| Əlaqə məlumatları |
|
| Dövlət orqanı |
Energetika Nazirliyi |
| Struktur bölmə |
Neft-qaz şöbəsi, Neft siyasəti sektoru |
| Vakant inzibati vəzifənin adı və vakansiya sayı |
sektor müdiri (1 yer) |
| Vakant inzibati vəzifənin təsnifatı |
5 |
| Aylıq vəzifə maaşı |
1020 |
| Qulluq funksiyaları |
- Neft və neft-kimya sahəsinin (bundan sonra-müvafiq sahə)
perspektiv inkişaf istiqamətlərinin müəyyənləşdirilməsində, bu istiqamətlər
üzrə dövlət proqramlarının, inkişaf konsepsiyalarının hazırlanmasında və həyata
keçirilməsində şöbənin əsasnaməsi ilə müəyyən edilmiş fəaliyyət istiqamətlərinə
uyğun olaraq iştirak edilməsi;
- müvafiq sahədə fəaliyyət göstərən dövlət müəssisələrində şöbəyə
həvalə olunan hallarda və qaydada dövlətin maraqlarının təmsil edilməsi;
- Azərbaycan Respublikasının enerji təhlükəsizliyinin təmin edilməsi
üçün müvafiq sahədə tədbirlərin hazırlanmasında və həyata keçirilməsində
iştirak edilməsi;
- müvafiq sahənin ayrı-ayrı enerjidaşıyıcıların istehsalının
və istehlakının proqnoz göstəricilərinin hazırlanması, onları rəhbərliyə təqdim
edilməsi və bu sahədə həyata keçirilən tədbirlərdə iştirak edilməsi;
- Azərbaycan Respublikasının Yanacaq-enerji balansının tərtib
edilməsi məqsədilə təqdim olunmuş, müvafiq sahənin ayrı-ayrı
enerjidaşıyıcılarının müvafiq göstəricilərini təhlil edərək
Yanacaq-enerji balansının layihəsinin tərtib edilməsi və rəhbərliyə təqdim
edilməsi, həmçinin aidiyyəti şöbələrlə birlikdə onun yerinə yetirilməsi
üçün görülən tədbirlərdə iştirak edilməsi;
- müvafiq sahədə yerin təkinin geoloji öyrənilməsi və mineral-xammal
bazasının inkişafı sahəsində dövlət proqramlarının hazırlanmasının
təşkilində və həyata keçirilməsində iştirak edilməsi;
- müvafiq sahədə fəaliyyət göstərən dövlət müəssisələri ilə birlikdə
əhalinin və iqtisadiyyatın enerjidaşıyıcılarına olan tələbatının daha dolğun
ödənilməsini təmin etmək üçün tədbirlərin görülməsində iştirak edilməsi;
- dövlət müəssisələri üzrə müvafiq sahənin enerjidaşıyıcılarının
istehlak limitlərinin müəyyən olunmasında iştirak edilməsi;
- müvafiq sahədə fəaliyyət göstərən dövlət müəssisələrində hər il
üçün müvafiq sahənin enerji resurslarının istifadəsi, itkisi və texnoloji sərfi
normalarının təsdiq edilməsində iştirak edilməsi;
- müvafiq sahə üzrə resurslara qənaət və bu resurslardan
effektiv istifadə sahəsində tədbirlərin hazırlanması və həyata keçirilməsinin
təmin edilməsində iştirak edilməsi;
- aidiyyəti şöbələrlə birlikdə müvafiq sahədə fəaliyyət
göstərən təbii inhisar subyektlərinin fəaliyyətinin sektorun fəaliyyətinə uyğun
dövlət tənzimlənməsində iştirak edilməsi;
- müvafiq sahənin enerji daşıyıcıları istehsalçılarının
nəqliyyat-kommunikasiya sistemlərinə qoşulmasının tənzimlənməsində iştirak
edilməsi;
- müvafiq sahədə normativ və texniki normativ hüquqi aktların
layihələrinin hazırlanmasında iştirak edilməsi;
- Nazirliyin müəyyən etdiyi bölgüyə əsasən, Azərbaycan
Respublikasının İnzibati Xətalar Məcəlləsinin müvafiq maddələrində nəzərdə
tutulmuş, Nazirliyin baxdığı inzibati xətalar haqqında işlərə baxılması və
müvafiq qərarlar qəbul edilməsi;
- müvafiq sahənin təkmilləşdirilməsinə dair tədbirlərin
hazırlanmasında və həyata keçirilməsində iştirak edilməsi;
- müvafiq sahədə rəqabət qabiliyyətinin artırılmasına yönələn
tədbirlərin hazırlanmasında, həyata keçirilməsində və bu sahədə fəaliyyət
göstərən dövlət müəssisələrinin müəssisələrarası fəaliyyətinin
əlaqələndirilməsində iştirak edilməsi;
- müvafiq sahədə əməkdaşlığa dair beynəlxalq müqavilələrin
hazırlanmasında, şöbənin səlahiyyətinə aid olan məsələlərə dair Azərbaycan
Respublikasının tərəfdar çıxdığı beynəlxalq müqavilələr üzrə götürdüyü
öhdəliklərin yerinə yetirilməsinin təmin edilməsində və bu sahədə görülən
işlərin əlaqələndirilməsində iştirak edilməsi;
- qabaqcıl beynəlxalq təcrübə nəzərə alınmaqla, müvafiq sahədə elm,
texnika və texnologiyanın inkişafını və elmi-texniki nailiyyətlərin tətbiqinin
təmin edilməsində iştirak edilməsi;
- müvafiq sahənin inkişaf dinamikasının təhlil edilməsində iştirak
edilməsi;
- fəaliyyət istiqamətləri üzrə rəy verilməsində, təhlillər,
ümumiləşdirmələr, monitorinqlər və tədqiqatların aparılmasında, analitik
materialların hazırlanmasında iştirak edilməsi;
- fəaliyyət istiqamətlərinə uyğun olaraq sektor üzrə iş planına,
görülmüş işlər haqqında dövrlər üzrə hesabatların layihələrinə və Nazirliyin
Kollegiyasında müzakirə edilməli məsələlərə dair təkliflərin hazırlanması;
- Azərbaycanda və dünyada müvafiq sahədə baş verən dəyişikliklərin
təhlilinin və icmalının aparılması;
- müvafiq sahədə Dövlət Proqramlarının layihələrinin hazırlanması,
dəyişikliklər edilməsi və ya qüvvədən düşməsi barədə təkliflərin verilməsi;
- Azərbaycan Respublikası qanunvericiliyinin
müvafiq sahəyə tətbiqi praktikasının ümumiləşdirilməsində iştirak edilməsi,
onun təkmilləşdirilməsi istiqamətində təkliflərin hazırlanması;
- şöbənin fəaliyyətinin təkmilləşdirilməsi üçün tədbirlərin
görülməsində iştirak edilməsi;
|
| Vakant inzibati vəzifənin tutulması şərtləri |
-
Təhsilə dair tələblər: kimya müəllimliyi, kimya və biologiya müəllimliyi , kimya, geologiya , geologiya mühəndisliyi, neft-qaz mühəndisliyi, neft-qaz qurğuları mühəndisliyi, mühəndis sistemlərinin və qurğularının tikintisi mühəndisliyi, kimya mühəndisliyi ixtisasları üzrə ali təhsil
-
İş stajına dair tələblər: 4 il struktur bölmənin və ya vəzifənin fəaliyyət istiqamətləri üzrə iş stajı
-
Kompüter biliklərinə dair tələblər: MS Windows, MS Office, Internetdən istifadə – yüksək səviyyədə
-
Xarici dil biliklərinə dair tələblər: Rus dili-B1; İngilis dili-B1;
|
| Müsahibədə iştirak etmək hüququ verən sertifikat |
AB3 |
| Müsahibə elanının tarixi |
06.09.2023 09:00 |
| Sənədlərin qəbulu üçün müəyyən edilmiş son müddət |
05.10.2023 18:00 |
Müsabiqənin müsahibə mərhələsində aşağıdakı şəxslər iştirak hüququna malikdirlər:
- Dövlət qulluğunun müvafiq vəzifəsi üzrə test imtahanından keçdiyini təsdiq edən dövlət qulluğu sertifikatı qüvvədə olan şəxslər;
- Dövlət orqanlarında(qurumlarında) siyahısı Azərbaycan Respublikası Nazirlər Kabinetinin 2023 - cü il 12 yanvar tarixli 7 nömrəli Qərarı ilə təsdiq edilən vəzifələrdə azı 10 il iş stajı olan şəxslər;
- Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər;
Müsabiqənin müsahibə mərhələsində iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:
- ali təhsil haqqında sənədin surəti;
- əmək kitabçasının surəti;
- elmlər doktoru elmi dərəcəsi olan şəxslər elmlər doktoru elmi dərəcəsinin verilməsi barədə təsdiqedici sənədin surətini.
Qeydlər:
- Dövlət qulluğuna qəbul üçün test imtahanından keçdiyini təsdiq edən sertifikatı olan şəxs həmin sertifikatın qüvvədə olma müddətinin hər ili ərzində beş müsahibədə iştirak etmək üçün ödənişsiz müraciət edə bilər. Beşdən artıq müsahibədə iştirak ödənişlidir. Müsahibədə iştirak etmək üçün ödənişin məbləği Azərbaycan Respublikasının Tarif Şurası tərəfindən müəyyən edilir.
- "Dövlət qulluğu haqqında" Azərbaycan Respublikası Qanununun 29.5-ci maddəsinin ikinci hissəsinə əsasən barələrində intizam tənbehi tətbiq edilmiş dövlət qulluqçuları altı ay ərzində müsahibəyə buraxılmırlar.
- Elmlər doktoru elmi dərəcəsinin verilməsi barədə sənədin surəti notarial qaydada təsdiq edilməlidir.
- "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
- Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:
| Xarici dil bilik səviyyəsi | Açıqlama |
|---|
| A1 | - gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir
- özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir
- yavaş və aydın formada danışan bir şəxslə ünsiyyət qura və ona kömək edə bilər
|
| A2 | - gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür
- ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir
- özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
|
| B1 | - iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür
- müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir
- şəxsi maraq dairəsi və oxşar mövzularla əlaqəli sadə mətnlər hazırlaya bilir
- müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
|
| B2 | - İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür
- Əcnəbi ilə heç bir çətinlik çəkmədən səlis və sərbəst ünsiyyət qura bilir
- müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
|
| C1 | - müxtəlif mövzularda genişhəcimli və mürəkkəb mətnləri başa düşür
- lüğətdən istifadə etmədən öz fikirlərinisərbəst və birbaşa ifadə edə bilir
- sosial, akademik və peşəkar məqsədlər üçün müvafiq dildən çevik və effektiv istifadə edə bilir
- mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
|
| C2 | - dinlədiyi və oxuduğu hər şeyi praktik olaraq asan şəkildə başa düşür
- müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir
- özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir
|
Əlaqə məlumatları:
Qeydiyyatla bağlı yaranan texniki problemlərlə əlaqədar:
Elektron imtahanlar və müsahibələrin təşkili departamenti: Tel.:(012) 310 53 16 (daxili 2504,2503); e-mail: dqqeydiyyat@dim.gov.az;
Müsahibə elanları, o cümlədən vəzifə təlimatları və müsahibə proqramları ilə əlaqədar:
Hüquqi təminat, insan resursları və dövlət qulluğu departamenti: Tel.: (012) 310 53 16 (daxili 1766); e-mail: dqqebul@dim.gov.az;
Müsabiqənin müsahibə mərhələsində iştirak etmək istəyən namizədlər 6 sentyabr 2023-cü il tarixindən 5 oktyabr 2023-cü il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.
Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.
Müsabiqənin müsahibə mərhələsində iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.
Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.
Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.
Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.
Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.
