oxşar mövzularla əlaqəli sadə mətnlər hazırlaya bilir müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
B2	İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür Əcnəbi ilə heç bir çətinlik çəkmədən səlis və sərbəst ünsiyyət qura bilir müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
C1	müxtəlif mövzularda genişhəcimli və mürəkkəb mətnləri başa düşür lüğətdən istifadə etmədən öz fikirlərinisərbəst və birbaşa ifadə edə bilir sosial, akademik və peşəkar məqsədlər üçün müvafiq dildən çevik və effektiv istifadə edə bilir mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
C2	dinlədiyi və oxuduğu hər şeyi praktik olaraq asan şəkildə başa düşür müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir

Əlaqə məlumatları: 

Qeydiyyatla bağlı yaranan texniki problemlərlə əlaqədar:

Elektron imtahanlar və müsahibələrin təşkili departamenti: Tel.:(012) 310 53 16 (daxili 2508, 2506); e-mail: dqqeydiyyat@dim.gov.az;

Müsahibə elanları, o cümlədən vəzifə təlimatları və müsahibə proqramları ilə əlaqədar:

Hüquqi təminat, dövlət qulluğu məsələləri və dövlət strategiyaları ilə iş departamenti: Tel.: (012) 310 53 16 (daxili 1766); e-mail: dqqebul@dim.gov.az;

Daxili müsahibədə iştirak etmək istəyən namizədlər 24 iyun 2026-cı il   8 iyul 2026-cı il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Daxili müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.

Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.

Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.