Dövlət qulluğunda fəaliyyətin davam etdirilməsi üzrə keçirilən test imtahanında aşağıdakı şəxslər iştirak edə bilər:

• Sertifikat alaraq dövlət qulluğuna qəbul edilən və dövlət qulluqçusu kimi fəaliyyətini davam etdirmək istəyən şəxs sertifikatın qüvvədə olma müddətinin son ilində, lakin həmin sertifikatın qüvvədə olma müddətinin bitmə tarixindən gec olmayaraq;
• “Dövlət qulluğu haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2016-cı il 31 may tarixli 267-VQD nömrəli Qanunu qüvvəyə mindiyi günədək (10.08.2016-cı il tarixinədək) dövlət qulluğunda inzibati vəzifəyə qəbul olunmuş, inzibati vəzifələr üzrə 10 ildən az qulluq stajı olan dövlət qulluqçuları daha yüksək inzibati vəzifənin tutulması üçün iddia etdikdə

Yuxarıda qeyd olunan kateqoriyaya aid olan dövlət qulluqçuları dövlət qulluğunda fəaliyyətin davam etdirilməsi üçün hazırda qulluq keçdikləri vəzifənin daxil olduğu vəzifə altqrupu üzrə müvafiq sertifikat almalıdır.

Müvafiq sertifikatı alaraq dövlət qulluğuna qəbul edilən dövlət qulluqçuları dövlət qulluğu vəzifəsində fəaliyyətlərini davam etdirmək üçün qulluq keçdikləri vəzifənin daxil olduğu altqrupu üzrə müvafiq sertifikat almalıdır.
Vəzifələrin müvafiq altqrupu üzrə Sertifikat əldə edən şəxs Sertifikatda nəzərdə tutulmuş vəzifə, habelə həmin altqrupun aid olduğu qrup daxilində daha aşağı altqruplara uyğun olan vəzifələr üzrə dövlət qulluğunda fəaliyyətini davam etdirə bilər.

Dövlət qulluğunda fəaliyyətin davam etdirilməsi ilə bağlı test imtahanı proqramları, habelə imtahanda yoxlanılacaq bilik sahələri, hər sahə üzrə test tapşırıqlarının sayı və vəzifə altqrupları üzrə keçid balları haqqında məlumatlar Mərkəzin internet portalında yerləşdirilmişdir.

“Dövlət qulluğu haqqında” Azərbaycan Respublikası Qanununun 28-1.1 və 28.2-ci maddəsinin 3-cü hissəsinə uyğun olaraq test imtahanları ödənişli əsaslarla həyata keçirilir. İmtahanlarda iştirak etmək üçün ödənişin məbləği Azərbaycan Respublikasının Tarif (Qiymət) Şurası tərəfindən aşağıdakı qaydada müəyyən edilib:

• AB - 118 AZN
• AC - 106 AZN
• BA - 94 AZN
• BB - 82 AZN

Əlavə məlumat üçün:

Qeydiyyatla bağlı yaranan texniki problemlərlə əlaqədar:
Elektron imtahanlar və müsahibələrin təşkili departamenti:
Tel.:(012) 310 53 16 (daxili 2508, 2506); e-mail: dqqeydiyyat@dim.gov.az