| Əlaqə məlumatları |
|
| Dövlət orqanı |
Qida Təhlükəsizliyi Agentliyi |
| Struktur bölmə |
Dağlıq Şirvan regional bölmə, İnzibati işlər və təsərrüfat sektoru |
| Vakant inzibati vəzifənin adı və vakansiya sayı |
məsləhətçi - hüquq, kadr və nəzarət məsələləri üzrə (1 yer) |
| Vakant inzibati vəzifənin təsnifatı |
7 |
| Aylıq vəzifə maaşı |
490 |
| Qulluq funksiyaları |
- Agentliyin səlahiyyətlərinə aid edilmiş inzibati
xətalar haqqında işlərə baxılması ilə bağlı regional bölmə əməkdaşları
tərəfindən tərtib edilmiş sənədlərin düzgünlüyünü yoxlamaq;
- Fəaliyyət istiqamətləri üzrə sektorlar
tərəfindən görülən işlər və tapşırıqların icrası vəziyyəti barədə hesabatları
sektor müdirinə təqdim etmək;
- Agentliyin
fəaliyyəti üzrə qəbul edilmiş inzibati tənbeh vermə haqqında qərarların icrası
barədə hesabatlar hazırlamaq və sektor müdirinə təqdim etmək;
- Azərbaycan
Respublikasının məhkəmələrində inzibati ərazi vahidi üzrə Agentliyin hüquq və
qanuni mənafelərini müdafiə etmək, məhkəmə baxışları ilə əlaqədar prosessual
sənədləri (iddia ərizələrinin, etirazların, apellyasiya, kassasiya və əlavə
kassasiya şikayətlərinin və s.) hazırlamaq və məhkəmələrdə baxılan işlər barədə
mütəmadi olaraq sektor müdirinə məruzə etmək;
- Regional
bölməyə daxil olan vətəndaş şikayətlərinə qanunvericilikdə nəzərdə tutulmuş
qaydada baxılması ilə bağlı sektorlardan müvafiq məlumatları və sənədləri
almaq, onların düzgünlüyünü yoxlamaq və bu barədə hesabatları rəhbərliyinə
təqdim etmək;
- Sektorlardan
planlı və plandankənar yoxlamaların sənədlərini almaq, iş axını zamanı onların
düzgünlüyünü yoxlamaq və hesabatları hazırlamaq ;
- Bölməyə
həvalə olunmuş vəzifələrin icrasını təmin etmək məqsədilə tərtib edilmiş iş
planlarını və digər bu kimi sənədlərdə nəzərdə tutulmuş tədbirlərin vaxtında və
keyfiyyətlə həyata keçirilməsi vəziyyətini araşdırmaq, bu barədə hesabatlar
hazırlamaq və sektor müdirinə təqdim etmək;
- Regional bölmə üzrə ştat
vahidlərinin ixtisaslı kadrlarla təmin edilməsi, kadrların rotasiyası, vəzifəyə
təyin və ya vəzifədən azad edilməsi, intizam məsuliyyətinə cəlb edilməsi və
mükafatlandırılması ilə bağlı Agentlik Aparatından verilən təkliflərə dair tapşırıqları yerinə yetirmək;
- Regional bölmənin struktur
vahidlərinin rəhbərlərinin təklifi əsasında əməkdaşların illik məzuniyyət
qrafikinin hazırlanmasını təmin etmək, təsdiqlənən qrafikin yerinə
yetirilməsinə nəzarət etmək və məzuniyyətlə bağlı irəli gələn digər məsələləri
həll etmək;
-
Regional bölmənin dövlət qulluqçularının
xidməti fəaliyyətinin qiymətləndirilməsi prosesinə müvafiq köməklik göstərmək, habelə sənədlərin hazırlanmasına nəzarət etmək;
- Əməkdaşların iş uçotu tabelini Agentlik Aparatının
müvafiq struktur bölməsi tərəfindən müəyyən edilən qaydada
tərtib etmək və göndərilməsini təmin etmək;
- Regional bölməyə Agentlik Aparatından
daxil olmuş nəzarət xarakterli sənədlərin icrasının təmin edilməsi ilə bağlı
tədbirlərdə iştirak etmək;
- Regional bölmədə sənədləri sistemləşdirmək,
uçotunu aparmaq, onların saxlanma müddətlərinə, kargüzarlıq qaydalarına riayət
etmək və sənəd dövriyyəsinin aparılmasında mövcud qaydaların tələblərinə riayət
etmək, səlahiyyətləri daxilində cari nəzarəti həyata keçirmək, habelə arxiv
işini görmək, sənədlərin arxivə lazımi səviyyədə təhvil verilməsi məqsədi ilə
regional bölmənin fəaliyyəti nəticəsində yaranan və kənardan alınan bütün
sənədlər daxil edilməklə işlərin ümumi nomenklatur- siyahısını tərtib etmək,
sənədlərin vaxtında icrasına səlahiyyətləri çərçivəsində cari nəzarəti həyata
keçirmək üçün sektor müdirinə müvafiq məlumatları vermək;
- Elektron
sənəd dövriyyəsi ilə bağlı əməliyyatları yerinə yetirmək;
- Sənəd
qovluqlarını düzgün formalaşdırmaq, sənədləşmə işlərin sistemləşdirmək, uçotunu
və qanunvericiliyin tələblərinə uyğun şəkildə arxivə təhvil verilməsini həyata
keçirmək;
- Regional
bölmədən göndərilən sənədlərin aidiyyəti üzrə göndərilməsini, təsnifləşdirilməsini
ilə bağlı işləri həyata keçirmək və statistik hesabatları aparmaq;
- Sektor
müdirinin tapşırığı ilə hesabatlar, arayışlar və məlumatlar hazırlamaq;
- Sektor
müdiri tərəfindən tapşırılmış vəzifələri yerinə yetirmək;
- Qanunvericiliklə
müəyyən edilmiş qaydada vətəndaşların sektora daxil olmuş şifahi və yazılı
müraciətlərinə vaxtında və ətraflı baxılmasını təmin etmək;
- Fəaliyyət
prosesində qanunvericiliyə uyğun olaraq xidməti məlumatların, dövlət və
kommersiya sirrini qorumaq;
- Aidiyyəti qurumlara
müraciətlər hazırlamaq, sənədlərin toplanmasını və göndərilməsini həyata
keçirmək;
- Sektorun
fəaliyyət istiqamətlərinə uyğun olaraq qanunvericiliklə nəzərdə tutulmuş digər
vəzifələri yerinə yetirmək.
|
| Vakant inzibati vəzifənin tutulması şərtləri |
-
Təhsilə dair tələblər: hüquqşünaslıq ixtisası üzrə ali təhsil
-
İş stajına dair tələblər: yoxdur
-
Kompüter biliklərinə dair tələblər: MS Windows, MS Offıce, İnternetdən istifadə yüksək səviyyədə
-
Xarici dil biliklərinə dair tələblər: yoxdur
|
| Müsahibədə iştirak etmək hüququ verən sertifikat |
BB4 |
| Müsahibə elanının tarixi |
06.05.2024 09:00 |
| Sənədlərin qəbulu üçün müəyyən edilmiş son müddət |
04.06.2024 18:00 |
Müsabiqənin müsahibə mərhələsində aşağıdakı şəxslər iştirak hüququna malikdirlər:
- Dövlət qulluğunun müvafiq vəzifəsi üzrə test imtahanından keçdiyini təsdiq edən dövlət qulluğu sertifikatı qüvvədə olan şəxslər;
- Dövlət orqanlarında(qurumlarında) siyahısı Azərbaycan Respublikası Nazirlər Kabinetinin 2023 - cü il 12 yanvar tarixli 7 nömrəli Qərarı ilə təsdiq edilən vəzifələrdə azı 10 il iş stajı olan şəxslər;
- Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər;
Müsabiqənin müsahibə mərhələsində iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:
- ali təhsil haqqında sənədin surəti;
- əmək kitabçasının surəti;
- elmlər doktoru elmi dərəcəsi olan şəxslər elmlər doktoru elmi dərəcəsinin verilməsi barədə təsdiqedici sənədin surətini.
Qeydlər:
- Dövlət qulluğuna qəbul üçün test imtahanından keçdiyini təsdiq edən sertifikatı olan şəxs həmin sertifikatın qüvvədə olma müddətinin hər ili ərzində beş müsahibədə iştirak etmək üçün ödənişsiz müraciət edə bilər. Beşdən artıq müsahibədə iştirak ödənişlidir. Müsahibədə iştirak etmək üçün ödənişin məbləği Azərbaycan Respublikasının Tarif Şurası tərəfindən müəyyən edilir.
- "Dövlət qulluğu haqqında" Azərbaycan Respublikası Qanununun 29.5-ci maddəsinin ikinci hissəsinə əsasən barələrində intizam tənbehi tətbiq edilmiş dövlət qulluqçuları altı ay ərzində müsahibəyə buraxılmırlar.
- Elmlər doktoru elmi dərəcəsinin verilməsi barədə sənədin surəti notarial qaydada təsdiq edilməlidir.
- 1992-ci ildən sonrakı dövrlərdə xarici dövlətlərin təhsil müəssisələri tərəfindən verilmiş ali təhsil haqqında sənədlər "Xarici dövlətlərin ali təhsil sahəsində ixtisaslarının tanınması və ekvivalentliyinin müəyyən edilməsi (nostrifikasiyası) Qaydaları"na uyğun olaraq Azərbaycan Respublikasının Elm və Təhsil Nazirliyi tərəfindən müvafiq şəhadətnamə ilə təsdiq edilməlidir.
- Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:
| Xarici dil bilik səviyyəsi | Açıqlama |
|---|
| A1 | - gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir
- özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir
- yavaş və aydın formada danışan bir şəxslə ünsiyyət qura və ona kömək edə bilər
|
| A2 | - gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür
- ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir
- özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
|
| B1 | - iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür
- müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir
- şəxsi maraq dairəsi və oxşar mövzularla əlaqəli sadə mətnlər hazırlaya bilir
- müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
|
| B2 | - İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür
- Əcnəbi ilə heç bir çətinlik çəkmədən səlis və sərbəst ünsiyyət qura bilir
- müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
|
| C1 | - müxtəlif mövzularda genişhəcimli və mürəkkəb mətnləri başa düşür
- lüğətdən istifadə etmədən öz fikirlərinisərbəst və birbaşa ifadə edə bilir
- sosial, akademik və peşəkar məqsədlər üçün müvafiq dildən çevik və effektiv istifadə edə bilir
- mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
|
| C2 | - dinlədiyi və oxuduğu hər şeyi praktik olaraq asan şəkildə başa düşür
- müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir
- özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir
|
Əlaqə məlumatları:
Qeydiyyatla bağlı yaranan texniki problemlərlə əlaqədar:
Elektron imtahanlar və müsahibələrin təşkili departamenti: Tel.:(012) 310 53 16 (daxili 2504,2503); e-mail: dqqeydiyyat@dim.gov.az;
Müsahibə elanları, o cümlədən vəzifə təlimatları və müsahibə proqramları ilə əlaqədar:
Hüquqi təminat, insan resursları və dövlət qulluğu departamenti: Tel.: (012) 310 53 16 (daxili 1766); e-mail: dqqebul@dim.gov.az;
Müsabiqənin müsahibə mərhələsində iştirak etmək istəyən namizədlər 6 may 2024-cü il tarixindən 4 iyun 2024-cü il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.
Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.
Müsabiqənin müsahibə mərhələsində iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.
Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.
Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.
Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.
Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.
