| Əlaqə məlumatları |
|
| Dövlət orqanı |
Qida Təhlükəsizliyi Agentliyi |
| Struktur bölmə |
Mərkəzi Aran regional bölmə, İnzibati işlər və təsərrüfat sektoru |
| Vakant inzibati vəzifənin adı və vakansiya sayı |
sektor müdiri (1 yer) |
| Vakant inzibati vəzifənin təsnifatı |
7 |
| Aylıq vəzifə maaşı |
555 |
| Qulluq funksiyaları |
- Agentliyin səlahiyyətlərinə
aid edilmiş inzibati xətalar haqqında işlərə baxılması ilə bağlı regional bölmə
əməkdaşları tərəfindən tərtib edilmiş sənədlərin düzgünlüyünə nəzarət etmək;
-
Agentliyin
fəaliyyəti üzrə qəbul edilmiş inzibati tənbeh vermə haqqında qərarların
icrası barədə hesabatlar hazırlamaq və bölmə rəhbərliyinə təqdim etmək;
-
Azərbaycan Respublikasının məhkəmələrində inzibati
ərazi vahidi üzrə Agentliyin hüquq və qanuni mənafelərinin müdafiəsini, habelə
məhkəmə baxışları ilə əlaqədar prosessual sənədlərin (iddia ərizələrinin,
etirazların, apellyasiya, kassasiya və əlavə kassasiya şikayətlərinin və
s.) hazırlanmasını təmin etmək və məhkəmələrdə baxılan işlər barədə rəhbərliyə
mütəmadi olaraq məruzə etmək;
-
Sektorlardan
planlı və plandankənar yoxlamaların sənədlərini almaq, iş axını zamanı
onların düzgünlüyünü yoxlamaq və hesabatların hazırlanmasını təmin etmək;
-
Bölməyə
həvalə olunmuş vəzifələrin icrasını təmin etmək məqsədilə tərtib edilmiş
iş planlarını və digər bu kimi sənədlərdə nəzərdə tutulmuş tədbirlərin
vaxtında və keyfiyyətlə həyata keçirilməsi vəziyyətini araşdırmaq, bu barədə
hesabatlar hazırlamaq və bölmə rəhbərliyinə təqdim etmək;
- Regional bölmə üzrə ştat
vahidlərinin ixtisaslı kadrlarla təmin edilməsi, kadrların rotasiyası, vəzifəyə
təyin və ya vəzifədən azad edilməsi, intizam məsuliyyətinə cəlb edilməsi və
mükafatlandırılması ilə bağlı Agentlik Aparatına verilən təkliflərə dair tapşırıqların
yerinə yetirilməsini təmin etmək;
- Regional bölmənin struktur
vahidlərinin rəhbərlərinin təklifi əsasında əməkdaşların illik məzuniyyət
qrafikinin hazırlanmasını təmin etmək, təsdiqlənən qrafikin yerinə
yetirilməsinə nəzarət etmək və məzuniyyətlə bağlı irəli gələn digər məsələləri
həll etmək;
-
Regional bölmənin dövlət qulluqçularının
xidməti fəaliyyətinin qiymətləndirilməsi prosesinə ümumi nəzarəti həyata
keçirmək;
- Əməkdaşların iş uçotu tabelinin Agentlik Aparatının
müvafiq struktur bölməsi tərəfindən müəyyən edilən qaydada
tərtib olunmasını və göndərilməsini təmin etmək;
- Regional bölməyə Agentlik Aparatından
daxil olmuş nəzarət xarakterli sənədlərin icrasının təmin edilməsi ilə bağlı
tədbirlər görmək;
- Regional bölmədə sənədlərlə işin
təşkili, sistemləşdirilməsi, uçotu, onların saxlanma müddətlərinin müəyyən
edilməsi, kargüzarlıq qaydalarına riayət edilməsinə və sənəd
dövriyyəsinin aparılmasında mövcud qaydaların tələblərinə riayət
edilməsinə səlahiyyətləri daxilində cari nəzarəti həyata keçirmək, habelə arxiv
işini təşkil etmək, sənədlərin arxivə lazımi səviyyədə təhvil
verilməsi məqsədi ilə regional bölmənin fəaliyyəti nəticəsində yaranan və
kənardan alınan bütün sənədlər daxil edilməklə işlərin ümumi nomenklatur-
siyahısının tərtib edilməsinə, sənədlərin vaxtında icrasına səlahiyyətləri
çərçivəsində cari nəzarəti həyata keçirmək;
- Elektron sənəd dövriyyəsinə nəzarət etmək;
- Sənəd qovluqlarının düzgün
formalaşdırılmasını, sənədləşmə işlərinin sistemləşdirilməsini, uçotunu və
qanunvericiliyin tələblərinə uyğun şəkildə arxivə təhvil verilməsinin təmin
edilməsinə nəzarət etmək;
- Regional bölmədən göndərilən
sənədlərin aidiyyəti üzrə göndərilməsini, təsnifləşdirilməsini və
statistik hesabatların aparılması işinə nəzarət etmək;
- Təsərrüfat xidmətinin yerinə yetirilməsinə
nəzarət etmək;
- Azərbaycan Respublikasının dövlət
büdcəsindən və qanunla nəzərdə tutulmuş digər mənbələr hesabına ayrılmış vəsait
hesabına regional bölmənin saxlanması və fəaliyyəti üçün verilmiş maddi-texniki
inventarların təyinatı üzrə səmərəli istifadə edilməsinə nəzarət etmək və
regional bölmə rəhbərinə müvafiq təkliflər vermək;
- Qanunvericiliklə müəyyən olunmuş
müddətlərdə regional bölmənin balansında olan əsas vəsaitlərin, eləcə də
öhdəliklərin, hesablaşmaların, kapitalın və s. maddi sərvətlərin, balansın
bütün aktiv və passiv maddələrinin inventarizasiyasının aparılmasında iştirak
etmək və regional bölmə rəhbərinin verdiyi tapşırıqları yerinə yetirmək;
- Regional bölmənin balansında olan
istismar müddəti başa çatmış və istifadəyə yararsız olan avtomobillərin,
texnika və avadanlıqların qanunvericiliyə uyğun olaraq balansdan silinməsi ilə
bağlı tədbirlər görmək;
- Regional bölmənin balansında olan
binaların, inventar və avadanlıqların, qurğuların səmərəli istismar edilməsi,
onların təmiri və qorunması ilə bağlı tədbirlər görmək;
- Fəaliyyət istiqamətləri üzrə regional
bölmə rəhbərinin keçirdiyi müşavirələrin, iclasların, görüşlərin və digər bu
kimi tədbirlərin təşkili və texniki təminatı ilə bağlı tədbirlər görmək;
- Təsərrüfat avadanlığının saxlanılmasını,
onun bərpa edilməsini, eləcə də otaqlarda və onlara əlavə edilmiş ərazilərdə
təmizliyə riayət olunmasını təmin etmək;
- Otaqların vəziyyətinə nəzarət etmək və
onların vaxtında təmiri üzrə tədbirləri yerinə yetirmək;
- Təsərrüfat xidməti heyətinə rəhbərlik
etmək;
- Bölmə rəhbərinin tapşırığı ilə hesabatlar, arayışlar və məlumatlar hazırlamaq;
- Bölmə rəhbəri tərəfindən tapşırılmış vəzifələri yerinə yetirmək;
- Sektorun əməkdaşları barəsində həvəsləndirmə və
intizam tənbehi tədbirləri görülməsi üçün bölmə rəhbərinə təqdimatlar
vermək;
- Sektorun əməkdaşları
qarşısında qoyulan tapşırıqların dövlət qulluçularının xidməti fəaliyyətinin qiymətləndirilməsi
dövrü ərzində hansı səviyyədə yerinə yetirilməsini, meyarlar üzrə fəaliyyətini
və əmək intizamına əməl edilmə vəziyyətini vaxtında, obyektiv və qərəzsiz qiymətləndirmək;
- Qanunvericiliklə müəyyən edilmiş qaydada vətəndaşların bölməyə daxil olmuş şifahi və yazılı müraciətlərinə vaxtında və ətraflı baxılmasını təmin etmək;
- Sektorun əməkdaşları tərəfindən fəaliyyət prosesində qanunvericiliyə uyğun olaraq xidməti məlumatların, dövlət və kommersiya sirrinin qorunmasını təmin etmək;
- Aidiyyəti qurumlara müraciətlər hazırlamaq, sənədlərin toplanmasını və göndərilməsinin həyata keçirilməsinə nəzarət etmək;
- Sektorun fəaliyyət istiqamətlərinə uyğun olaraq qanunvericiliklə nəzərdə tutulmuş digər vəzifələri yerinə yetirmək.
|
| Vakant inzibati vəzifənin tutulması şərtləri |
-
Təhsilə dair tələblər: ali təhsil
-
İş stajına dair tələblər: 2 il struktur bölmənin və ya vəzifənin fəaliyyət istiqamətləri üzrə iş stajı
-
Kompüter biliklərinə dair tələblər: MS Windows, MS Offıce, İnternetdən istifadə yüksək səviyyədə
-
Xarici dil biliklərinə dair tələblər: yoxdur
|
| Müsahibədə iştirak etmək hüququ verən sertifikat |
AC4 |
| Müsahibə elanının tarixi |
06.05.2024 09:00 |
| Sənədlərin qəbulu üçün müəyyən edilmiş son müddət |
04.06.2024 18:00 |
Müsabiqənin müsahibə mərhələsində aşağıdakı şəxslər iştirak hüququna malikdirlər:
- Dövlət qulluğunun müvafiq vəzifəsi üzrə test imtahanından keçdiyini təsdiq edən dövlət qulluğu sertifikatı qüvvədə olan şəxslər;
- Dövlət orqanlarında(qurumlarında) siyahısı Azərbaycan Respublikası Nazirlər Kabinetinin 2023 - cü il 12 yanvar tarixli 7 nömrəli Qərarı ilə təsdiq edilən vəzifələrdə azı 10 il iş stajı olan şəxslər;
- Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər;
Müsabiqənin müsahibə mərhələsində iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:
- ali təhsil haqqında sənədin surəti;
- əmək kitabçasının surəti;
- elmlər doktoru elmi dərəcəsi olan şəxslər elmlər doktoru elmi dərəcəsinin verilməsi barədə təsdiqedici sənədin surətini.
Qeydlər:
- Dövlət qulluğuna qəbul üçün test imtahanından keçdiyini təsdiq edən sertifikatı olan şəxs həmin sertifikatın qüvvədə olma müddətinin hər ili ərzində beş müsahibədə iştirak etmək üçün ödənişsiz müraciət edə bilər. Beşdən artıq müsahibədə iştirak ödənişlidir. Müsahibədə iştirak etmək üçün ödənişin məbləği Azərbaycan Respublikasının Tarif Şurası tərəfindən müəyyən edilir.
- "Dövlət qulluğu haqqında" Azərbaycan Respublikası Qanununun 29.5-ci maddəsinin ikinci hissəsinə əsasən barələrində intizam tənbehi tətbiq edilmiş dövlət qulluqçuları altı ay ərzində müsahibəyə buraxılmırlar.
- Elmlər doktoru elmi dərəcəsinin verilməsi barədə sənədin surəti notarial qaydada təsdiq edilməlidir.
- "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
- Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:
| Xarici dil bilik səviyyəsi | Açıqlama |
|---|
| A1 | - gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir
- özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir
- yavaş və aydın formada danışan bir şəxslə ünsiyyət qura və ona kömək edə bilər
|
| A2 | - gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür
- ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir
- özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
|
| B1 | - iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür
- müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir
- şəxsi maraq dairəsi və oxşar mövzularla əlaqəli sadə mətnlər hazırlaya bilir
- müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
|
| B2 | - İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür
- Əcnəbi ilə heç bir çətinlik çəkmədən səlis və sərbəst ünsiyyət qura bilir
- müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
|
| C1 | - müxtəlif mövzularda genişhəcimli və mürəkkəb mətnləri başa düşür
- lüğətdən istifadə etmədən öz fikirlərinisərbəst və birbaşa ifadə edə bilir
- sosial, akademik və peşəkar məqsədlər üçün müvafiq dildən çevik və effektiv istifadə edə bilir
- mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
|
| C2 | - dinlədiyi və oxuduğu hər şeyi praktik olaraq asan şəkildə başa düşür
- müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir
- özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir
|
Əlaqə məlumatları:
Qeydiyyatla bağlı yaranan texniki problemlərlə əlaqədar:
Elektron imtahanlar və müsahibələrin təşkili departamenti: Tel.:(012) 310 53 16 (daxili 2504,2503); e-mail: dqqeydiyyat@dim.gov.az;
Müsahibə elanları, o cümlədən vəzifə təlimatları və müsahibə proqramları ilə əlaqədar:
Hüquqi təminat, insan resursları və dövlət qulluğu departamenti: Tel.: (012) 310 53 16 (daxili 1766); e-mail: dqqebul@dim.gov.az;
Müsabiqənin müsahibə mərhələsində iştirak etmək istəyən namizədlər 6 may 2024-cü il tarixindən 4 iyun 2024-cü il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.
Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.
Müsabiqənin müsahibə mərhələsində iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.
Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.
Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.
Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.
Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.
