| Əlaqə məlumatları |
-
Mərkəz üzrə: Dövlət İmtahan Mərkəzi
-
Naxçıvan Muxtar Respublikasının Mədəniyyət Nazirliyi üzrə: Naxçıvan şəhəri, Heydər Əliyev prospekti 1
|
| Dövlət orqanı |
Naxçıvan Muxtar Respublikasının Mədəniyyət Nazirliyi |
| Struktur bölmə |
Aparat, İnsan resursları, sənədlərlə iş və maliyyə şöbəsi |
| Vakant inzibati vəzifənin adı və vakansiya sayı |
dövlət orqanı aparatında şöbə müdiri (1 yer) |
| Vakant inzibati vəzifənin təsnifatı |
5 |
| Aylıq vəzifə maaşı |
940 |
| Qulluq funksiyaları |
-
Şöbənin fəaliyyətini təşkil edir və onun fəaliyyətinə
rəhbərliyi və nəzarəti həyata keçirir;
- Vəzifəsi üzrə rəhbərlik tərəfindən verilən tapşırıqları yerinə yetirir;
- Sahə üzrə proqram və tədbirlər planlarının hazırlanmasında iştirak edir;
- Nazirliyə daxil olan sənədlərin qəbulu, qeydiyyatı, icraçılara çatdırılması və sənədlərin göndərilməsi işinə nəzarət edir
- Nazirliyin Aparatında məxfi kargüzarlığı təşkil və təmin edir.
- İnsan resurslarının idarə edilməsi sahəsində işlərin təşkilini və həyata keçirilməsini təmin edir;
- İnsan resurslarının planlaşdırılması işlərinin təşkilini və həyata keçirilməsini, kadr təminatının proqnozlaşdırılmasını, ehtiyat kadrların formalaşdırılmasını təmin edir və qanunvericiliyə uyğun olaraq vakant dövlət qulluğu vəzifələrinin tutulması işini təşkil edir;
- Dövlət qulluqçularının peşə hazırlığı, təkrar hazırlığı və ixtisasın artırılması sahəsində Nazirliyin digər mərkəzi icra hakimiyyəti orqanları ilə fəaliyyətini əlaqələndirilməsini, bu sahədə işlərin vəziyyətini təhlil edilməsini və təkliflər hazırlanmasını təmin edir;
- Dövlət qulluğuna qəbul və inzibati vəzifələrin tutulması üçün tələb olunan məlumatların aidiyyəti üzrə vaxtında təqdim olunması, yardımçı vəzifələrin və dövlət qulluğu hesab edilməyən vəzifələrin tutulması üçün zəruri tədbirlərin görülməsini təmin edir;
- Tabe müəssisələrə kadrların düzgün seçilməsi işini təşkil edir;
- Nazirliyin strukturlarında kadr işinin aparılmasına əməli və metodiki rəhbərliyi həyata keçirir, səlahiyyətləri daxilində bu işlərin təşkilinə nəzarət edir;
- Dövlət qulluqçuları reyestrinin və dövlət qulluğu ilə əlaqədar yaradılan digər məlumat bazalarının aparılması üçün zəruri tədbirlər görülməsinə və reyestrə daxil edilmiş məlumatlarda baş vermiş dəyişikliklər haqqında məlumatları reyestr aparan dövlət orqanına hər ay verilməsinə nəzarət edir;
- Nazirliyin İdarələrarası Elektron Sənəd Dövriyyəsi sisteminə nəzarət edir;
- Şöbənin əməkdaşlarının üzərinə düşən vəzifələri yerinə yetirməsinə, əmək və icra intizamına, etik davranış qaydalarına riayət etməsinə nəzarət edir;
- Şöbənin əməkdaşları arasında vəzifə və iş bölgüsünü aparır, onların fəaliyyətini əlaqələndirir;
- Mövcud qanunvericiliyin və Şöbənin fəaliyyətinin təkmilləşdirilməsinə dair təkliflər verir;
- Şöbənin adından sənədləri imzalayır, şöbəyə razılaşma üçün daxil olan sənədlərin qanunvericiliyə uyğunluğunu yoxlayır;
- Şöbədə məxfilik rejimini təmin edir və dövlət sirrinin mühafizəsi üzrə tədbirlərinin görülməsinə görə cavabdehlik daşıyır;
- Şöbəyə daxil olan məktub, müraciət, sorğu və digər sənədlərə qanunvericiliklə nəzərdə tutulmuş qaydada və müddətdə baxılmasına nəzarət edir;
- Şöbənin müvafiq hesabatlarının, iş planının və əməkdaşlarının vəzifə təlimatlarının hazırlanmasını təşkil edir və bilavasitə rəhbərə təqdim edir;
- Şöbənin əməkdaşlarının müvafiq sahə üzrə əlavə təhsil və təlimə ehtiyaclarını müəyyənləşdirərək bilavasitə rəhbərə təkliflər verir;
- Şöbənin əməkdaşlarının xidməti fəaliyyətinin qiymətləndirilməsini təmin edir;
- Şöbənin adından vətəndaşların qəbulunu, onların müraciətlərinin araşdırılmasını, cavablandırılmasını və müvafiq tədbirlərin görülməsini həyata keçirir;
- Şöbənin əməkdaşları barəsində həvəsləndirmə və intizam tənbeh tədbirlərinin görülməsinə dair bilavasitə rəhbərə təkliflər verir;
- Sənədlərin müəyyən edilmiş qaydada hazırlanıb arxivə təhvil verilməsini təmin edir;
- Naxçıvan Muxtar Respublikası Mədəniyyət Nazirliyinin iclaslarında, Naxçıvan Muxtar Respublikası Mədəniyyət nazirinin, onun müavinlərinin, Aparat rəhbərinin yanında keçirilən müşavirələrdə və yığıncaqlarda, komissiyaların və işçi qrupların işində iştirak edir;
- Şöbənin fəaliyyət istiqamətləri üzrə arayış, xidməti məruzə, digər sənəd və məlumatların hazırlanmasını, araşdırma və yoxlamaların, təhlil və ümumiləşdirmələrin aparılmasını təşkil edir;
- Qanunvericiliyə uyğun olaraq dövlət sirri təşkil edən sənədlərin qorunması, həmçinin işçilərin məlumatlarının məxfiliyinin qorunması üçün zəruri tədbirlər görür;
- Kargüzarlığın müntəzəm surətdə təkmilləşdirilməsi məqsədi ilə müəssisə və təşkilatlara metodiki rəhbərliyi həyata keçirir, kargüzarların peşə hazırlığını artırmaq üçün seminarlar təşkil edir;
- Tabelikdə olan müəssisə və təşkilatlardan xərclər smetasının (illik, rüblük) icrası barədə hesabatları qəbul edir, təhlil, ümumiləşdirilmə aparılmasına və yekun hesabatın tərtib edilməsinə nəzarət edir;
- Maliyyə hesabatlılığı üzrə şəffaflığın artırılması sahəsində işlərin görülməsinə nəzarət edir
- Əmək haqqının hesablanması, dövlət büdcəsinə ödəmələri, dövlət sosial sığortaların, üzvlük haqqının köçürülməsinin təmin edilməsi, bütün balans hesabatları üzrə analitik hesabatın aparılmasını təmin edilməsinə ümumi nəzarəti həyata keçirir;
|
| Vakant inzibati vəzifənin tutulması şərtləri |
-
Təhsilə dair tələblər: iqtisadiyyat və idarəetmə ixtisasları qrupu üzrə ali təhsil
-
İş stajına dair tələblər: dövlət qulluğunda 4 il struktur bölmənin və ya vəzifənin fəaliyyət istiqamətləri üzrə iş stajı və yaxud 6 il struktur bölmənin və ya vəzifənin fəaliyyət istiqamətləri üzrə iş stajı
-
Kompüter biliklərinə dair tələblər: MS Windows, MS Office, Internetdən istifadə (yüksək səviyyədə)
-
Xarici dil biliklərinə dair tələblər: yoxdur
|
| Müsahibədə iştirak etmək hüququ verən sertifikat |
AB3 |
| Müsahibə elanının tarixi |
05.02.2025 09:00 |
| Sənədlərin qəbulu üçün müəyyən edilmiş son müddət |
06.03.2025 18:00 |
Müsabiqənin müsahibə mərhələsində aşağıdakı şəxslər iştirak hüququna malikdirlər:
- Dövlət qulluğunun müvafiq vəzifəsi üzrə test imtahanından keçdiyini təsdiq edən dövlət qulluğu sertifikatı qüvvədə olan şəxslər;
- Dövlət orqanlarında(qurumlarında) siyahısı Azərbaycan Respublikası Nazirlər Kabinetinin 2023 - cü il 12 yanvar tarixli 7 nömrəli Qərarı ilə təsdiq edilən vəzifələrdə azı 10 il iş stajı olan şəxslər;
- Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər;
Müsabiqənin müsahibə mərhələsində iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:
- ali təhsil haqqında sənədin surəti;
- əmək kitabçasının surəti;
- elmlər doktoru elmi dərəcəsi olan şəxslər elmlər doktoru elmi dərəcəsinin verilməsi barədə təsdiqedici sənədin surətini.
Qeydlər:
- Dövlət qulluğuna qəbul üçün test imtahanından keçdiyini təsdiq edən sertifikatı olan şəxs həmin sertifikatın qüvvədə olma müddətinin hər ili ərzində beş müsahibədə iştirak etmək üçün ödənişsiz müraciət edə bilər. Beşdən artıq müsahibədə iştirak ödənişlidir. Müsahibədə iştirak etmək üçün ödənişin məbləği Azərbaycan Respublikasının Tarif Şurası tərəfindən müəyyən edilir.
- "Dövlət qulluğu haqqında" Azərbaycan Respublikası Qanununun 29.5-ci maddəsinin ikinci hissəsinə əsasən barələrində intizam tənbehi tətbiq edilmiş dövlət qulluqçuları altı ay ərzində müsahibəyə buraxılmırlar.
- Elmlər doktoru elmi dərəcəsinin verilməsi barədə sənədin surəti notarial qaydada təsdiq edilməlidir.
- "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
- Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:
| Xarici dil bilik səviyyəsi | Açıqlama |
|---|
| A1 | - gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir
- özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir
- yavaş və aydın formada danışan bir şəxslə ünsiyyət qura və ona kömək edə bilər
|
| A2 | - gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür
- ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir
- özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
|
| B1 | - iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür
- müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir
- şəxsi maraq dairəsi və oxşar mövzularla əlaqəli sadə mətnlər hazırlaya bilir
- müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
|
| B2 | - İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür
- Əcnəbi ilə heç bir çətinlik çəkmədən səlis və sərbəst ünsiyyət qura bilir
- müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
|
| C1 | - müxtəlif mövzularda genişhəcimli və mürəkkəb mətnləri başa düşür
- lüğətdən istifadə etmədən öz fikirlərinisərbəst və birbaşa ifadə edə bilir
- sosial, akademik və peşəkar məqsədlər üçün müvafiq dildən çevik və effektiv istifadə edə bilir
- mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
|
| C2 | - dinlədiyi və oxuduğu hər şeyi praktik olaraq asan şəkildə başa düşür
- müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir
- özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir
|
Əlaqə məlumatları:
Qeydiyyatla bağlı yaranan texniki problemlərlə əlaqədar:
Elektron imtahanlar və müsahibələrin təşkili departamenti: Tel.:(012) 310 53 16 (daxili 2508, 2506); e-mail: dqqeydiyyat@dim.gov.az;
Müsahibə elanları, o cümlədən vəzifə təlimatları və müsahibə proqramları ilə əlaqədar:
Hüquqi təminat, dövlət qulluğu məsələləri və dövlət strategiyaları ilə iş departamenti: Tel.: (012) 310 53 16 (daxili 1766); e-mail: dqqebul@dim.gov.az;
Müsabiqənin müsahibə mərhələsində iştirak etmək istəyən namizədlər 5 fevral 2025-ci il tarixindən 6 mart 2025-ci il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.
Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.
Müsabiqənin müsahibə mərhələsində iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.
Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.
Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.
Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.
Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.
