| Əlaqə məlumatları |
|
| Dövlət orqanı |
Energetika Nazirliyi |
| Struktur bölmə |
Elektroenergetika və enerji səmərəliliyi şöbəsi |
| Vakant inzibati vəzifənin adı və vakansiya sayı |
şöbə müdirinin müavini (1 yer) |
| Vakant inzibati vəzifənin təsnifatı |
4 |
| Aylıq vəzifə maaşı |
1270 |
| Qulluq funksiyaları |
- Energetika sahəsinin strukturunun təkmilləşdirilməsi və bura
investisiyaların cəlb edilməsi üçün əlverişli mühitin yaradılması məqsədilə
təkliflər vermək və qanunvericiliklə müəyyən edilmiş qaydada müvafiq
tədbirlərin hazırlanması və həyata keçirilməsində iştirak etmək;
- Elektrik və istilik enerjisi istehsalı və istehlakının
proqnozlaşdırılması və balansını hazırlamaq, texnoloji itkilərin hesabatını və
analizini aparmaq;
- Azərbaycan Respublikasının yanacaq-enerji balansının tərtib edilməsində
və onun yerinə yetirilməsi üçün tədbirlərin görülməsində iştirak etmək;
- Energetika sisteminin subyektlərinin (elektrik stansiya və şəbəkələrin)
maya dəyəri, rentabellik məsələləri və texniki-iqtisadi göstəricilərinin
analizini aparmaq;
- Elektrik və istilik enerjisinə qənaətə görə müvafiq iqtisadi-maliyyə
həvəsləndirilmə mexanizminin yaradılması
və tətbiqində, həmçinin enerjiyə qənaət edən proqramların enerjidən səmərəli
istifadə fondundan maliyyələşdirilməsi istiqamətlərinin müəyyən edilməsində
iştirak etmək;
- Azərbaycan
Respublikası enerji təhlükəsizliyinin təmin edilməsi tədbirlərinin hazırlanması
və həyata keçirilməsində iştirak etmək;
- enerji səmərəliliyi, alternativ
və bərpa olunan enerji mənbələrindən istifadə sahələrinin perspektiv
istiqamətlərinin müəyyənləşdirilməsində, bu istiqamətlər üzrə dövlət və sahə
proqramlarının, inkişaf konsepsiyalarının hazırlanmasında və həyata
keçirilməsində iştirak edilməsi;
- enerji resurslarından səmərəli istifadə sahəsində iqtisadi, texniki və
təşkilati tələblərin müəyyən edilməsi;
- enerji resurslarından səmərəli istifadə mexanizmlərinin hazırlanmasının
və həyata keçirilməsinin təmin edilməsi, həmçinin enerji resurslarından
istifadənin səmərəliliyinin artırılması işlərinin əlaqələndirilməsinin həyata
keçirilməsi;
- enerjiyə qənaətə görə müvafiq iqtisadi-maliyyə həvəsləndirilməsi
mexanizminin yaradılmasında və tətbiqində iştirak edilməsi;
- enerjiyə qənaət edən proqramların enerjidən səmərəli istifadə fondundan
maliyyələşdirilməsi istiqamətlərini müəyyən edilməsində iştirak edilməsi;
- dövlət müəssisələri üzrə enerjidaşıyıcıların istehlak limitlərinin
müəyyən olunmasında iştirak edilməsi;
- müvafiq sahədə fəaliyyət göstərən dövlət müəssisələrində hər il üçün
yanacaq-enerji resurslarının istifadəsi, itkisi və texnoloji sərfi normalarını
müəyyən edərək təsdiq edilməsi üçün rəhbərliyə təqdim edilməsi, təsdiq edilmiş
normaların icrasına nəzarətin həyata keçirilməsi;
- qabaqcıl beynəlxalq təcrübə nəzərə alınmaqla, enerji səmərəliliyi,
alternativ və bərpa olunan enerji mənbələrindən istifadə sahələrində elm,
texnika və texnologiyanın inkişafını və elmi-texniki nəaliyyətlərin tətbiqinin
təmin edilməsi;
- alternativ və bərpa olunan enerji mənbələrindən istifadə sahəsində
dövlət siyasətinin formalaşdırlması üçün həyata keçirilən tədbirlərdə iştirak
edilməsi;
- enerji resurslarından istifadə sahəsində vəziyyətin
və mövcud problemlərin təhlilinin aparılması, onların həlli yolları ilə bağlı
təkliflərin hazırlanması, tədbirlərin həyata keçirılməsi;
- enerji səmərəliliyinin təmin olunmasına dövlət dəstəyinin göstərilməsi,
dövlət maliyyə yardımlarının ayrılması və digər güzəştlərin müəyyən edilməsi
imkanlarını araşdırıb təkliflər hazırlanması, edilən yardım və güzəştlərdən
təyinatı üzrə istifadə edilməsinə nəzarət edilməsi;
- enerji səmərəliliyi sahəsində normayaratma fəaliyyətindən irəli gələn
vəzifələrin həyata keçirilməsi;
- yanacaq-energetika
sahəsində ekoloji təhlükəsizliyin təmin edilməsindən
irəli gələn vəzifələrin həyata keçirilməsində iştirak edilməsi;
- enerji qurğusunun fəaliyyəti və ya hər hansı hərəkət nəticəsində ətraf
mühitə və ya insanların həyat və sağlamlığına müəyyən zərərli təsir təhlükəsi
yarandıqda, bu enerji qurğusunun istifadəsinin məhdudlaşdırılması və ya tam
dayandırılması üçün təkliflərin verilməsi;
- yanacaq
və energetika obyektlərinin tikilməsi və yenidən qurulması, qurğu və
avadanlıqların quraşdırılması layihələrinin ekoloji və texniki ekspertizasının
həyata keçirilməsində iştirak edilməsi;
- yanacaq-energetika sahəsində fəaliyyət göstərən dövlət müəssisələrində ətraf mühitin qorunması
sahəsində elmi-texniki nəaliyyətlərin və beynəlxalq təcrübənin tətbiq
edilməsində, müasir tipli texnologiyaların, avadanlıqların və cihazların
tətbiqi və sınanmasında, istehsalat və məişət tullantılarının yerləşdirilməsinə
dair tədbirlərdə iştirak edilməsi;
- yanacaq-energetika sahəsində fəaliyyət göstərən dövlət müəssisələrində ekologiya sahəsində
vəziyyəti yaxşılaşdırmaq üçün iqtisadi stimulların hazırlanmasında iştirak
edilməsi;
- enerji səmərəliliyi, alternativ və bərpa olunan enerji məbələrindən
istifadə sahəsində əməkdaşlığa dair beynəlxalq
müqavilələrin hazırlanmasında iştirak edilməsi, Azərbaycan Respublikasının
tərəfdar çıxdığı beynəlxalq müqavilələrin həyata keçirilməsinin öz
səlahiyyətləri daxilində təmin edilməsi və bu sahədə görülən işlərin
əlaqələndirilməsi;
- Nazirliyin müəyyən etdiyi bölgüyə əsasən, Azərbaycan Respublikasının
İnzibati Xətalar Məcəlləsinin müvafiq maddələrində nəzərdə tutulmuş, Nazirliyin
baxdığı inzibati xətalar haqqında işlərə baxılması və müvafiq qərarlar qəbul
edilməsi;
- fəaliyyət istiqamətləri ilə bağlı insan və vətəndaş
hüquqlarının və azadlıqlarının həyata keçirilməsinin və onların pozulmasının
qarşısını alınmasının təmin edilməsi;
- şöbənin fəaliyyəti ilə bağlı daxil olan ərizə və şikayətlərə baxılması
və qanunvericiliklə müəyyən edilmiş qaydada tədbirlər görülməsi;
- şöbə müdiri olmadıqda onun səlahiyyətlərinin müəyyən edilmiş qaydada
həyata keçirilməsi;
- Şöbənin
effektiv fəaliyyətinin təşkilində bilavasitə iştirak etmək, görülən işləri təhlil
etmək, nöqsanları aradan qaldırmaq üçün müvafiq təkliflər vermək;
- Ona tapşırılan
sahədə şöbə işçiləri arasında optimal vəzifə bölgüsünü aparmaq;
- Şöbə işçilərinin
müəyyən olunmuş qaydada həvəsləndirmə və intizam tədbiri görülməsi barədə şöbə
müdirinə müvafiq təkliflər vermək;
- Şöbəyə daxil
olmuş sənədlərin icraçılar arasında bölüşdürülməsi və zəruri hallarda şöbə
daxilində icraçısının dəyişdirilməsində iştirak etmək;
- Tərtib olunan sənədlərdə
məlumatların düzgünlüyü və keyfiyyətinə nəzarət etmək və lazım gələrsə işçilərə
metodik kömək göstərmək;
- Şöbə müdirinin
işdə olmadığı dövrdə müvafiq qaydada onun vəzifəsini müvəqqəti icra etmək;
- şöbə müdiri tərəfindən verilən digər vəzifələrin
yerinə yetirilməsi.
|
| Vakant inzibati vəzifənin tutulması şərtləri |
-
Təhsilə dair tələblər: iqtisadiyyat və idarəetmə, texniki ixtisaslar qrupları, elektroenergetika, istilik elektrik stansiyaları, istilik elektrik stansiyalarında yanacaq və su texnologiyası, daxili yanma mühərrikləri, ekologiya ixtisasları üzrə ali təhsil
-
İş stajına dair tələblər: 5 il dövlət qulluğu stajı və yaxud 7 il ümumi iş stajı
-
Kompüter biliklərinə dair tələblər: (MS WINDOWS, MS OFFICE, INTERNET və s.) – yüksək səviyyədə
-
Xarici dil biliklərinə dair tələblər: İngilis dili-B1; Rus dili-B1;
|
| Müsahibə elanının tarixi |
13.01.2020 09:00 |
| Sənədlərin qəbulu üçün müəyyən edilmiş son müddət |
03.02.2020 18:00 |
ümumi müsahibədə aşağıdakı şəxslər iştirak hüququna malikdirlər:
- Vakant vəzifənin aid olduğu dövlət orqanında və ya digər dövlət orqanında inzibati vəzifələrdə qulluq keçən və inzibati vəzifələrin təsnifatına uyğun ixtisas dərəcəsi olan dövlət qulluqçuları;
- Azı 5 il qulluq stajı olan və dövlət orqanında inzibati vəzifələrdə çalışmış şəxslər;
- “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə qulluq (xidmət) keçən və xüsusi (hərbi, diplomatik) rütbəsi olan şəxslər;
- “Dövlət qulluğu haqqında” Azərbaycan Respublikasının Qanununun 2.3-cü maddəsində nəzərdə tutulan dövlət qulluğunun xüsusi növündə azı 5 il qulluq (xidmət) stajı olan və xüsusi (hərbi, diplomatik) rütbə nəzərdə tutulan vəzifələrdə çalışmış şəxslər;
- Dövlət orqanlarında (qurumlarında) siyahısı Azərbaycan Respublikası Nazirlər Kabinetinin 2023-cü il 12 yanvar tarixli 7 nömrəli Qərarı ilə təsdiq edilən vəzifələrdə azı 10 il iş stajı olan şəxslər;
- Dövlət orqanının ləğvi, dövlət qulluqçularının sayının və ya ştatlarının ixtisarı ilə əlaqədar ehtiyat kadrlar siyahısında olan şəxslər;
- Dövlət qulluğu vəzifəsinin tutulması üçün nəzərdə tutulan təhsil tələbi (istiqaməti) üzrə elmlər doktoru elmi dərəcəsi olan şəxslər.
ümumi müsahibədə iştirak etmək üçün aşağıdakı sənədlərin skan olunmuş variantı onlayn qeydiyyat zamanı müraciət formasına əlavə edilməlidir:
- ali təhsil haqqında sənədin surəti;
- əmək kitabçasının surəti;
- elmlər doktoru elmi dərəcəsi olan şəxslər elmlər doktoru elmi dərəcəsinin verilməsi barədə təsdiqedici sənədin surətini.
- xüsusi, hərbi və ya diplomatik rütbəyə malik olan şəxslər müvafiq rütbəyə malik olmasını təsdiq edən sənədin surətini.
Qeydlər:
- Müsahibədə barəsində müsahibə elan edilən vəzifənin təsnifatından ən çoxu iki təsnifat aşağı inzibati vəzifələrdə qulluq keçən dövlət qulluqçuları, habelə ən çoxu iki təsnifat aşağı inzibati vəzifələrdə qulluq keçmiş şəxslər, o cümlədən ehtiyat kadrlar iştirak edə bilərlər.
- "Dövlət qulluğu haqqında" Azərbaycan Respublikası Qanununun 29.5-ci maddəsinin ikinci hissəsinə əsasən barələrində intizam tənbehi tətbiq edilmiş dövlət qulluqçuları (o cümlədən dövlət qulluğunun xüsusi növündə qulluq (xidmət) keçən və xüsusi, hərbi, diplomatik rütbəsi olan şəxslər) altı ay ərzində müsahibəyə buraxılmırlar.
- “Dövlət qulluğu haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2016-cı il 31 may tarixli 267-VQD nömrəli Qanunu qüvvəyə mindiyi günədək (10.08.2016-cı il tarixinədək) dövlət qulluğunda inzibati vəzifəyə qəbul olunmuş, hazırda qulluq keçən və inzibati vəzifələr üzrə 10 ildən az qulluq stajı olan dövlət qulluqçuları daha yüksək inzibati vəzifənin tutulması üçün müraciət etdiyi halda dövlət qulluğunda fəaliyyətin davam etdirilməsi üzrə keçirilən test imtahanından keçdiyini təsdiq edən sertifikata malik olmalıdırlar. Qeyd olunan kateqoriyaya aid dövlət qulluqçuları vəzifənin adı və təsnifatı eyni olan və ya aşağı olan vəzifələrə iddia etdikdə onlardan sertifikat tələb edilmir
- Elmlər doktoru elmi dərəcəsinin verilməsi barədə sənədin surəti notarial qaydada təsdiq edilməlidir.
- "Xarici dövlətlərin ali təhsilə aid kvalifikasiyalarının tanınması Qaydaları"na uyğun olaraq, bu Qaydalar keçmiş SSRİ-nin tərkibində olan dövlətlərin təhsil müəssisələri tərəfindən 1993-cü il yanvarın 1-dək verilmiş kvalifikasiyalara münasibətdə tətbiq edilmir. Müvafiq qaydalara əsasən namizəd vakant vəzifələrə müraciət etmək üçün peşə tanınması ilə bağlı şəhadətnaməyə malik olmalıdır.
- Vəzifənin tutulması şərtlərində tələb edilən xarici dil bilikləri aşağıdakı cədvələ əsasən müəyyən olunur:
| Xarici dil bilik səviyyəsi | Açıqlama |
|---|
| A1 | - gündəlik həyatda yaranan ehtiyacları ödəmək üçün lazımi əsas ifadələri başa düşür və istifadə edir
- özünü və başqalarını təqdim etməyi bacarır, şəxsi məlumatları əldə etmək məqsədi ilə müəyyən suallar verə bilir və bu kimi sualları cavablandıra bilir
- yavaş və aydın formada danışan bir şəxslə ünsiyyət qura və ona kömək edə bilər
|
| A2 | - gündəlik həyatla əlaqəli olan əsas cümlələri və tez-tez istifadə olunan ifadələri(şəxsi və ailə üzvləri ilə bağlı olan əsas məlumatları, alış-veriş, yaşayış yeri, iş və s) başa düşür
- ailə və gündəlik işlərlə bağlı informasiya mübadiləsini özündə əks etdirən sadə məsələlər ətrafında ünsiyyət qura bilir
- özü, ailə üzvləri və digər yaxınları haqqında sadə formada danışa bilir, gündəlik həyatın əsas aspektlərini təsvir edə bilir
|
| B1 | - iş və məktəb mühitində, asudə vaxtlarında mütəmadi olaraq qarşılaşdığı müxtəlif mövzuların əsas məqamlarını başa düşür
- müvafiq dildən istifadə etdiyi ölkədə qaldığı müddətdə qarşılaşdığı müxtəlif vəziyyətlərin öhdəsindən gələ bilir
- şəxsi maraq dairəsi və oxşar mövzularla əlaqəli sadə mətnlər hazırlaya bilir
- müxtəlif sahələr üzrə təcrübəsini, xəyallarını, ümidlərini, ambisiyalarını və hadisələri təsvir edə bilir, gələcəyə dair fikir və planları haqqında qısa arayış verə bilir
|
| B2 | - İxtisaslaşdığı sahə ilə bağlı texniki məsələləri də özündə əks etdirən konkret və mücərrəd mövzularla əlaqəli əsas mətnlərin məğzini başa düşür
- Əcnəbi ilə heç bir çətinlik çəkmədən səlis və sərbəst ünsiyyət qura bilir
- müxtəlif mövzular üzrə aydın və əhatəli mətnlər hazırlaya,aktual məsələlər, müxtəlif yanaşmaların üstünlükləri və mənfi cəhətləri haqqında fikir bildirə bilir
|
| C1 | - müxtəlif mövzularda genişhəcimli və mürəkkəb mətnləri başa düşür
- lüğətdən istifadə etmədən öz fikirlərinisərbəst və birbaşa ifadə edə bilir
- sosial, akademik və peşəkar məqsədlər üçün müvafiq dildən çevik və effektiv istifadə edə bilir
- mürəkkəb mövzularla bağlı aydın, yaxşı strukturlaşdırılmış və əhatəli mətn hazırlaya bilir
|
| C2 | - dinlədiyi və oxuduğu hər şeyi praktik olaraq asan şəkildə başa düşür
- müxtəlif yazılı və şifahi mənbələrdən əldə etdiyi məlumatları ümumiləşdirə bilir, müxtəlif arqument və hesabatları tutarlı təqdimat formasında hazırlaya bilir
- özünü sərbəst və tam şəkildə ifadə edə bilir, ünsiyyət zamanı sözləri müxtəlif məna çalarları üzrə fərqləndirə bilir
|
Əlaqə məlumatları:
Qeydiyyatla bağlı yaranan texniki problemlərlə əlaqədar:
Elektron imtahanlar və müsahibələrin təşkili departamenti: Tel.:(012) 310 53 16 (daxili 2508, 2506); e-mail: dqqeydiyyat@dim.gov.az;
Müsahibə elanları, o cümlədən vəzifə təlimatları və müsahibə proqramları ilə əlaqədar:
Hüquqi təminat, dövlət qulluğu məsələləri və dövlət strategiyaları ilə iş departamenti: Tel.: (012) 310 53 16 (daxili 1766); e-mail: dqqebul@dim.gov.az;
ümumi müsahibədə iştirak etmək istəyən namizədlər 13 yanvar 2020-ci il tarixindən 3 fevral 2020-ci il saat 18:00-dək Mərkəzin internet portalında Dövlət qulluğu üzrə müraciət Formasını doldurmaqla qeydiyyatdan keçməlidirlər. Namizəd portala daxil etdiyi məlumatların və sənədlərin aktuallığını və tamlığını təsdiq etməlidir.
Müsahibədə iştirak üçün müraciət edən namizəd "Dövlət qulluğu haqqında" Azərbaycan Respublikası Qanununun 27-ci maddəsinin və qanunvericiliklə müəyyən olunmuş vakant vəzifələrin tutulmasının ümumi şərtlərinin tələblərinə cavab verməlidir. Vakant vəzifə üzrə müəyyən edilmiş tələblərə cavab verməyən namizəd müsahibədə iştirak edə bilməz.
ümumi müsahibədə iştirakı qeydə alınmayan namizədə bu barədə portal vasitəsilə elektron bildiriş göndərilir. Namizədin qeydə alınmamasına səbəb olan çatışmazlıqlar aradan qaldırıldıqdan sonra, namizəd müvafiq vəzifə üzrə müsahibədə iştirak etmək üçün qeydə alınır. çatışmazlıqlar 3 (üç) iş günü müddətində aradan qaldırılmadıqda, namizəd müsahibədə iştirak etmək üçün qeydə alınmır.
Namizəd müəyyən edilmiş şərtlərə cavab vermədikdə, habelə onun tərəfindən təqdim edilmiş məlumat və sənədlərdə bilərəkdən yanlış məlumatlar verilməsi aşkar edildiyi halda, namizədin müsahibədə əldə etdiyi nəticələr etibarsız hesab edilir.
Namizədlər müsahibələrin keçirilmə vaxtı və yeri haqqında məlumatları sənəd qəbulu başa çatdıqdan sonra Mərkəzin www.dim.gov.az internet portalında və müvafiq dövlət orqanının saytında yerləşdiriləcək müsahibələrin keçirilməsi qrafikindən əldə edə bilərlər.
Müsahibənin keçirilməsində məqsəd namizədin bilik səviyyəsini, peşə hazırlığını, ümumi dünyagörüşünü və vakant vəzifə üçün zəruri olan keyfiyyətlərini yoxlamaqla onun vəzifəyə uyğunluğunu müəyyən etməkdir. Müsahibədə hər bir meyar üzrə namizədə minimum 2, maksimum 5 bal verilir. Müsahibənin yekun nəticələri üzrə namizəd maksimum 20 bal toplaya bilər. Keçid balı 16-dır. Müsahibənin nəticəsi barədə məlumat Mərkəzin internet portalında və müvafiq dövlət orqanının saytında yerləşdirilir.
Namizədlər müsahibə proqramları və qulluq funksiyalarına dair ətraflı məlumat almaq üçün Mərkəzin www.dim.gov.az internet portalına müraciət edilə bilər.
