DÖVLƏT İMTAHAN MƏRKƏZİ

DÖVLƏT İMTAHAN MƏRKƏZİ

Dövlət qulluğu üzrə elektron xidmətlər


Şəxsi kabinetə giriş
Baş səhifə > Müsahibə elanları və vakant vəzifələr üzrə axtarış > Vəzifə haqqında ətraflı məlumat

Milli Arxiv İdarəsi
Azərbaycan Respublikası Milli Arxiv İdarəsi, Milli Arxiv İdarəsinin Aparatı, Arxiv sənədlərinin nəşri, istifadəsi və informasiya təminatı şöbəsi, baş məsləhətçi


Əlaqə məlumatları
Dövlət orqanı Milli Arxiv İdarəsi
Struktur bölmə Azərbaycan Respublikası Milli Arxiv İdarəsi, Milli Arxiv İdarəsinin Aparatı, Arxiv sənədlərinin nəşri, istifadəsi və informasiya təminatı şöbəsi
Vakant inzibati vəzifənin adı və vakansiya sayı baş məsləhətçi (1 yer)
Vakant inzibati vəzifənin təsnifatı 5
Aylıq vəzifə maaşı 880
Qulluq funksiyaları
  • Ali dövlət hakimiyyəti orqanlarından, dövlət qurumlarından, idarə, müəssisə və təşkilatlardan,  hüquqi və fiziki şəxslərdən, o cümlədən xarici ölkələrin aidiyyəti qurumlarından və vətəndaşlarından daxil olan sosial-hüquq və tematik xarakterli sorğuların icrasını təmin edir;
  • MAF sənədlərinin istifadəsi və arxiv məlumatlarının verilməsi üzrə ödənişli arxiv xidmətlərinin qanunvericiliyin tələblərinə uyğun təşkil edilməsində dövlət arxiv xidməti təşkilatlarına metodiki köməklik göstərir və prosesə ümumi nəzarəti həyata keçirir;
  • “ASAN Xidmət” Mərkəzlərində “Arxiv arayışlarının, arxiv sənədlərindən çıxarışların, arxiv sənədlərinin surətinin verilməsi” xidmətinin fəaliyyətinin təmin edilməsində iştirak edir;
  • Dövlət arxiv xidməti təşkilatları tərəfindən hazırlanan sənəd toplularının, məcmuələrin, göstəricilərin hazırlanmasında, sənədlərin (o cümlədən xarici dildə olan sənədlərin) seçilməsində, sənədin orijinal dilinə uyğun arxeoqrafik cəhətdən işlənilməsində, rəsmi və şəxsi mənşəli sənədlərin tərcümə edilməsində, elmi-məlumat aparatının hazırlanmasında (o cümlədən xarici dildə) iştirak edir;
  • MAF sənədləri üzrə sənəd sərgilərinin (həmçinin virtual),  xülasələrin,  videoxülasələrin və digər media resursların hazırlanması (o cümlədən xarici dildə), nümayişi və yayımlanması işini təşkil edir;
  • Dövlət arxivlərinin illik plan və hesabatlarını şöbənin profili üzrə təhlil edir, rəy verir, ümumi statistik və analitik hesabatları hazırlayıb təqdim edir;
  • Dövlət arxivlərində mühafizə olunan sənədlər barədə dövlət və ictimai təşkilatların, kütləvi informasiya vasitələrinin məlumatlandırılması işinin təşkil edir;
  • Dövlət arxiv xidməti təşkilatları, tədqiqatçılar və istifadəçilər (o cümlədən xarici ölkələrdən olan tədqiqatçılar və istifadəçilər) tərəfindən dövlət arxiv xidməti təşkilatlarının oxu zallarında MAF sənədlərdən istifadə edilməsi işinin qanunvericiliyin tələblərinə uyğun  təşkil edilməsinə ümumi nəzarəti həyata keçirir;
  • Media subyektləri ilə İdarənin və Dövlət Arxivlərinin işinin təşkilində iştirak edir;
  • Arxiv işinə aid xəbərlər (o cümlədən xarici dildə) hazırlayıb İdarənin rəsmi saytında, sosial şəbəkə hesablarında və digər media subyektlərində paylaşılmasını təmin edir;
  • Şöbənin profili üzrə qabaqcıl beynəlxalq təcrübənin öyrənilməsi və dövlət arxivlərində tətbiq edilməsinə dair təkliflərin hazırlanmasında iştirak edir;
  • MAF sənədlərinin istifadəsi sahəsi üzrə vətəndaşların və xarici ölkə vətəndaşlarının qəbulu işini qanunvericiliyə uyğun təşkil edir;
  • Kargüzarlıq sahəsində normativ-hüquqi aktlara müvafiq olaraq, İdarənin struktur bölmələrində və tabeli təşkilatlarında elektron sənəd dövriyyəsinin təşkilinə ümumi rəhbərliyin və cari nəzarətin həyata keçirilməsi ilə bağlı, sənədlərin icra müddətinə nəzarətin həyata keçirilməsi ilə bağlı təkliflər verir;
  • İdarənin müvafiq elektron informasiya sistemlərində MAF sənədlərinin istifadəsi işini təşkilində iştirak edir;
  • Şöbə müdirinin tapşırıqları üzrə şöbənin profilinə aid olan digər işləri icra edir;
Vakant inzibati vəzifənin tutulması şərtləri
  • Təhsilə dair tələblər: humanitar və sosial ixtisaslar qrupu, iqtisadiyyat və idarəetmə ixtisasları qrupu üzrə ali təhsil
  • İş stajına dair tələblər: 3 il struktur bölmənin və ya vəzifənin fəaliyyət istiqamətləri üzrə iş stajı
  • Kompüter biliklərinə dair tələblər: MS Windows, MS Office, Internetdən istifadə(orta səviyyədə)
  • Xarici dil biliklərinə dair tələblər: İngilis dili-B1; Rus dili-B2;
Müsahibədə iştirak etmək hüququ verən sertifikat BA3
Müsahibə elanının tarixi 16.01.2026 09:00
Sənədlərin qəbulu üçün müəyyən edilmiş son müddət 16.02.2026 18:00

Müsabiqənin müsahibə mərhələsində aşağıdakı şəxslər iştirak hüququna malikdirlər:

  • Dövlət qulluğunun müvafiq vəzifəsi üzrə test imtahanından keçdiyini təsdiq edən dövlət qulluğu sertifikatı qüvvədə olan şəxslər;
  • Dövlət orqanlarında(qurumlarında) siyahısı Azərbaycan Respublikası Nazirlər Kabinetinin 2023 - cü il 12 yanvar tarixli 7 nömrəli Qərarı ilə təsdiq edilən vəzifələrdə azı 10 il iş stajı olan şəxslər;
  • Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər;

Müsabiqənin müsahibə mərhələsində iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:

  • ali təhsil haqqında sənədin surəti;
  • əmək kitabçasının surəti;
  • elmlər doktoru elmi dərəcəsi olan şəxslər elmlər doktoru elmi dərəcəsinin verilməsi barədə təsdiqedici sənədin surətini.

Qeydlər:

  • Dövlət qulluğuna qəbul üçün test imtahanından keçdiyini təsdiq edən sertifikatı olan şəxs həmin sertifikatın qüvvədə olma müddətinin hər ili ərzində beş müsahibədə iştirak etmək üçün ödənişsiz müraciət edə bilər. Beşdən artıq müsahibədə iştirak ödənişlidir. Müsahibədə iştirak etmək üçün ödənişin məbləği Azərbaycan Respublikasının Tarif Şurası tərəfindən müəyyən edilir.
  • "Dövlət qulluğu haqqında" Azərbaycan Respublikası Qanununun 29.5-ci maddəsinin ikinci hissəsinə əsasən barələrində intizam tənbehi tətbiq edilmiş dövlət qulluqçuları altı ay ərzində müsahibəyə buraxılmırlar.
  • Elmlər doktoru elmi dərəcəsinin verilməsi barədə sənədin surəti notarial qaydada təsdiq edilməlidir.
  • "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
  • Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:
Xarici dil bilik səviyyəsi Açıqlama
A1
  • gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir
  • özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir
  • yavaş və aydın formada danışan bir şəxslə ünsiyyət qura və ona kömək edə bilər
A2
  • gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür
  • ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir
  • özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
B1
  • iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür
  • müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir
  • şəxsi maraq dairəsi və oxşar mövzularla əlaqəli sadə mətnlər hazırlaya bilir
  • müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
B2
  • İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür
  • Əcnəbi ilə heç bir çətinlik çəkmədən səlis və sərbəst ünsiyyət qura bilir
  • müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
C1
  • müxtəlif mövzularda genişhəcimli və mürəkkəb mətnləri başa düşür
  • lüğətdən istifadə etmədən öz fikirlərinisərbəst və birbaşa ifadə edə bilir
  • sosial, akademik və peşəkar məqsədlər üçün müvafiq dildən çevik və effektiv istifadə edə bilir
  • mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
C2
  • dinlədiyi və oxuduğu hər şeyi praktik olaraq asan şəkildə başa düşür
  • müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir
  • özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir

Əlaqə məlumatları: 

Qeydiyyatla bağlı yaranan texniki problemlərlə əlaqədar:

Elektron imtahanlar və müsahibələrin təşkili departamenti: Tel.:(012) 310 53 16 (daxili 2508, 2506); e-mail: dqqeydiyyat@dim.gov.az;

Müsahibə elanları, o cümlədən vəzifə təlimatları və müsahibə proqramları ilə əlaqədar:

Hüquqi təminat, dövlət qulluğu məsələləri və dövlət strategiyaları ilə iş departamenti: Tel.: (012) 310 53 16 (daxili 1766); e-mail: dqqebul@dim.gov.az;

Müsabiqənin müsahibə mərhələsində iştirak etmək istəyən namizədlər 16 yanvar 2026-cı il tarixindən  16 fevral 2026-cı il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.

Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.

Müsabiqənin müsahibə mərhələsində iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.

Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.

Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.

Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.

Müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.