Əlaqə məlumatları	Mərkəz üzrə: Dövlət İmtahan Mərkəzi İqtisadiyyat Nazirliyi üzrə: Heydər Əliyev prospekti 139
Dövlət orqanı	İqtisadiyyat Nazirliyi
Struktur bölmə	Azərbaycan Respublikasının İqtisadiyyat Nazirliyi, İqtisadiyyat Nazirliyi yanında Əmlak Məsələləri Dövlət Xidməti, Əmlak Məsələləri Dövlət Xidmətinin Aparatı, Ərazi və tabeli qurumlarla iş şöbəsi
Vakant inzibati vəzifənin adı və vakansiya sayı	şöbə müdirinin müavini (1 yer)
Vakant inzibati vəzifənin təsnifatı	4
Aylıq vəzifə maaşı	4300
Qulluq funksiyaları	Şöbə müdiri olmadıqda, şöbə müdirini əvəz edir; Şöbənin işinin təşkili və ona rəhbərlik edilməsində iştirak edir, işçilərin işə davamiyyətinə və əmək intizamına nəzarət edilməsində iştirak edir; Xidmətin ərazi qurumlarının fəaliyyətinə nəzarət edir, onların fəaliyyətinin əlaqələndirilməsi işinin təşkilinə nəzarət edilməsində iştirak edir; Dövlət əmlakının idarə olunması, özəlləşdirilməsi, icarəyə verilməsi, dövlət torpaqlarının özəlləşdirilməsi və icarəyə verilməsi və dövlət əmlakı barəsində sərəncam verilməsi sahələrində ərazi qurumlarının fəaliyyətinə funksional rəhbərliyin həyata keçirilməsində iştirak edir; Torpaqlardan istifadə olunması və onların mühafizəsinə nəzarət, daşınmaz əmlakın dövlət reyestri, daşınmaz əmlakın vahid dövlət kadastrı, dövlət torpaq kadastrı, yerquruluşu, torpaqların monitorinqi, torpaq bazarının təşkili sahələrində ərazi qurumlarının fəaliyyətinə funksional rəhbərliyin həyata keçirilməsində iştirak edir; Xidmətin struktur bölmələrindən ərazi qurumlarının fəaliyyəti barədə aylıq məlumatların qəbul edilməsi, təhlil və birgə müzakirə edilərək rəhbərliyə təqdim olunmasını təşkil edir;  Ərazi qurumlarından vətəndaşları qəbul edir və onların ərizə, təklif və şikayətlərinə Xidmətin aidiyyəti struktur bölmələri ilə birlikdə baxılmasına nəzarət edilməsində və görülmüş işin nəticələri haqqında məlumatların tələb edilməsində iştirak edir; Ərazi qurumları tərəfindən dövlət əmlakının, dövlət mülkiyyətində olan torpaq sahələrinin özəlləşdirilməsi və icarəyə verilməsinə dair proqnoz göstəricilərinin yerinə yetirilməsinə nəzarət edilməsində iştirak edir; Ərazi qurumlarından fəaliyyət istiqamətləri üzrə görülən işlər və müvafiq tapşırıqların icrası vəziyyəti barədə hesabatları tələb edir, ərazi qurumlarının fəaliyyətində normativ-hüquqi aktların və Xidmət rəisinin qərar, əmr və sərəncamlarının yerinə yetirilməsinə Xidmətin aidiyyəti şöbələri ilə birlikdə nəzarət edilməsində iştirak edir; İşğaldan azad olunmuş ərazilərdə daşınmaz əmlakın və torpaqların invertarlaşdırılması, özəlləşdirilməsi, idarə edilməsi, rəqəmsal kadastr xəritələrinin tərtib edilməsi, inzibati ərazi dairə və vahidlikləri üzrə torpaq ehtiyatlarının məqsədli təyinatı və hüquqi rejimi haqqında məlumatları özündə əks etdirən kompleks yerquruluşu layihələrinin hazırlanmasında iştirak edir;  İşğaldan azad olunmuş ərazilərdə daşınar və daşınmaz əmlakların mülkiyyət növləri üzrə müəyyən edilməsi, torpaq islahatının aparılması üçün dövlət mülkiyyətində saxlanılacaq, bələdiyyə mülkiyyətinə ayrılacaq və xüsusi mülkiyyətə veriləcək torpaqların müəyyən edilməsi işlərinin təşkil edilməsi barədə təkliflər verilməsində iştirak edir; İşğaldan azad olunmuş ərazilərdə daşınmaz əmlakın vahid dövlət kadastrı və dövlət torpaq kadastrının tərtib edilməsi, torpaqların kəmiyyət və keyfiyyət uçotunun aparılması və bu işlərlə əlaqəli dövlət nəzarətinin təşkil edilməsi barədə təkliflər verilməsində iştirak edir; Xidmətin struktur bölmələrindən və tabeliyində olan qurumlardan işğaldan azad olunmuş ərazilərdə fəaliyyətləri barədə aylıq məlumatların qəbul edilməsi,  təhlili və birgə müzakirə edilərək şöbə rəhbərliyinə təqdim olunmasını təşkil edir; Müvafiq sahələri tənzimləyən normativ-hüquqi, metodik və digər sənədlərin layihələrinin hazırlanmasının təşkili və ya onların hazırlanmasında iştirak edir; Şöbəyə daxil olan məktub, müraciət və digər sənədlərin aidiyyəti üzrə sektorlar (işçilər) arasında bölüşdürülməsi, onlara baxılmasına, cavabların hazırlanmasına və digər müvafiq tədbirlərin görülməsinə nəzarət edilməsində iştirak edir; Şöbənin fəaliyyətinin yekunu olan sənədlərin müəyyən olunmuş qaydada aidiyyəti üzrə və ya arxivə təhvil verilməsinə nəzarət edilməsində iştirak edir; Şöbədə kargüzarlıq işlərinin aparılması və məxfilik rejiminin təmin edilməsində iştirak edir; Şöbənin əməkdaşları barəsində həvəsləndirmə və intizam tənbeh tədbirlərinin görülməsi üçün Xidmətin rəhbərliyinə təqdimatların hazırlanmasında iştirak edir; Əmək intizamına və Xidmətin müvafiq əmrləri ilə təsdiq edilmiş müəssisədaxili intizam qaydalarına  (“İşgüzar geyim qaydaları”, “İş vaxtının rejimi Qaydaları”, “İş yerinin təşkilinə dair Qaydalar”, “Yeni işçilərin adaptasiya Qaydaları”, “Azərbaycan Respublikasının İqtisadiyyat Nazirliyi yanında Əmlak Məsələləri Dövlət Xidmətinin inzibati binasında giriş-çıxışa və təhlükəsizliyə nəzarət tədbirlərinin həyata keçirilməsinə dair Metodiki Göstəriş” və “Xidməti  telefon və elektron poçt ünvanından istifadəyə dair Təlimat” və s.) riayət edir; Xidməti vəzifələrin icrası ilə bağlı şöbə müdirinin tapşırıqlarını yerinə yetirir.
Vakant inzibati vəzifənin tutulması şərtləri	Təhsilə dair tələblər: iqtisadiyyat və idarəetmə ixtisasları qrupu, texniki və texnoloji ixtisaslar qrupu, coğrafiya müəllimliyi, hüquqşünaslıq, beynəlxalq münasibətlər, coğrafiya, torpaqşünaslıq və aqrokimya , aqronomluq, yer quruluşu, torpaq və şəhər kadastrı, aqromühəndislik ixtisasları üzrə ali təhsil İş stajına dair tələblər: dövlət qulluğunda 5 il struktur bölmənin və ya vəzifənin fəaliyyət istiqamətləri üzrə iş stajı və yaxud 7 il struktur bölmənin və ya vəzifənin fəaliyyət istiqamətləri üzrə iş stajı Kompüter biliklərinə dair tələblər: MS Windows, MS Office, Internetdən istifadə (orta səviyyədə) Xarici dil biliklərinə dair tələblər: Rus dili-A2;
Müsahibə elanının tarixi	06.07.2026 09:00
Sənədlərin qəbulu üçün müəyyən edilmiş son müddət	20.07.2026 18:00

Daxili müsahibədə aşağıdakı şəxslər iştirak hüququna malikdirlər:

• Vakant vəzifəni təqdim etmiş dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları;
• Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar daxili müsahibə elan edilən dövlət orqanında ehtiyat kadr kimi saxlanılan şəxslər;

Daxili müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

• ali təhsil haqqında sənədin surəti;
• əmək kitabçasının surəti;

Qeydlər:

• Müsahibədə barəsində müsahibə elan edilən vəzifənin təsnifatından ən çoxu iki təsnifat aşağı inzibati vəzifələrdə qulluq keçən dövlət qulluqçuları, habelə ən çoxu iki təsnifat aşağı inzibati vəzifələrdə qulluq keçmiş ehtiyat kadrlar iştirak edə bilərlər.
• "Dövlət qulluğu haqqında" Azərbaycan Respublikası Qanununun 29.5-ci maddəsinin ikinci hissəsinə əsasən barələrində intizam tənbehi tətbiq edilmiş dövlət qulluqçuları altı ay ərzində müsahibəyə buraxılmırlar.
• "Dövlət qulluğu haqqında" Azərbaycan Respublikasının Qanununda dəyişiklik edilməsi barədə" Azərbaycan Respublikasının 2016-cı il 31 may tarixli 267-VQD nömrəli Qanunu qüvvəyə mindiyi günədək (10.08.2016-cı il tarixinədək) dövlət qulluğunda inzibati vəzifəyə qəbul olunmuş və inzibati vəzifələrdə 10 ildən az qulluq stajı olan dövlət qulluqçuları daha yüksək inzibati vəzifənin tutulması üçün müraciət etdiyi halda dövlət qulluğunda fəaliyyətin davam etdirilməsi üzrə keçirilən test imtahanından keçdiyini təsdiq edən sertifikata malik olmalıdırlar.
• "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
• Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:

Xarici dil bilik səviyyəsi	Açıqlama
A1	gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir yavaş və aydın formada danışan bir şəxslə ünsiyyət qura və ona kömək edə bilər
A2	gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
B1	iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir şəxsi maraq dairəsi və oxşar mövzularla əlaqəli sadə mətnlər hazırlaya bilir müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
B2	İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür Əcnəbi ilə heç bir çətinlik çəkmədən səlis və sərbəst ünsiyyət qura bilir müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
C1	müxtəlif mövzularda genişhəcimli və mürəkkəb mətnləri başa düşür lüğətdən istifadə etmədən öz fikirlərinisərbəst və birbaşa ifadə edə bilir sosial, akademik və peşəkar məqsədlər üçün müvafiq dildən çevik və effektiv istifadə edə bilir mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
C2	dinlədiyi və oxuduğu hər şeyi praktik olaraq asan şəkildə başa düşür müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir

Əlaqə məlumatları: 

Qeydiyyatla bağlı yaranan texniki problemlərlə əlaqədar:

Elektron imtahanlar və müsahibələrin təşkili departamenti: Tel.:(012) 310 53 16 (daxili 2508, 2506); e-mail: dqqeydiyyat@dim.gov.az;

Müsahibə elanları, o cümlədən vəzifə təlimatları və müsahibə proqramları ilə əlaqədar:

Hüquqi təminat, dövlət qulluğu məsələləri və dövlət strategiyaları ilə iş departamenti: Tel.: (012) 310 53 16 (daxili 1766); e-mail: dqqebul@dim.gov.az;

Daxili müsahibədə iştirak etmək istəyən namizədlər 6 iyul 2026-cı il tarixindən 20 iyul 2026-cı il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Daxili müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.

Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.

Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.