| Əlaqə məlumatları |
-
Mərkəz üzrə: Dövlət İmtahan Mərkəzi
-
Qida Təhlükəsizliyi Agentliyi üzrə: Az1022, Bakı şəhəri, Nizami r-nu, H.Əliyev pr-ti152, Çinar Plaza
|
| Dövlət orqanı |
Qida Təhlükəsizliyi Agentliyi |
| Struktur bölmə |
Aparat, Strateji təhlil və planlaşdırma sektoru |
| Vakant inzibati vəzifənin adı və vakansiya sayı |
sektor müdiri (1 yer) |
| Vakant inzibati vəzifənin təsnifatı |
5 |
| Aylıq vəzifə maaşı |
960 |
| Qulluq funksiyaları |
- Qida
təhlükəsizliyinə dair dövlət siyasətinin hazırlanmasında iştirak etmək,
dövlətin qida təhlükəsizliyi siyasətinin prioritetlərinin formalaşdırılması
üzrə təkliflər vermək, qida təhlükəsizliyi sisteminin əhatə dairəsi və
səmərəliliyi ilə bağlı məlumatları təhlil etmək və qida təhlükəsizliyi
sahəsində mövcud qanunvericiliyin yerinə yetirilməsinə dair təşkilati-metodik
rəhbərliyi həyata keçirmək;
- Agentliyin
inkişaf strategiyasının hazırlanmasını təmin etmək və onun strukturuna daxil olan və strukturuna daxil olmayan
tabeliyindəki qurumların fəaliyyətləri üzrə strateji planların
hazırlanmasında, vahid inkişaf strategiyasının formalaşdırılmasında Agentlik
rəhbərliyinin tapşırıqlarını yerinə yetirmək;
- Agentliyin
fəaliyyət istiqamətləri üzrə strateji araşdırma və təhlil aparmaq,
planlaşdırmanı həyata keçirmək, habelə qida təhlükəsizliyi sisteminin davamlı
inkişafı üçün tədbirlər görülməsi ilə bağlı təkliflər vermək;
- Qida təhlükəsizliyi sisteminin cari vəziyyətini təhlil
etməklə inkişaf perspektivlərini, strateji prioritet istiqamətlərini müəyyənləşdirmək
və bununla bağlı nəzərdə tutulan tədbirlərin əlaqələndirilməsində və həyata
keçirilməsində iştirak etmək;
- Agentlikdə həyata keçirilən tədbirlər, proqram və
layihələr üzrə strateji təhlil aparmaqla planlaşdırmanı həyata keçirmək və
müvafiq icra tədbirlərini müəyyənləşdirmək;
- Agentliyin fəaliyyətinin gözlənilən nəticələrə və
strategiyaya uyğunluq səviyyəsini qiymətləndirməklə müvafiq inkişaf proqramlarının
hazırlanmasını təmin etmək və qida təhlükəsizliyi sahəsində idarəçilik
sisteminin davamlı inkişafına dəstək vermək məqsədilə müvafiq tədbirlər həyata
keçirmək;
- Qida
təhlükəsizliyi sistemində optimal idarəetmə modelinin, hesabatvermə və qərarların
verilməsi sisteminin yaradılmasında və təkmilləşdirilməsində iştirak etmək və
tətbiqinə dair təşkilati-metodik rəhbərliyi həyata keçirmək;
- Agentliyin
strukturuna daxil olan
qurumlar və strukturuna daxil olmayan tabeliyindəki qurumlar tərəfindən
qida təhlükəsizliyi siyasətinin icrası vəziyyətinin monitorinqini və
qiymətləndirilməsini aparmaq, nəticələri təhlil etmək, müvafiq təkliflər
hazırlamaq və hesabatlılığı təmin etmək;
- Qida
təhlükəsizliyi üzrə statistik məlumatları təhlil etmək və Agentliyin fəaliyyət
istiqamətlərini əhatə edən məsələlərə dair statistik məlumat bazasının formalaşdırılmasında
və yenilənməsi ilə bağlı işlərə rəhbərlik etmək;
- Üzərinə
götürdüyü öhdəliklərin yerinə yetirilməsində Agentliyin struktur bölmələri,
ayrı-ayrı təşkilatlar, qeyri-hökumət təşkilatları, beynəlxalq qurumlarla və
özəl sektorun nümayəndələri də daxil olmaqla digər maraqlı tərəflərlə əməkdaşlıq
etmək;
- Qida təhlükəsizliyinə dair prioritet sahələrin
inkişafı üzrə konsepsiyaların və dövlət proqramlarının hazırlanmasını əlaqələndirmək;
- Qida təhlükəsizliyi siyasətinə uyğun Agentliyin
vahid inkişaf strategiyasının hazırlanmasını təmin etmək;
- Agentliyin struktur bölmələrinin inkişaf
planlarının qida təhlükəsizliyi siyasətinə, habelə vahid inkişaf strategiyasına
uyğunluğunun təmin edilməsi ilə bağlı tədbirlər görmək;
- Dövlət proqramlarında və strateji yol xəritələrində
Agentliyin icraçı qurum kimi müəyyənləşdirilmiş tədbirlərin yerinə yetirilməsini
əlaqələndirmək, tədbirlərin icra vəziyyətinin monitorinqini aparmaq və görülmüş
işlərin qiymətləndirilməsini həyata keçirmək;
- Qida təhlükəsizliyi sahəsində qlobal meyilləri
araşdırmaq, təhlil etmək, qabaqcıl təcrübələr haqqında hesabatların
hazırlanmasını təmin etmək;
- Qida təhlükəsizliyi sisteminin cari vəziyyətinin,
dinamikasının, sahə üzrə daxili və xarici faktorların təhlilinin aparılmasını həyata
keçirmək;
- Strateji təhlil və planlaşdırmanın müasir metodlarından istifadə etməklə qida təhlükəsizliyi sahəsində idarəetmə mexanizminin təkmilləşdirilməsi ilə bağlı təkliflər hazırlamaq;
- Agentlikdə və digər dövlət qurumlarında yaradılmış komissiyalarda, işçi qruplarda müvafiq sahə üzrə iştirak etmək;
- Təşkilati və institusional çatışmazlıqları təhlil etmək
və onların həlli istiqamətində təkliflər və tövsiyələr vermək;
- Strateji təhlil, planlaşdırma və hesabatvermə
sisteminin öyrənilməsi üçün müvafiq treninq proqramları hazırlamaq və
Agentliyin əməkdaşlarına təlimlər keçmək;
- Qida təhlükəsizliyi sisteminin mövcud
normativ-hüquqi bazasının təhlilini aparmaq və beynəlxalq tələblərə
uyğunlaşdırılmasının təmin edilməsi ilə bağlı təkliflər vermək, müvafiq sahədə
normativ hüquqi bazanın yaradılmasında iştirak etmək, normativ-hüquqi aktların
layihələrinin hazırlanmasını təmin etmək;
- Dövlətin qida təhlükəsizliyi siyasətindən, qida təhlükəsizliyi
ilə bağlı normativ hüquqi aktlardan irəli gələn vəzifələrin həyata keçirilməsi
məqsədi ilə Agentliyin müvafiq struktur bölmələrinə və onun tabeçiliyində olan
qurumlara təşkilati-metodik kömək göstərmək;
- Aidiyyəti qurumlarla birlikdə ölkədə qida təhlükəsizliyi
sahəsində statistik məlumatları toplamaq, onları ümumiləşdirmək və aylıq,
rüblük, yarımillik, illik əsasda statistik hesabatların hazırlanmasını təmin
etmək;
- Aidiyyəti struktur bölmələrin iştirakı ilə
Agentliyin fəaliyyət istiqamətlərinə dair statistik məlumat bazasını
formalaşdırmaq, məlumatları təhlil etmək və nəticələr əsasında hesabatlar
hazırlayaraq Agentliyin rəhbərliyinə təqdim etmək;
- Sektorun əməkdaşları barəsində həvəsləndirici və
intizam tənbehi tədbirləri görülməsi üçün rəhbərliyə təqdimatlar hazırlamaq;
- Sektorun əməkdaşları tərəfindən xidməti vəzifələrini
yerinə yetirərkən onlara məlum olan xidməti məlumatların, dövlət və kommersiya
sirrinin qorunmasını qanunvericiliyə uyğun olaraq təmin etmək;
- Sektora daxil olan ərizə, şikayət və təkliflərə
baxmaq və müəyyən edilmiş qaydada tədbirlər görmək.
|
| Vakant inzibati vəzifənin tutulması şərtləri |
-
Təhsilə dair tələblər: ümumi iqtisadiyyat, mühəndis iqtisadiyyatı və idarəetmə, inzibati idarəetmə ixtisaslar istiqamətləri üzrə ali təhsil
-
İş stajına dair tələblər: 4 il ümumi iş stajı
-
Kompüter biliklərinə dair tələblər: MS Windows, MS Offıce, Internet və s. yüksək səviyyədə
-
Xarici dil biliklərinə dair tələblər: Rus dili-B2; İngilis dili-C1;
|
| Müsahibədə iştirak etmək hüququ verən sertifikat |
AB3 |
| Müsahibə elanının tarixi |
17.09.2019 09:00 |
| Sənədlərin qəbulu üçün müəyyən edilmiş son müddət |
17.10.2019 18:00 |
Müsabiqənin müsahibə mərhələsində aşağıdakı şəxslər iştirak hüququna malikdirlər:
- Dövlət qulluğunun müvafiq vəzifəsi üzrə test imtahanından keçdiyini təsdiq edən dövlət qulluğu sertifikatı qüvvədə olan şəxslər;
- Dövlət orqanlarında(qurumlarında) siyahısı Azərbaycan Respublikası Nazirlər Kabinetinin 2023 - cü il 12 yanvar tarixli 7 nömrəli Qərarı ilə təsdiq edilən vəzifələrdə azı 10 il iş stajı olan şəxslər;
- Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər;
Müsabiqənin müsahibə mərhələsində iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:
- ali təhsil haqqında sənədin surəti;
- əmək kitabçasının surəti;
- elmlər doktoru elmi dərəcəsi olan şəxslər elmlər doktoru elmi dərəcəsinin verilməsi barədə təsdiqedici sənədin surətini.
Qeydlər:
- Dövlət qulluğuna qəbul üçün test imtahanından keçdiyini təsdiq edən sertifikatı olan şəxs həmin sertifikatın qüvvədə olma müddətinin hər ili ərzində beş müsahibədə iştirak etmək üçün ödənişsiz müraciət edə bilər. Beşdən artıq müsahibədə iştirak ödənişlidir. Müsahibədə iştirak etmək üçün ödənişin məbləği Azərbaycan Respublikasının Tarif Şurası tərəfindən müəyyən edilir.
- "Dövlət qulluğu haqqında" Azərbaycan Respublikası Qanununun 29.5-ci maddəsinin ikinci hissəsinə əsasən barələrində intizam tənbehi tətbiq edilmiş dövlət qulluqçuları altı ay ərzində müsahibəyə buraxılmırlar.
- Elmlər doktoru elmi dərəcəsinin verilməsi barədə sənədin surəti notarial qaydada təsdiq edilməlidir.
- "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
- Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:
| Xarici dil bilik səviyyəsi | Açıqlama |
|---|
| A1 | - gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir
- özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir
- yavaş və aydın formada danışan bir şəxslə ünsiyyət qura və ona kömək edə bilər
|
| A2 | - gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür
- ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir
- özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
|
| B1 | - iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür
- müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir
- şəxsi maraq dairəsi və oxşar mövzularla əlaqəli sadə mətnlər hazırlaya bilir
- müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
|
| B2 | - İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür
- Əcnəbi ilə heç bir çətinlik çəkmədən səlis və sərbəst ünsiyyət qura bilir
- müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
|
| C1 | - müxtəlif mövzularda genişhəcimli və mürəkkəb mətnləri başa düşür
- lüğətdən istifadə etmədən öz fikirlərinisərbəst və birbaşa ifadə edə bilir
- sosial, akademik və peşəkar məqsədlər üçün müvafiq dildən çevik və effektiv istifadə edə bilir
- mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
|
| C2 | - dinlədiyi və oxuduğu hər şeyi praktik olaraq asan şəkildə başa düşür
- müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir
- özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir
|
Əlaqə məlumatları:
Qeydiyyatla bağlı yaranan texniki problemlərlə əlaqədar:
Elektron imtahanlar və müsahibələrin təşkili departamenti: Tel.:(012) 310 53 16 (daxili 2504,2503); e-mail: dqqeydiyyat@dim.gov.az;
Müsahibə elanları, o cümlədən vəzifə təlimatları və müsahibə proqramları ilə əlaqədar:
Hüquqi təminat, insan resursları və dövlət qulluğu departamenti: Tel.: (012) 310 53 16 (daxili 1766); e-mail: dqqebul@dim.gov.az;
Müsabiqənin müsahibə mərhələsində iştirak etmək istəyən namizədlər 17 sentyabr 2019-cu il tarixindən 17 oktyabr 2019-cu il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.
Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.
Müsabiqənin müsahibə mərhələsində iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.
Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.
Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.
Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.
Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.
